廣州市知用中學

出自維基百科,自由嘅百科全書
Jump to navigation Jump to search
廣州市知用中學
Guangzhou ZHIYONG Middle School
位置
廣州市越秀區百靈路同埋光孝路
明細
廣東省一級學校
校訓 格物求知 窮理致用
成立 1924年
校區 越秀區
級別 中學六年全日制
網站

 廣州市知用中學粵拼gwong2 zau1 si5 zi3 jung6 zung1 hok6 (知字讀致[註 1])係中華人民共和國嘅一間中學,喺廣東廣州越秀區百靈路,1924年由張瑞權建立,係廣州第一間私立學校[2]

介紹[編輯]

學校佔地面積16400平方米,其中學校入面嘅教學樓、科學樓、圖書館、實驗室、運動場、生物園、地理園、校園網等設施都係按嗮廣東省一級嘅學校標準嚟整嘅,課室入面有多媒體嘅教學平臺。依家間學校總共有40間教學班。

校訓[編輯]

知用中學嘅校訓係「格物求知 窮理致用」,呢條校訓出自《禮記•大學》,意思係「推究事物嘅原理嚟探求知識,窮盡事理嚟達到實用」。而校名「知用」亦係來自爾句校訓。

校服色[編輯]

知用中學嘅校服
School Uniform for GZZYMS.jpg School Uniform FOR GZZYMS.jpg
註:上邊兩種喺2006年9月開始出現,下邊兩種曾經喺2008年6月之前出現過。
School Uniform for GZZYMS (L) in 2005.jpg School Uniform for GZZYMS (S) in 2005.jpg
長袖
  • 衫:    ,袖帶一粗一幼嘅    邊,左右對稱。
  • 褲:    ,帶一粗一幼嘅    邊。
風褸
  •     ,袖帶一粗兩幼嘅    邊,心口有中等厚度嘅    線。
短袖
  • 衫:除咗領呔同袖口有    邊之外,其它部位都係純    
  • 褲:    ,帶一粗一幼嘅    邊。

之前用過[編輯]

長袖(1992年9月~2008年6月)
  • 衫:            ,兩邊對稱。
  • 褲:純    ,但兩邊有突出嘅幼條紋。
短袖(1992年9月~2008年6月)[3]
  • 衫:    ,近衫領附近有笪三角形嘅    ,兩邊對稱。
  • 褲:    ,帶中等厚度嘅    邊。
禮儀服(1992年9月~2008年6月)

呢間學校喺2010年之前,女仔用過袖口帶        衫同    裙,而男仔唔理係衫定褲都係純    嘅品種[註 2]

[編輯]

知用學社[編輯]

1922年11月4號,廣東高等師範畢業班嘅學生余心一、李鈺、熊潤桐、謝康、餘鳴鑾、陳克文、潘學增、龍詹興、李加雪、陳賢德、禤參化同埋蘇瑞12個人搞咗間廣州知用學社,係間學校嘅前身。學校強調「為學術而學術」,不過呢句話有脫離政治嘅傾向,搞到學校好似冇咩人去。後嚟有王衍孔、陳書農、唐富言、陳寂、張農、岑麒祥、吳三立、何融、謝申、張瑞權、胡金昌、張兆駟等50個人加入咗知用學社入面。到咗1924年嘅暑假,知用學社就決定去辦教學任務嚟鞏固社會基層,結果張瑞權同埋唐富言就向嗰陣嘅廣東大學校長鄒魯商響文明路借咗3間課室開辦夏令館。嗰時,報名入學嘅學生淨得100幾個,不過佢哋就無因此停辦,而係將賺返嚟嘅錢辦咗間中學,佢租咗紙行街(依家係紙行路)90號嘅屋嚟做校舍。結果間學校就變咗廣東省入面,第一間實行壬戌學制[註 3]嘅中學,開辦嗰陣,凈係收初中兩個班共80個學生。嗰時由於經費問題,老師以做義務為主,工資衹夠畀路費,而創辦人就乜都係自己話嗮事咁滯。

學校成立初期[編輯]

喺學校啱啱成立無耐嗰陣,撞正廣州商團搞示威,雖然話響西門(依家西門口)爆咗單戰爭,不過戰爭過咗冇耐就結束咗。到咗第二年,又爆咗單楊希閔同埋劉震寰嘅戰爭,不過對知用中學無影響。嗰時成日爆發內戰,搞到公立學校得好少錢賺,少到差唔多執笠咁滯;政局一有變動就要停課。而對私立學校影響就細好多。因為中華民國大陸時期規定話辦私立學校係唔使備案就可以招生開學,重可以自己揀教材同埋教法。而啲學生仔想點就點,唔使攞轉校嘅證明,有轉校同退學嘅自由嘅。

後嚟知用學社嘅打工仔,大多數都係啲高校嘅猛人。對啱啱創辦咗嘅知用中學就話好有希望噉。學校開辦嘅第一年,由於收費太低,所以搞到房屋嘅租金、水電費畀得太多,搞到間學校差唔多破產咁滯。嗰陣嘅老師冚唪唥都係啲後生仔鬧到屄,甚至你爭我搶噉滯,搞到學校嘅學生話鬧退學,結果搞到知用中學差唔多要停辦。

到咗1925年夏天,校長唐富言就受星洲養正中學邀請出國唔撈,校董會就馬上臨時召開咗緊急會議,揀咗張瑞權做校長(嗰時校長3年一屆),佢後來連任咗7屆咁多直到1956年。嗰時,請老師無乜特別要求,衹要團結合作嚟發展教育事業就得,重消除咗老師之間嘅教學攻擊。而學生方面就再招收咗初中兩個班,過咗3年開始招高中生。未有高中班嗰陣間學校辦過升大預備班,而且一年開辦兩個班,有80個到100個學生,學習期限一年左右,以升大學嘅課程為主,升學成績比较好。後嚟又開辦咗工讀實驗班,結果凈係辦咗一年幾就因為唔夠錢冇辦落去。後嚟重辦咗平民夜校,係由教導員同埋學生仔嚟做義務教師自願參加教學,對推廣教育好有幫助。知用中學嘅學校嘅董事長同埋教導員嘅仔可以免費讀書,貧困嘅學生亦免學費。另外學期考試,成績排第1且個人嘅思想品德係乙等以上嘅學生都全部免學費,而第2名就學費減半,到咗第3名就減1/3嘅學費。學校嘅財政同埋用人都公開,令學校得以繼續辦落去。

內亂差啲解散[編輯]

到咗1926年,隨住知用中學嘅教學質量進步,好多學生入嚟讀書,除咗之前嘅紙行街校舍之外,重喺詩書銜(依家係詩書路)嗰邊租咗房屋嚟做新校舍。嗰時學校為咗幫啲工讀學生畢業,重整埋印刷機、仿宋體鉛字同埋製造竹器。由於國共合作搞到好多學校都出咗幾個猛人出嚟,知用中學亦唔例外。蔣介石發動革命嗰陣就亂咁殺啲猛人,搞到廣州都中埋招。到咗1927年4月15號,李濟深、古應芬、李福林、陳孚木同埋鄧彥華5人組咗個特別委員會宣佈廣州戒嚴,錢大鈞做戒嚴司令,殺共產黨員同埋同共產黨有聯繫嘅人。結果學完佛法返嚟嘅共產黨嘅其中一個首領——謝瀛洲,喺國民黨嘅地盤入面重同廣州市公安局長鄧彥華做咗特務,嗌啲人喺知用中學入面生多啲共產黨分子,重強制知用中學馬上解散嚟霸咗間知用中學。後嚟知用中學就收到水,就猛咁同人拗咗7日咁耐,重得到社會支持,搞到廣州市公安局都唔夠膽霸咗間知用中學。1928年鄧世增(李濟深嘅參謀長)做廣州市公安局長嗰陣,有人喺書坊入面執到本以前知用中學做過國文教員嘅李少陵翻譯嘅比達哥柏堅嘅《告少年書》,本嘢嘅封面印住「知用零碎叢書之二」,就話呢啲係罪狀,計劃將知用中學入面啲人全部殺嗮。後嚟知用中學聽到呢個消息之後就話冇出版過啲噉嘅書。重有,哥柏堅都唔係共產黨嘅黨員,佢係個無政府主義者,而呢本嘢主要係講無政府主義,唔好同宣傳共產主義搞亂。後嚟廣東省教育廳派張資模入到學校面調查,不過佢哋乜都查唔到,後嚟就窉咗呢隻無哩頭嘅講法啦,佢重請埋李民欣(李濟深嘅副官長,同鄧世增係同黨)嚟幫手,最後先至話知用中學冇事。

重建[編輯]

到咗1932年,謝瀛洲做咗廣東省教育廳長嗰陣就開咗一次會話要解散知用中學,但係就得個吉。後嚟知用中學經過咗幾次嘅艱苦鬥爭,最後得以發展。由於佢租嘅校舍太過分散,所以啲人就捐咗啲錢喺百靈路菜地买咗10畝地嚟起校舍。雖然初期就話好平,但係後嚟因為好多華僑返嚟投資買地,搞到百靈路嘅地皮都貴咗。而新嘅校舍喺1931年開始喐手,到咗1936年先至起好,不過起樓就一共用咗差唔多白銀20萬蚊。而知用中學就一邊起校舍,一邊完善啲設備。新校舍起好之後,一大堆學生就一窩蜂噉去讀書。到咗1932年,成間學校已經有25個班咁多,男女學生仔加埋有1380位。嗰時知用中學已經變咗廣州市比較出名嘅私立中學。

抗日戰爭爆發[編輯]

1931年係知用中學校務發展嘅高峰期,九一八之後就開始亂。到咗1937年7月7號,為咗配合抗日戰爭,知用中學嘅課程加咗防毒、救護、通訊、軍訓呢啲科嚟玩抗日救國嘅思想教育。喺飛機炸廣州嗰陣,廣州市入面嘅學校老師同埋學生仔全部都返嗮舊陣時住嘅地方或者去咗地區,重有啲學校搬咗出去其他城市度避難。不過知用中學就冇搬到,而係喺學校入面加咗啲防空設備嚟避難。1938年夏天廣州淪陷之前,知用中學喺佛山市南海區里水同埋順德區大良鎮整咗兩間教學地。開咗課個幾月,廣州就淪陷咗。嗰時,知用中學嘅原嚟學校地方同埋里水教區入面啲設備都冇嗮,凈係的返大良地區先有。嗰時去粵北地區交通不便,搞到學校喺1939年2月暫時搬去澳門青洲

後嚟,有間山寨廠嘅廣東省教育廳嗌鄺家鼎去澳門氹啲知用中學嘅學生同埋老師返廣州,允許將百靈路嗰邊嘅校舍畀返知用中學,不過佢哋唔䎺。嗰時香港三青團領導人劉世達、王淑陶決定發展港、九、澳三青團,佢哋要求知用中學喺澳門負責發展澳門學校入面嘅三青團組織,氹啲三青團嘅人入返去中國內地,重講到天花龍鳳噉。後嚟知用中學喺澳門係臨時學校,就唔畀佢哋咁做。知用中學喺澳門嘅青洲入面逗留咗3年咁耐,雖然話日本仔成日氹知用中學返廣州,大部份嘅知用中學嘅學生仔同埋老師返咗中國內地,但係仍然有少數老師同埋學生仔響澳門嘅水坑尾分校入面睇實啲嘢到日本仔投降為止先至返去。

不過以上呢兩間知用中學係同嗰陣嘅廣州知用中學係完全唔啦更嘅。

1942年夏天,知用中學返嚟中國內地入面。佢就唔係返廣州啦,而係去咗韶關乳源縣入面唞咗1年,不過附近啲村嘅人好少咋,佢哋凈係識耕田,學校雖然話唔使收錢就話有得讀書,但係佢哋都唔想去。後嚟乳源縣長劉德聞話乳源縣入面有間立中學校響度,佢驚咗知用中學喺乳源入面搞事,就同廣東省教育廳長黃麟書一齊玩死間知用中學。不過知用中學唔想同佢哋玩喇,就搬咗去湖南省郴州市郴縣良田鎮入面。

日本仔投降之後[編輯]

到咗1945年,廣州入面嘅各學校開始重新招生,就組織咗廣州市私立中上學校聯誼會,揀咗國民大學、廣州大學、嶺南大學、知用中學、教忠中學、培正中學同埋越山中學呢7間學校做理事。後嚟呢7間學校嘅代表去咗廣東省教育廳同埋廳長姚寶猷傾收費標準,傾掂數之後就進行招生喇。到咗1946年,由於貨幣貶值,加上物價動盪,搞到有湖南籍嘅學生嘅家長寄咗一個月嘅餐費畀知用中學啲學生仔,但係攞到錢嗰陣,因為通貨緊縮,搞到一個月嘅餐都搞唔掂,搞到學生要退學先至得。後嚟知用中學知咗呢件事之後,就開始收學費同埋膳費嚟買米保存,費事搞咩冬瓜豆腐出嚟。

解放戰爭時期[編輯]

解放大軍落到嚟華南地區嗰陣,廣州嘅綏靖主任余漢謀就話各間學校快啲同我走佬啊,不過啲私立學校同埋公立學校都唔想停課。後嚟搞到廣州市私立中上學校聯誼會理事嚟出手先至話開課。

解放戰爭之後[編輯]

喺廣州解放咗之後,知用中學嘅老師同埋學生都得到共產黨同埋政府嘅關懷同埋教育,政治思想同埋教學質量喺度唔停噉進步。到咗1956年嘅夏天,廣州市人民政府根據學校老師同埋家長嘅意見,將間私立嘅知用中學改名做廣州市第28中學,成為一間有初中同埋高中夾埋有35個班嘅完全中學。

改革開放之後[編輯]

  • 1982年,知用中學變咗廣州市第一批實行校長負責制嘅學校。
  • 1983年,學校改返個名做廣州市知用中學
  • 2000年,學校被評為廣東省一級學校、廣東省普通高中教學水準優秀學校、廣東省綠色學校、廣東省現代教育技術實驗學校同埋中央教科所全國教育科研實驗先進單位。
  • 2006年,同廣州市第九十九中學合併。

校舍[編輯]

  • 東校區:(高中部+初三)廣州市越秀區百靈路83號
  • 西校區:(初二+初一)廣州市越秀區光孝路陶家巷11號

註同攷[編輯]

  1. 廣州市越秀區六榕街道入面或周邊住嘅老街坊嗌法,從未試過有人將佢嘅「知」字讀成zi1[1],因為校名嘅「知」係「致」嘅通假字
  2. 呢間學校喺2004年底辦嘅藝術節入面,確實有該校嘅男仔同女仔着過呢啲校服品種[4][5]。2007年6月8號嘅第廿二屆學代會都出現過呢種情況[3]
  3. 又嗌6-3-3學制,係中學一共有6個學年,其中初中有3年、高中有3年噉解。

連出去[編輯]

出面網頁[編輯]