藥洲遺址

出自維基百科,自由嘅百科全書
中國全國重點文保單位
藥洲遺址
所在
古遺址
時代五代十國
3-85
登錄1989年

藥洲遺址粵拼joek6 zau1 wai4 zi2),又叫九曜園gau2 jiu6 jyun4),係中國廣東省廣州市嘅一個遺址,喺越秀區教育路,係明朝羊城八景之一,叫「藥洲春曉」。1989年入選廣東省重點文物保護單位。著名作家朱千華先生嘅《雨打芭蕉落閒庭•嶺南畫舫錄》入面有「藥洲」嘅詳細記錄。

[編輯]

藥洲遺址入面嘅景

南漢嗰陣時,呢度有9嚿好出名嘅石頭,所以就有咗「九曜石」個名,所以後人叫佢做「九曜園」。「五代十國」嗰陣,由於劉岩將嶺南地區割出去,成立南漢國,喺家陣嘅廣州定都,入面就起咗間王府,離王府冇幾遠起咗個500幾丈嘅人工湖,湖入面嘅沙洲種咗好多花藥,「藥洲」個名就係噉來,藥洲嘅中間就起咗個太湖(唔係依家江蘇省嗰個太湖)同埋三江奇石喺度。而呢筍嘢成廣東嘅古代園林歷史入面最精彩嘅其中一部分。

北宋統一嶺南之後,藥洲就變咗旅遊避暑嘅地方,所以就改咗個名嗌「西湖」。到咗南宋嘉定元年(1208年)就喺湖面度種咗啲白蓮,就將個湖叫做「白蓮池」,重喺個湖入面起咗棟愛蓮亭添。

白蓮池喺明朝嗰陣入過羊城八景。清朝嗰陣,個湖逐漸淤塞,就變得越嚟越細個。到咗1949年,藥洲遺址凈係得返2000幾平方米(湖水面積440平方米,凈係得返8嚿太湖山石)。到咗1988年,廣州市政府開始整返個藥洲遺址,重將埋咗喺地底嘅景石整返出嚟,向西整闊咗部份湖面。到咗1993年,呢間嘢重新設計,復建五代十國嗰陣嘅門樓同埋碑廊。

8嚿石頭[編輯]

藥洲遺址入面係有8嚿石頭,分別係:

石頭名 喺邊度 特徵
「藥洲」石 池嘅北邊 上面有宋代書法家——米芾負責劃住「藥洲」呢兩隻大字,重寫咗「米黻元章題」呢五隻細字。呢嚿石喺清朝嗰陣搬咗去廣東布政使署東院同埋兩廣總督署嗰邊,喺20世紀中搬返過嚟。
海上洲石 池嘅西北邊 嚿石頭係圓嘅,好似個牛頭噉。四邊都有十幾個竇嚟穿過咗。喺宋熙甯年嗰陣(1068年—1077年),許彥先喺石頭上面畫咗首詩上去,而呢首詩句就係:「花藥氤氳海上洲,水中雲影帶沙流,直應路與銀潢接,槎客時來犯鬥牛。」
池東石 湖嘅東邊 分開做上下兩嚿石頭,疊埋一齊。其中上面嗰嚿就好似隻黑猪噉;下面嗰舊就好似隻大嘅龜噉。石頭重有好多個窿仔。
仙掌石 池東石嘅南邊 米芾曾經係呢嚿石頭上面題畫咗首詩上去,而呢首詩句就係:「碧海出蜃閣,青空起夏雲,瑰奇㐇怪石,錯落動乾文。」而明朝嘅關鵬呢位係石手掌紋度寫咗「仙掌」呢兩隻字。
九曜第一石 石堤東邊 石頭嘅樣就好似隻鼇魚噉。到咗1988年維修嗰陣就將嚿石升咗大概2米左右,喺石頭最下面有明嘉靖年(1522年—1566年)嗰陣劃嘅「此即九曜第一石也」呢啲字。重有清朝書法家翁方綱寫咗嘅篆書「拜石」同埋隸書「龍窟」呢啲嘢喺度。
藥洲石 湖嘅中間向西邊靠啲噉哚 個樣好似個筍峰噉,高2.4米,上面有翁方鋼寫住嘅「藥洲」呢兩隻字。
白色中空石 「藥洲」石嘅西邊 兩度都重有清朝啲人畫嘅嘢響度。
珠泉石 湖嘅中間,西南邊 西邊劃住「珠泉」,東邊劃住「釣磯」。

重有嘅係,依家有嚿比較大嘅石頭散落喺湖嘅西南邊同埋西邊。

出面網頁[編輯]