象崗

出自維基百科,自由嘅百科全書
(由象崗山跳轉過嚟)

象崗粵拼zoeng6 gong1),又可以喺後面加多隻字做象崗山zoeng6 gong1 saan1,係中國廣東省廣州市入面嘅一座山仔,而呢座山仔就喺盤福路解放北路交界嘅西邊,座山對面啱好對住越秀公園西二門。呢座山喺明朝時入選羊城八景,嗌做「象山樵歌」。呢座山唔係好高,海拔凈係得49.71米。

[編輯]

呢座山之前嗌過固崗gu3 gong1席帽山zik6 mou6/2 saan1象山zoeng6 saan1呢啲名。明朝洪武十三年(1380年),由於廣州城要將宋三城合埋一齊,結果開發咗廣州城北邊嘅山,於是象崗一帶做咗嗰陣時嘅廣州北門。結果象崗同越秀山一分為二。因爲鑿咗座山,結果開闊咗大北外直街(依家嘅解放北路北邊),於是呢度喺明清兩代都係廣州城北邊嘅主要通道。到咗清朝順治十年(1653年),清軍響家陣盤福路、解放北路交界南邊無幾遠度起拱極炮臺同保極炮臺,噉樣夾埋附近嘅永康炮臺耆定三炮臺一齊防衞廣州北邊。到咗20世紀中,呢笪地就劃咗畀軍區用;到咗20世紀70年代,咗山附近起曬大廈、舖頭,就得返個山頂。1983年,呢座山頂就畀人刨低17米嚟起公寓,結果就發現咗南越國第二代王趙眜嘅王陵。於是公寓就起唔成,而係投資五千萬起做西漢南越王博物館

出面網頁[編輯]