倉邊路

倉邊路 CANGBIAN ROAD

倉邊路嘅路牌

性質： 主幹道 全長： 0.577公里 行車線： 雙向4車道 地區： 廣州市越秀區 起點： 中山四路 終點： 東風中路同埋小北路嘅交界 主要建築： 時代地產中心 廣州市公證處 銀山大廈 廣州市中級人民法院 廣州房地產大廈

倉邊路（粵拼：cong1 bin1 lou6）係中國廣東省廣州市入面嘅一條主幹道，喺越秀區入面，成條馬路係西南東北走向。南邊從中山四路開始，一直向北去到東風中路同埋小北路嘅交界嗰頭。

概要

全長577米，闊16米，雙向4車道。

史

其實喺秦朝嗰陣，南海郡尉任囂就喺家陣嘅倉邊路西邊冇幾遠嘅番山同埋禺山呢啲地起咗棟任囂城。而倉邊路呢笪地係白雲山入面，下甘溪嘅下游。呢條河喺嗰陣時係好大水，大到可以行船嘅，所以喺宋朝嗰陣，呢度就出過「鹽倉」喇。不過甘溪嘅下游——文溪消失咗之後，呢度就變咗個街市。由於鹽倉重喺呢度嘅隔離，所以就叫「倉邊街」。嗰陣時嘅倉邊街重係啲冇錢嘅人住嘅，污糟邋遢，條街又窄。喺嗰陣時啲人成日話倉邊街喺冇風嗰陣就鬼噉多泥，一落雨就多到成噼噉滯。

1927年，廣州市政府整闊咗條馬路，重同佢改名做「倉邊路」。喺文革嗰陣，呢條馬路係叫「登峰南路」，1982年改返用舊名「倉邊路」。

地方司法

光緒三十二年（1906年），清朝實行官制改革，第年制定各級審判廳試辦章程，各地商埠開始陸續設地方審判廳。而家倉邊路市立法院前身，廣州地方審判廳，就係喺宣統二年（1910年）設立嘅，內設民事庭同埋刑事庭，設廳長1人、推事（清末大理院各級審判廳嘅法官）1人、典簿兩人、主簿兩人、錄事4人、所官1人。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 中山四路
• 越華路
• 豪賢路
• 東風中路、小北路

特色

倉邊路由於有間法院同埋公證處響度，所以條路有好多翻譯嘅檔口同埋律師顧問嘅業務寫字樓。宜家喺埋中山路口嗰側嘅新起騎樓係政府大財團廣州城投集團總部所在地。

國民黨元老古應芬個家宅就匿喺房管局身傍紅苑酒家後面。