廣州市越秀外國語學校

出自維基百科,自由嘅百科全書
(由越秀區外國語學校跳轉過來)
Jump to navigation Jump to search
廣州市越秀外國語學校
Guangzhou YueXiu Foreign Language School
位置
越秀區盤福路98號
明細
廣州市一級學校
校訓鳳翔九天,放眼世界
成立1948年
停辦2018年8月1號
級別全日制
網站
學校正門(越秀校區)

 廣州市越秀外國語學校粵拼gwong2 zau1 si5 jyut6 sau3 ngoi6 gwok3 jyu5 hok6 haau6 ,1955~2008年間嗌過廣州市第27中學,係中國廣東廣州冇咗嘅全日制嘅中學,前身係1948年開辦嘅私立廣州眾賢中學,2018年8月1號同廣州市第21中學合併而消失,有兩個校區,都喺越秀區入面。

佢係廣州市屬下嘅其中一間市一級中學[1]

兩個校址[編輯]

校服色[編輯]

越秀外語學校嘅校服
School Uniform for YXFLS (S&L).jpg School Uniform for YXFLS (L&C).jpg School Uniform for YXFLS (L).jpg

校史[編輯]

  • 1948年:簡氏家族入面就有個有知識嘅人,為咗去開發民眾嘅智慧嚟搞到成個鄉村比較發達,所以就喺簡氏祖祠入面辦咗間眾賢中學。喺啱啱開辦嗰年,凈係得初一級有3個班、高一級有2個班,成間學校嘅學生挾埋凈係得262位噉少。而學校嘅課室就係喺凈係得1400平方米嘅簡氏祖祠入面。
  • 1953年:由於大北中學呢間私人學校已經改成係公辦學校,結果呢間學校改名叫「廣州市第十二中學」(唔係依家嘅「廣州市西關外國語學校」)。
  • 1954年:由於嗰陣時嘅城市規劃,搞到廣州市第十二中學搬咗去南岸嗰邊。
  • 1955年:廣州市人民政府就決定咗喺舊陣時十二中嘅學校地方(唔係依家嘅「廣州市西關外國語學校」)繼續辦教學任務,就重新整咗間廣州市第廿七中學。
  • 1964年:學校重新起咗有16間課室嘅教學樓(依家係綜合樓)嚟解決咗學校點解成日教學場地唔夠嘅嘢。
  • 1966年:由於文化大革命爆發,學校停課。
  • 1968年10月:學校重新開課,喺嗰年就接咗一共挾埋2000幾個人嘅初中同埋高中嘅學生仔。就係咁,呢間學校該就從初級中學變咗係完全中學。
  • 1985年:廣州市教育局同埋香港春田文化教育機構一齊合作,將成間學校嘅高中部改成係外語職業高級中學,當時係成個廣州市到成個廣東省嘅第一間外語職業高級中學。通過兩間教育機構嘅合作,學校就搞咗新嘅教學辦學理念同埋新嘅外語教學方法,重用咗新嘅外語教材嚟開咗啱用嘅專業課程,重整咗新嘅合作課程活動,呢筍嘢就搞出咗喺成個廣東,甚至英文教學喺啲北佬地方都出嗮名添。
  • 1999年:學校就試咗好多種辦法,嚟將間外語職業高中改成係廣州市嘅第一間綜合高中。
  • 2008年:學校改咗名叫廣州市越秀外國語學校
  • 2010年7月:學校同廣州大學實驗中學合併,重將廣州大學實驗中學改成係北校區嘅高中部,而盤福路嘅校區係南校區,嗰度係初中部。

學術交流[編輯]

跨國交流[編輯]

呢間學校重喺度同美國澳洲英國同埋法國呢啲教育機構嚟搞過老師同學生仔嘅相互訪問同埋交流嘅文化活動,重將會定期組織啲老師同埋學生仔去同鬼佬啲學校去交流。

赴美留學直通車[編輯]

呢間學校喺2007年11月,同美國嘅東洛杉機學院正式簽咗友好合作嘅合約。呢間學校可以每年送幾十位高三學生唔使考試,就可以直升到東洛杉機學院去留學。到咗2008年1月,呢間學校有23位高三嘅學生成功去咗美國留學。依家呢間學校重同美國佬入面嘅大學傾緊點樣合作。

中美國際交換生[編輯]

喺2008年1月,呢間學校同埋中國國家留學基金管理委員會簽咗「中美國際教育項目合作協定」。根據條協定噉講,呢間學校將會參加中美國際交換生嘅辦法,每年就要揀啲高一、高二嘅學生仔去到美國嘅公立高中讀佢一年書嚟睇下美國佬係點樣學嘢嘅。

教學特色[編輯]

開咗多語言嘅課程[編輯]

呢間學校同廣東外語外貿大學廣州大學呢啲學校都簽咗合作嘅,嚟畀咗日文法文西班牙文呢啲咁嘅課程、佢重定期組織啲學校嘅老師同埋學生仔同埋大學嘅老師同埋學生仔一齊去搞交流。呢間學校從2008年開始就搞咗日文必修同埋選修嘅課程,重按照咗學校嘅發展規劃嚟開咗法文、西班牙文、阿拉伯文嘅課程。

整咗細班仔化嘅教學[編輯]

呢間學校嘅所有外語課程都已經整咗細班仔化教學喇,其中每個細班仔都唔會超過25個人,其中呢啲嘢可以增加學生嘅參加機會同埋課程互動、提高課堂訓練嘅效率。

同國際教育嘅接軌[編輯]

呢間學校重請咗好多鬼佬嘅老師嚟上課嘅,其中每個班喺每個星期入面,有2堂口語課係由鬼佬負責上嘅,重開咗國際班整咗原汁原味嘅國際課程嚟同國際教育一齊接軌嚟畀啲學生仔零距離噉,通過參加對話嘅方法去深入交流,睇下原汁原味嘅外文係點嘅。而家學校重想將日本動漫嘅專業都引入埋。

豐富多彩嘅活動[編輯]

而家學校重全力咁整緊英文學習嘅物化嘅語言環境同埋人文嘅語言環境嚟舉辦咗好多鬼佬文嘅活動。鬼文朗讀比賽、鬼文歌唱大賽、鬼佬語智力競賽、鬼佬文手抄報比賽、聖誕晚會、萬聖節晚會、鬼文古仔會、鬼文校園廣播。

學校攞過嘅獎[編輯]

呢間學校重出咗庾耀東、勞玉晶、林燕芬呢三位羽毛球嘅世界冠軍嘅猛人,重被社會話咗係「校風比較好、做嘢比較犀利嘅學校」。喺2003年重攞咗區一級學校,到咗2004年升咗級係市一級嘅學校。成間學校重攞過廣州市入面,好多次嘅高中畢業班工作綜合評估嘅一等獎。

[編輯]

  1. "广州市越秀外国语学校简介". 原著喺2013年6月3號歸檔. 喺2014年4月10號搵到.