解放路 (廣州越秀)

出自維基百科,自由嘅百科全書
Jump to navigation Jump to search
搞清楚 呢篇嘢講嘅係越秀區嘅解放路。
  • 想搵廣州市入面其他區嘅解放路,請睇「解放路 (廣州)」。
  • 想搵其它城市入面嘅解放路,請睇「解放路」。
解 放 路
JIEFANG LU
GZ rd sign N.svg Guangzhou rd middle.png GZ rd sign S.svg
性質: 主幹道
全長: 大概5公里
行車線: 雙向6——8車道
地區: 廣州市越秀區
起點: 沿江西路解放橋
終點: 三元里大道同埋機場路嘅交界
主要建築: 中旅商業城
廣州市知用中學34中校區
回民小學
學宮街
萬菱廣場
廣州市出入境辦證服務中心
廣東迎賓館
越秀公園
中國出口商品交易會
中國大酒店
廣州蘭圃
金桂園

越秀區解放路粵拼gaai2 fong3 lou6)係中國廣東省廣州市入面嘅其中一條主幹道,成條馬路南北走向,南邊從沿江西路開始(上面有接住解放橋),一直向北去到三元里大道同埋機場路嘅交界嗰頭。馬路上面重有3座立交經過。呢條馬路係雙向行駛。

概要[編輯]

全長大概5公里,闊28——36米,雙向6——8車道。呢條馬路分開咗南、中、北三條嘅。

[編輯]

馬路嘅牌坊[編輯]

其實解放路嘅大部分路段都係以前喺明朝同埋清朝嗰陣,喺有條嗌過「忠賢街」同埋「歸德直街」響呢尐嘅。喺明朝嗰陣,呢條路嘅牌坊就有成10個噉多(有啲係話13個)。到咗清末嗰陣,呢條街入面就得返5個牌坊[1]。而喺明代嗰陣起咗嗰啲石牌坊,如估從北邊排到南邊,就係噉排法:

  • 盛世直臣牌坊
  • 乙丑進士牌坊
  • 承恩五代牌坊
  • 奕世台光牌坊
  • 戊辰進士牌坊

開咗條馬路[編輯]

到咗民國十八年(1929年)嗰陣,廣州就將棟城牆拆咗,嚟起咗條馬路,而小市街嗰邊就整咗條中華南路,歸德直街嗰邊就整咗條中華中路,大北門直街就整咗條中華北路出嚟。不過五棟牌坊重喺條馬路嘅中間,每棟牌坊起碼隔廿僆卅米就見到一棟喇,而個建築嘅樣都係差唔多,都係用咗石柱、石幔、石樑、石匾呢啲疊架嚟整嘅,上面重有個瓦蓋添。每個牌坊嘅3個石門嘅寬度都係唔同嘅,其中中間嗰個就比較闊,而呢啲牌坊連中型汽車都可以過到去,而兩邊嘅門仔就凈係可以畀黃包車過啫[1]

牌坊嘅搬走[編輯]

不過到咗民國卅六年(1947年),由於廣州市入面嘅汽車越嚟越多,搞到出咗幾單有汽車撞牌坊嘅交通事故出嚟都有,於是廣州市政府搬走呢幾個牌坊,由廣州工務局嚟使錢,睇下佢點搬法。後嚟到咗民國卅六年嘅9月底,五棟牌坊就分別響新址重新起咗。而奕世台光牌坊同埋戊辰進士牌坊就移咗入去漢民公園入面(呢度後嚟改咗名嗌兒童公園,依家呢尐係南越國宮署遺址)嘅南門同埋西門。而盛世直臣牌坊同埋承恩五代牌坊就搬咗佢中山紀念堂北邊嘅觀音山,百步梯嘅入口附近(依家係越秀公園嘅南門)石級尐[1]

牌坊被人拆咗[編輯]

根據考察過,起咗喺百步梯嘅兩尐入口附近嘅兩棟石牌坊,就喺20世紀50年代初被廣州市政府當場拆咗;而喺漢民公園南門同埋西門嘅兩棟石牌坊就喺文化大革命入面,按照廢除四舊嘅意思就拆咗。而乙丑進士牌坊就移咗過去嶺南大學(依家係中山大學)嗰尐,而文化大革命嗰陣被反對派強拆咗嘅呢啲牌坊嘅石碎,重喺中山大學入面嘅馬崗頂一尐。後嚟到咗20世紀90年代嗰陣,香港嘅嶺南大學嘅校友會就話呢棟牌坊係嶺南大學入面先至有嘅,所以校友就捐咗70幾萬蚊嚟整返個牌坊出嚟,就喺1999年11月,乙丑進士牌坊已經整好,呢個牌坊就係依家嘅中山大學入面,惺亭嘅西邊。而四牌樓移出咗去中華路之後,喺馬路邊嘅嗰啲巷仔重見到有寫住「四牌樓街」呢隻名嘅。[1]

馬路嘅改名[編輯]

1949年10月14號,解放軍霸咗廣州。為咗記得呢單歷史事件,就喺1951年8月1號,廣州市人民政府決定將中華路嘅三條路名全部統一改咗名嗌「解放路」。

四牌樓嘅消失[編輯]

內文: 四牌樓 (廣州)

喺1994年,廣州市當局就話要整闊條解放路,不過佢哋冇向民宗公開收集意見就猛咁將條路入面嘅全部騎樓冚唪唥都拆嗮(重拆到過龍添),搞到做咗嘅嘢就冇得返轉頭。條馬路入面嘅四牌樓街同埋四牌樓都一齊冇埋[2]

解放路嘅三條道路,起點到終點[編輯]

經過嘅道路[編輯]

解放北路,迎賓館嘅門口附近。

呢度啲路順序係從南去到北嚟排嘅,其中加粗咗嘅字係主幹道:

[編輯]

  1. 1.0 1.1 1.2 1.3 "广州四牌楼与解放路". (原先內容喺2014年5月2號歸檔). 喺2014年4月21號搵到. 
  2. 四牌楼最后背影止于解放路扩建[失咗效嘅鏈] 南都網