廣州碑林

出自維基百科,自由嘅百科全書
Jump to navigation Jump to search

座標: 23°10′47.6″N 113°17′44.8″E / 23.179889°N 113.295778°E / 23.179889; 113.295778 廣州碑林粵拼gwong2 zau1 bei1 lam4)係中國廣東省廣州市白雲區白雲山入面嘅其中一笪景點,呢度曾經係白雲寺所在,喺清朝中後期入選羊城八景,嗌做「白雲晚望」。呢笪景點就係嚮白雲山九龍泉井上面到摩星嶺之間嘅位置,如估喺白雲山南門嗰邊上山嘅話,行咗3公里路就見到佢喇。

介紹[編輯]

廣州碑林佔地面積有16000幾平方米,呢度之前就係白雲寺。所謂白雲寺,就係喺宋朝嗰陣起嘅一間寺,雖然話佢係成個廣州入面,保存得比較耐嘅佛寺,但佢唔好彩喺抗日戰爭嗰陣冧咗。到咗1992年,廣州市委、廣州市府同廣州市人大常委投資,就嚮白雲寺舊址新起咗個廣州碑林,然後到1994年開咗畀人入去玩。而家呢個景點係個全新嘅景區,而舊時嘅白雲寺已經改成龍泉茶座喇。

內容[編輯]

廣州碑林收藏咗差唔多有300幾嚿碑刻,蒐集咗現代詩人、書法家、以及歷代部分名士嘅作品,呢啲作品大多係歌詠嶺南風光、羊城、白雲山嘅詩詞、書法。呢啲碑刻有啲放室內、有啲喺室外、重有啲鑲喺摩崖上面。成個碑林分成3個景區:摩巖石刻區、南雅堂、仙黑軒。

參攷[編輯]