廣州大學城

出自維基百科,自由嘅百科全書
Jump to navigation Jump to search

 廣州大學城粵拼gwong2 zau1 daai6 hok6 sing4英文Guangzhou Higher Education Mega Center)係中國廣東省廣州市嘅其中一個新開發嘅城區,喺番禺區小谷圍。西南邊靠住洛溪島;西北邊靠住海珠區官洲;東北邊靠住長洲島;東邊隔河靠住番禺嘅新造鎮。呢個城區喺2003年1月份開始逳手起,一直到2004年9月份先至起好。喺2004年9月1號先至有10間廣東嘅高校陸續殺到大學城入面。

[編輯]

2003年1月21號,嗰時嘅中共中央政治局委員、廣東省委書記張德江喺上咗2個月,就嚟咗番禺嘅小谷圍睇下點樣逳手起廣州大學城,重提出咗「起中華人民共和國一流嘅大學城」同埋「2004年9月份開學招生」嘅嘢嚟明確方向。

凈係過咗1日,廣州市委同市政府開咗個會嚟研究點落實張德江講嘅嘢,嗰時結合咗廣東省委同省政府嘅「三個統一」(統一規劃、統一建設、統一管理)嘅要求而成立一座廣州大學城嘅建設指揮部,佢主要嚟實施起廣州大學城。喺指揮部辦公室嘅直接組織同領導作用,就準備起大學城嘅一期工程。其中包括咗225萬平方米嘅房屋建築、冚唪唥嘅城市市政、公共同校園綠化、公共配套設施同水電、煤氣等公用基礎嘅配套設施。

其實未起大學城之前,小谷圍嗰邊有13個村響度,但係2003年嘅建設規劃入面話「凈係留返貝崗村、南亭村、北亭村同埋穗石村響度」。而凈低嗰9個村啲地,廣州市政府喺未經過國務院批准就收賣咗佢,甚至自己將嚿地分成39嚿地皮嚟避開國務院嘅巡查。除咗建築用地話用<100嚟收返,而凈低嘅部分土地甚至用嚟搞商業建築用地都有[1]

嗰時有一小部分村民話唔同意政府嘅徵收,嗰時有政府官員出埋員警、治安隊員同城管一齊搞強拆。而村民啲房屋拆嗮之後,就去咗徵收地嘅搭棚度住,但係都唔好彩,自己搭嘅棚屋都俾人拆埋。由於有好多村民唔單止都冇收到政府點賠,相反重冇屋住,凈係留返喺未拆嘅祠堂入面住,而且生活條件非常之惡劣。[2]

到咗2004年8月底,入駐高校嘅8000幾名師生都按期嚟嗮呢度。凈係過咗幾日(2004年9月初),31000幾位新生同4000幾位老師都嚟嗮大學城。而廣州大學城就噉成功實現咗佢嘅新學年開學招生。[3]

到咗2010年亞洲運動會就快開幕嗰陣,廣州市政府為咗改善同埋保留村嘅市容,就喺自然村嘅周圍起咗鐵皮牆,凈係留返好少嘅出入口畀村民出入。有部分村民話噉做係改善村入面嘅治安管理;重有人話係侵犯同歧視村民嘅權利。嗰時鐵皮牆入面黐嗮牛皮癬響度。而有啲自然村入面開嘅飲食檔嘅人話:「喺未起鐵皮牆之前,附近啲學生成日嚟呢度幫襯嘅,但係起咗鐵皮牆之後因為成日有太陽光射嚟呢度,而鐵皮牆入面好鬼熱辣辣噉,搞到學生都唔再嚟幫襯。」[4]

學校[編輯]

第一批入大學城嘅10間高校係:

第二批入大學城嘅5間高校係(家陣凈係嚟咗3間):

交通[編輯]

對外[編輯]

主幹道[編輯]

地鐵[編輯]

過江隧道[編輯]

橋樑[編輯]

島入面[編輯]

內中外環嘅3條環路同12條放射線整出嚟嘅開放式路網。入面有出去廣州同番禺市區、長洲島嘅巴士路線,重有島內線去到主要公共設施同各個校區都得。

另外,大學城入面重有個長途客運站響度,不過成日喺假期入面畀師生去到附近嘅省市同市區嘅客運站地方。

醫療[編輯]

商業[編輯]

廣州大學城嘅大型商業中心方面,就包括咗喺廣州大學入面嘅商業中心、北亭廣場同埋GOGO新天地,佢提供咗飲食、娛樂、超市、服飾、精品等好多個行業嘅服務,其中講得最出名嘅就係GOGO新天地喇。佢係成個廣州大學城地區入面,發展得最成熟、最有人氣嘅大型商場。而大學城入面凈得返嘅南亭、貝崗、北亭同埋穗石呢4個村入面,都整咗有佢自己嘅村辦商業區出嚟,其中最出名嘅就係貝崗村,由於佢有自己嘅地理優勢響度,所以佢重喺街邊臨時搭咗棚商舖出嚟,嗰度係大學城嘅另一度行街嘅shopping地區。

另外,喺未起廣州大學城之前,呢度就整咗綜合商業嘅南區同北區出嚟,嗰兩個商業區係大學城入面,起步得比較早嘅商業規劃區,分別喺大學城入面嘅南北兩個地鐵站隔籬。雖然話規劃緊大學城嗰鎮就整咗兩個商業區嚟畀學生買嘢、食嘢、娛樂通郵政等呢啲服務,但由於佢離學生嘅生活區都幾遠下,相對嚟講都冇天河城荔灣廣場北京路步行街王府井咁火爆。而家大學城入面都係教育機構同餐飲商鋪比較多吓。

基礎嘅設施同景區[編輯]

小谷圍入面

小谷圍周邊

[編輯]

  1. 大学城年底首卖商业用地
  2. 纪录片《刁民》(University City Savages) 2009年 晓刀 导演
  3. 广州"十五"成就回顾•大学城篇 广州市政府
  4. "大学城北亭村铁墙"围村" 村民抱怨何时拆?". 大洋网. 2012-5-4. 喺2013-7-3搵到.  檢查日期值喺: |access-date=, |date= (詳情)

出面網頁[編輯]