盤福路

盤福路 PANFU ROAD

性質： 一般馬路 全長： 0.766公里 行車線： 雙向4車道 地區： 廣州市越秀區 起點： 海珠北路同百靈路附近嘅市一醫院 終點： 解放北路 主要建築： 越秀區外國語學校 廣州市第一人民醫院 盤福大廈 象崗

盤福路（粵拼：pun4 fuk1 lou6）係中國廣東省廣州市入面嘅一條馬路，附近冇幾遠就係象崗山。西南邊喺海珠北路同百靈路附近嘅市一醫院嗰邊開始，一直向東北去到解放北路嗰邊。

概要

全長766米，闊32米，雙向4車道。

史

關於條路嘅來歷，依家有兩種講法：

• 美籍唐人出錢開路

舊時成條盤福路都係廣州西北城牆。到咗1918年，廣州市政府開始拆城牆嚟整馬路，喺嗰陣時拆城牆嚟整馬路，就係整到去依家嘅人民北路嗰邊，但佢哋因為唔夠錢，就冇再搞落去。後嚟美籍華人伍籍磐同埋夫人江福貞嚟投資，開咗一條馬路，結果就攞咗呢兩個人嘅名嘅其中一個字嚟做路名，所以咪就嗌咗「盤福路」囉。

• 盤福里

就話清初呢度有條巷仔嗌「盤福里」，路名承襲巷名。禪宗六祖惠能曾經嚟廣州弘法，種咗樖菩提樹，重起咗戒壇添。結果呢帶畀人話係佛門福地，所以呢度得名「盤福里」。喺1918年廣州市政府就開始拆城牆嚟整馬路嗰陣，由於呢條馬路喺盤福里嘅北邊，所以嗌做「盤福北路」。但係到咗20世紀50年代初，呢條馬路嘅「北」字被人斬咗，就變咗「盤福路」呢隻名喇。

馬路嘅縮短

之前嘅盤福路係同虎長路、長庚路（呢兩條路即係依家嘅人民北路）接埋一齊嘅，不過依家已經被廣州市第一人民醫院截斷咗。

特色

喺中華人民共和國成立之前，呢条馬路係條棺材街嚟嘅。嗰陣時係廣州嘅鄉下地方，而「方便醫院」（依家嘅廣州市第一人民醫院）、部隊醫院同埋「月光公司」（廣州市最早嘅殯儀館）都係喺呢度。所以長生檔同賣衣紙香燭嘅舖頭生意都幾好，不過依家盤福路做咗條食街，有幾多嘅小食舖、酒吧。

經過嘅道路

呢度啲路嘅順序係從西南去到東北嚟排嘅，其中加粗咗嘅字係主幹道：

• 海珠北路、百靈路
• 東風西路
• 盤福大街
• 解放北路