大德路 (廣州)

  呢篇文講廣州市嘅大德路。想搵其它地方嘅大德路嘅話，請睇大德路。

大德路 DADE LU

性質： 一般馬路 全長： 1.194公里 行車線： 雙向4車道，西向東嘅單行綫。 地區： 廣州市越秀區 起點： 上九路、人民中路同埋人民南路嘅交界 終點： 廣州起義路 主要建築： 廣東省中醫院 廣州市出入境辦證服務中心 大德路小學

大德路（粵拼：daai6 dak1 lou6）係中國廣東省廣州市入面嘅其中一條一般嘅馬路，呢條馬路喺越秀區入面，成條馬路係東西走向。西邊從上九路、人民中路同埋人民南路嘅交界開始，一直向東去到廣州起義路嗰頭。

概要

全長1194米，闊16米，雙向4車道。成條路係單行綫，凈係可以從西邊向東邊行。

史

喺2006年，廣州電視臺整嘅「和諧廣州，文明城市。」嘅公益廣告，入面啲字嘅粵語翻譯係「大德，唔係凈係得大德路」。

其實呢條馬路喺明朝同埋清朝嗰陣，係條廣州城牆嚟嘅。不過到咗民國10年（1921年），廣州市政府就開始拆咗啲城牆嚟起咗条馬路。因為呢條馬路入面有棟城牆嘅門係嗌「歸德門」呢隻名，所以就嗌咗「大德路」囖。到咗文革嗰陣，爲咗紀念向秀麗同志先至改咗嗌「秀麗三路」噉嘅名。後嚟到咗1982年就重新改返原嚟之前嘅名，啫係依家嗌「大德路」。喺20世紀初，廣州市入面嘅殯儀館成日都係大德路入面開檔嘅，不過到咗中華人民共和國成立咗之後先至合埋一齊重搬走咗。

喺1996年之前，呢條馬路係一條雙行線嘅馬路，喺嗰陣時有電車同埋巴士都成日行呢條路嘅。不過到咗1996年，呢條馬路就改咗凈係可以從西邊行到東邊嘅單行線之後，嗰啲電車同埋巴士（由東邊行到西邊嘅方向）行嘅線路都一窩蜂咁搬嗮去惠福路嗰尐。

喺2006年，廣州電視臺整咗嘅其中一隻公益廣告（就係用到路名呢個）入面，就有講到大德路呢條路，入面嘅宣傳標語就係「大德，唔係凈係得大德路。」（簡化字：大德 不止大德路）。

經過嘅道路

大德路同埋海珠中路、海珠南路嘅交界嘅交通光呢尐。

呢度啲路嘅順序係從西去到東嚟排嘅，其中加粗咗嘅字係主幹道：

• 上九路、人民南路、人民中路
• 天成路、詩書路
• 海珠中路、海珠南路
• 解放中路 、解放南路
• 廣州起義路