十八鄉 (恩洲)

出自維基百科,自由嘅百科全書
Jump to navigation Jump to search

恩洲十八鄉,係舊底嘅廣東南海縣恩洲堡所轄鄉社統稱,屬金利都(司)轄。去到清末,恩洲堡下經已唔止十八鄉[1],但十八鄉叫慣咗,約定俗成。

組成[編輯]

恩洲十八鄉通常來講有:荷溪、三聖社、半塘(泮塘)、荔溪(包括周門、荔溪南約、荔溪東約)、彩虹橋、南岸、澳口、源頭(源溪)、西場、增埗(繒埗)、西村、王聖堂三元里瑤䑓(瑤台)、沙涌(包括上沙涌、下沙涌)、塘下(唐夏)、棠溪、佛闍(佛蛇崗)。舊時嘅三元里平英團有唔少成員係呢十八鄉嘅鄉民[2]

聯鄉活動[編輯]

三元里[編輯]

喺三元里鄉有正月十八鬧元宵嘅習俗,據話係喺西漢開始嘅。舊陣嘅恩洲十八鄉有過共同約定,以增進各鄉友誼,避免械鬥,共慶豐收,就將元宵節訂作各鄉互相拜賀嘅日子,並由各鄉輪流做東:瑤䑓鄉定喺正月十六,王聖堂定喺正月十七,棠溪鄉定喺正月十九,而三元里鄉就定喺正月十八。成個活動由正月十二開始直落8日。據話1841年三元里鄉民抗英勝利後,三元里鄉為感謝各鄉支援,正月十八嘅慶典變得更為隆重。呢日係各鄉互拜,下晝喺鄉度嘅祠堂度醒獅采青,環村巡遊等,跟著仲會喺祠堂內外大擺筵席招呼各鄉鄉民[3][4]

西村[編輯]

西村喺清朝道光年間就開始有張王爺誕活動,後由於村嘅張王爺廟喺文革期間畀清拆,活動中斷。到2000年後,西村村民恢復活動,由村嘅張王爺誕慶典活動籌備小組組織慶典活動,主場變咗去西村首約嘅老人之家,張王爺神像就喺入邊供奉[5]。呢陣三元里、王聖堂、棠下等18鄉嘅村民代表亦都敲鑼舞獅共來西村慶賀,當日中午按慣例筵開百席招呼各鄉人士[6]

西場[編輯]

西場村有廣州中心市區唯一剩低嘅關帝廟,村慶定喺農曆五月十三關帝誕。呢日十八鄉包括澳口、增步、南岸等兄弟村嘅獅隊就會挑著大旗、敲鑼打鼓前往西場村恭賀,而西場村醒獅隊亦村口喺度相迎,村內擺過百圍酒席宴請鄉友弟。神誕期間有遊鄉、切磋武藝等活動[7][8]

睇埋[編輯]

[編輯]

  1. 桂坫 等 (1911). "輿地略二". 編 張鳳喈 等. 《南海縣志》卷三. 第 27頁. 
  2. "泮塘五秀". 荔灣區政协文史寫作小組. 廣州文史. 2008年9月12號. 
  3. 广州市的恩洲乡的具体信息[失咗效嘅鏈] 广州市地方志办公室
  4. 广东三元里正月十八闹元宵 2019-02-14 炎黄风俗网
  5. 十七条村舞龙舞狮贺张王爷诞 2015年04月23號 信息时报
  6. 18村同贺“张王爷诞” 互聯網檔案館歸檔,歸檔日期2019年4月9號,. 广州日报
  7. 广州西场村喜迎关帝诞[失咗效嘅鏈] 2014-6-11 羊城晚报
  8. 羊城百态:关帝诞,广州乡村众狮闹游乡 互聯網檔案館歸檔,歸檔日期2019年6月18號,. 2011-06-14 中国新闻网