廣州市第一人民醫院
廣州市第一人民醫院（粵拼：gwong2 zau1 si5 dai6 jat1 jan4 man4 ji1 jyun2）係中國廣東省廣州市嘅其中一間醫院。佢重係一間廣州市嘅三級甲等醫院。佢有1間總院同2間分院響度。呢間醫院係廣州市第一批三甲醫院嘅其中一間。
三個院區嘅詳細位置
[編輯]史
[編輯]其實呢間醫院一早就唔係嗌「廣州市第一人民醫院」嘅名，而係由兩間醫院組成，不過佢就改咗好多次名。
所謂「方便醫院」
[編輯]方便醫院喺清朝嘅光緒廿五年（1899年）夏天嗰陣成立，嗰時係由商人陳惠普等人自己厝錢嚟起咗間「城西方便所」，兩年後改名叫「城西方便醫院」。民國卅七年（1948年）改名叫「廣州方便醫院」，喺中華人民共和國成立後一年就俾中共接管咗。
所謂「廣州市立醫院」
[編輯]廣東巡警醫院係廣東巡警道喺光緒卅七年（1907年）12月成立，到咗民國二年（1913年）就改咗名嗌「廣東員警醫院」；兩年過後重改咗次名，嗌「廣東醫院」，嗰時係俾廣東省衛生署睺實。甚至喺民國九年（1920年）嘅9月份，劃咗畀廣州市衛生局睺實。凈係過咗7嗰月又改咗次名，就係「廣州市市立醫院」，重俾咗廣州市政廳睺實。喺1938——1945年，因為廣州喺度打緊仗，醫院就閂咗門，直到打完抗日戰爭先至俾國民革命軍陸軍新編第一軍卅八師野戰醫院霸咗，到咗民國卅四年（1945年）10月先至收返畀廣州市政府，之後重新辦返間醫院，不過喺中華人民共和國成立咗之後，就俾中共當局接管咗。
「方便醫院」同「廣州市立醫院」嘅合併
[編輯]喺1952年12月31號，「方便醫院」同「廣州市立醫院」合併成「廣州市人民醫院」；凈係過咗388日（1954年2月1號），又改咗名嗌「廣州市第一人民醫院」。
合併之後嘅發展
[編輯]- 1993年：俾衛生部話咗係三甲醫院。
- 1997年：間醫院定咗係廣州醫學院嘅附屬醫院。
- 2001年底：俾市政府定咗係廣州市城鎮職工基本醫療保險嘅第一批定點醫療機構。
- 2003年：俾市政府批准咗掛牌，變成廣州市臨床深切治療中心。