廣東省中醫院
.jpg)
.jpg)
史
[編輯]成立初期
[編輯]- 1913年2月，廣東中醫中藥兩界人士整咗廣東嘅九大善堂力量出嚟，就傾係咪喺廣東度辦省中醫中藥學堂，結果喺1913年就成立咗中醫藥學校省港籌備處。
- 1924年，廣東中醫專科學校正式開學。結果為咗方便畀啲學生去實習，喺1933年9月份就成立咗廣東中醫院。
抗日戰爭時期
[編輯]- 1938年，抗日戰爭期間，廣州淪陷，醫院俾日軍霸咗，搞到間學校搬咗去香港。
- 1944年，雖然話中醫專科學校準備喺韶關復課，但係由於日軍喺度搞搞震就冇繼續辦落去喇。
- 1945年8月15號抗日戰爭勝利之後，醫院就變做省婦幼保健院一直到1949年前，由於國民黨嘅軍隊迫到去臺灣，間醫院就恢復返之前嘅廣東中醫院嘅名。
中華人民共和國成立初期
[編輯]- 1953年，醫院改為國有醫院，重改名嗌廣東省中醫實驗醫院。
- 1956年，廣東中醫專科學校喺原嚟嘅基礎上，就開搞咗間廣州中醫學院（而家係廣州中醫藥大學），而中醫實驗醫院就變咗廣州中醫學院嘅附院。
- 1958年，醫院正式改名嗌廣東省中醫院。
文化大革命後期
[編輯]- 喺1973年嘅廣東省中醫院成立卌週年嗰陣，醫院俾上級批準咗，起咗棟6層樓嘅住院大樓同埋輔助科室嘅附樓。而呢間醫院有史以嚟嘅第一棟住院大樓直到1975年先至起好。雖然話嗰時好難出糧，但係嗰代人有無私奉獻嘅精神。
改革開放之後
[編輯]- 1983年，醫院成立50週年。醫院正式開始搞運行機制改革，重推出咗一系列嘅服務措施，例如喺門診度病人可以揀醫生，開夜診、午診、優診、速診、星期日診等，就係噉加咗好多嘅門診量。
- 1986年，總院嘅新門診樓已經起好。
- 1987年，醫院嘅門診量第一次超過一百萬。
- 1988年，下塘門診部成立。
- 1990年，天河門診部成立。
- 1992年初，總院住院部1號樓開始營運
- 1992年5月，同日本一齊合作搞嘅廣東高野大腸肛門病防治研究中心正式開檔。
- 1992年10月，醫院俾人評選咗去全國第一批三級甲等醫院。
- 喺1993年嘅醫院成立60週年嗰陣，重入選埋「全國示範中醫院」。
- 1994年，羅沖圍門診部成立。
- 1997年，二沙島分院已經起好嗮重開放咗。
- 1999年，醫院入咗選「全國百佳醫院」。
21世紀
[編輯]- 2002年，廣州市慈善醫院已經起好，入咗去廣東省中醫院度，變咗做廣東省中醫院芳村分院；嗰年重同珠海市中醫院合併咗。
- 2003年7月，廣東省中醫院29層樓高嘅新門診住院綜合大樓開放。
- 2007年，廣東省中醫藥科學院成立，同年亦開放咗大學城分院。
院區
[編輯]- 大醫院：
- 門診部：
攞過嘅稱號
[編輯]- 三級甲等醫院
- 全國示範中醫院
- 全國百佳醫院