琶洲塔

出自維基百科,自由嘅百科全書
跳去: 定向搵嘢
琶洲塔
Pazhou Pagoda.jpg
明細
第個名 海鼇塔、黃埔塔
原名 琶洲塔
用途 觀光
構造 樓閣式磚塔
樓數 出面9層樓,入面17層樓
高度 60僆米
落成 1600年
改築 1992年
喺邊 Flag of the People's Republic of China.svg 中國 廣東省 廣州市
海珠區 琶洲村入面
座標 北緯23°6′6.26″ 東經113°22′13.35″座標: 北緯23°6′6.26″ 東經113°22′13.35″
保護形式 廣東省文物保護單位
保護單位 廣東省人民政府
登記名 琶洲塔
3-25
登錄 1989年

琶洲塔粵拼paa4 zau1 taap3)係中國廣東省廣州市入面嘅其中一座塔,呢座塔係响海珠區琶洲村入面,靠近珠江嗰度,附近冇幾遠就係新港東路。不過呢座塔嘅樣好似個中流入面條砥柱噉,所以喺清朝嘅羊城八景入面,係攞咗「琶洲砥柱」嘅名。

[編輯]

其實都有個傳說嘅,喺好耐之前,珠江入面成日都有條金鼇出咗嚟,所以之前係嗌咗「海鼇塔」嘅名,而海鼇塔嘅「鼇」字可能係保佑嗰啲學緊嘢嘅人可以攞到第一名噉解;重有嘅係起緊塔嗰陣,由於塔嘅兩邊都有山崗响度,而且都係連埋一齊嘅,好似個琵琶噉,所以咪嗌咗「琶洲塔」嘅名重一直用到依家。

介紹[編輯]

20世紀20年代嘅黃埔塔,隔離嘅海鱉寺喺文革嗰陣畀人拆咗。
1853年畫嘅黃埔塔同海鱉寺

琶洲塔係喺明萬曆廿八年(1600年)逳手起嘅,成座塔好似個八角形噉,佢係個樓閣式嘅磚塔,而塔入面係個八角直井噉排。雖然話成座塔喺出面睇係有9層樓噉,但入面實際係有17層樓噉高。佢嘅高度有60僆米。塔基嘅直徑係12.7米,墻壁係有3.97米咁厚。喺2樓嗰度開始,每層樓都錯開嗮,而且每個面都有佛龕响度。而塔基嘅八個角度,都鑲咗個八卦同歷史响度。而呢啲力士都好似跪咗响度噉,有時係用頭頂住個塔,有時係用對手或用隻手嚟托住個塔噉,而每隻力士都有0.5米咁矮,闊度係有0.5米咁窄。成咗塔身嘅轉角位都有條紅色嘅柱响度,而柱頭都係有紅色同黑色嘅額枋响度,牆身係用咗灰漿批蕩嚟整咗白色嘅嘢出嚟。額枋嘅上面係用咗六疊菱角牙磚嚟整個瓦頂出嚟嘅,而1樓嘅瓦頂係有0.85米,而且每層樓都係紅白相間。喺每級嘅平座度重條木護欄响度。佢嘅塔頂係八角攢尖嘅,而塔嘅最頂嗰度有鐵鑄雁形角梁整咗出嚟。成座磚塔從下面到上面睇,每層樓係遞減式轉上去嘅,每層樓嘅邊長係噉:1樓:5.6米、2樓:5.25米、3樓:4.9米、4樓:4.62米、5樓:4.2米、6樓:3.89米、7樓:3.85米、8樓:3.6米、9樓:3.4米,越去到差唔多塔頂嘅,個塔廊就越嚟越窄,而最頂樓嘅出面嗰條走廊凈係啱一個人打橫嚟行啫。由於喺起緊座塔嗰陣,琶洲度係個島仔嚟嘅。雖然話琶洲塔係用嚟做風水塔,但係到咗明朝中葉之後,呢座塔重可作做導航標記都得,佢重係廣州嘅海上絲綢之路嘅重要遺址。

呢座塔喺1960年代初葉,廣州市雖然話計劃將琶洲塔變成個旅遊區。1963年3月,琶洲塔被公佈為廣州市文物保護單位。之後無耐就變咗廣東省級重點文物保護單位。但係年久失修嘅琶洲塔、海鼇寺嘅建築都重係爛融融,而塔嘅樓梯同外廊嘅護欄已經搞到呢座塔變咗危塔。而附近嘅細路同外地遊客成日都嚟爬呢座塔,搞到出現人跌死咗嘅嘢都出咗嚟。

重新裝修[編輯]

之前琶洲塔隔離有間海鱉寺同北帝宮响度嘅,但係喺文化大革命嗰陣畀當局拆咗。到咗1992年,香港人湯寶森先生就出咗50萬蚊人民幣畀廣州市文物管理委員會嚟負責整過座塔。就喺1992年8月,第一期嘅工程開始做,佢重新起咗塔頂嘅凌霄閣、外牆同欄杆。到咗1995年,廣州市人民政府又出咗60幾萬蚊嚟繼續搞琶洲塔嘅二、三期工程。佢先後還原咗塔入面嘅層樓板、樓梯、塔嘅內牆、走廊、神龕呢啲位,重整靚埋塔出面嘅周圍環境都有。1996年2月份,使咗百二幾萬蚊嘅琶洲塔修復工程終於都搞掂。

英文[編輯]

呢座塔幾百年嚟都係用緊Whampoa Pagoda嘅名,重可以同粵拼標注嘅Pa-Chow Pagoda嘅名。

交通[編輯]

巴士:

琶洲塔站

有軌電車

琶洲塔站

連出去[編輯]