綸生白公祠

出自維基百科,自由嘅百科全書
Jump to navigation Jump to search
綸生白公祠
廣達堂
纶生白公祠.jpg
主祀 白綸生
家族信息
家族 龍潭白氏
修建史
始建 1872年
方位
地址 廣州市海珠區龍潭村西約西大街22號
朝向 坐東向西
現時尚存
經已掛牌
登錄名 綸生白公祠
(含 樂善好施牌坊)
等級 廣東省文物保護單位
分類 古建築
4-49
登錄時間 2002年7月

 綸生白公祠粵拼leon4 sang1 baak6 gung1 ci4 ,堂號廣達gwong2 daat6),喺廣州河南龍潭村西約西大街22號。清朝同治十一年(1872年)開始起祠堂,光緒廿五年(1899年)竣工。祠堂用料上乘,做工精緻,係祠堂中嘅上品。1993年8月,綸生白公祠同附近嘅「樂善好施」牌坊成為廣州市文物保護單位2002年7月,列入廣東省第六批文保單位名單

建築[編輯]

祠堂坐東向西,左右三路,前後四進。中路主體建築有頭門、拜亭、中堂和後堂。兩側係南舍、北舍。祠前面花崗石鋪地。

頭門面闊三間,進深兩間。硬山頂,人字封火山墻,灰塑博古脊。前部樑架、駝峰、斗栱雕將相人物圖案。兩次間有石包臺,上架蝦公樑,樑上面放石獅。明間兩扇木板門,下有木腳門。石門額刻「綸生白公祠」,兩便木門聯「清芳長慶集 遺愛報恩祠」。門前係三級石梯,側邊有抱鼓垂帶。

中堂面闊三間,同拜亭成勾連搭,前邊係拜亭,後面係中堂。樑架都有雕花紋。堂入邊有木雕松鶴、瑞獅花罩。

後堂面闊三間,進深三間,硬山頂,博古正脊,係供白氏祖宗牌位嘅地方,裡面木雕通花橫披。左右路面闊3.8米,高兩層10.5米。

歷史[編輯]

白綸生,名,號進賢,龍潭村人,花名白老二。白綸生創辦悅盛商行發達之後,關心廣州公益事業,多次捐錢,籌建愛育善堂、方便醫院、四廟善堂並重修北山莫氏敦倫堂,又喺龍潭起興仁書院(慶善堂),重成日慷慨解囊,賑濟臨近梓里,因而深受鄉人愛戴(西滘村有為紀念佢而起嘅報恩祠)。兩廣總督李瀚章亦奏請光緒皇帝褒題「樂善好施」,起牌坊嚟表彰。

同治年間,白綸生出錢將白氏大宗祠附近嘅何氏宗祠遷走,喺何祠原址上面起祠堂。白綸生力求建築精美,使咗廿幾年起祠堂。光緒廿五年(1899年),綸生祠落成慶典喺龍潭村舉行,嗰時,白綸生昇咗仙六年。直到光緒廿六年(1900年),祠堂最後一副對聯先寫好。祠堂落成之後,形成咗從南至北三座白家祠(景山祠、大宗祠、綸生祠)嘅景觀。

[編輯]