小洲村

出自維基百科,自由嘅百科全書
Jump to navigation Jump to search

座標: 23°3′38.5″N 113°21′10.8″E / 23.060694°N 113.353000°E / 23.060694; 113.353000

1929年廣州市全圖嘅小洲村
小洲村北邊嘅人民禮堂

小洲村粵拼siu2 zau1 cyun1),亦叫瀛洲jing4 zau1),喺廣州市海珠區東南面,三面環水,北接土華村,西臨西江涌,東臨細涌,有四百一十七萬方咁大。元朝邱、黃、梁、饒、林、鍾六姓開村,後來簡姓遷入成咗大姓。清朝番禺縣彬社二十四鄉之一。二十世紀中期,吞併隔籬嘅西江村,小洲村面積擴大。2001年,成為廣東省生態示範村。

街約分佈[編輯]

  • 主街:西成大街、西浦大街、西園大街、中華大街、細橋大街、林坑大街、倚山大街、新南大街、新路大街、高橋大街、東源大街、東道大街、東慶大街、蓮塘大街、登瀛大街、拱北大街、南勝大街、塘邊大街、低洲大街、較水環大街。
  • 里巷:安定里、源盛里、聖德里、洪聖里、林巷、社巷、洪福巷、暘谷巷。

古蹟[編輯]

神廟
  • 玉虛宮:即北帝廟,喺拱北大街。
  • 三帝廟:喺登瀛四巷,清道光廿三年(1843年)起好,光緒五年(1879年)重修。兩進兩廊一天井磚木石建構,面闊6.05m,總進深15.9m,座西北向東南。
  • 簡佛祖廟:喺登瀛四巷,民國元年(1912年)起好,係座西北向東南嘅前亭後廟建築,祭祀番禺屏山簡氏先祖。
  • 天后宮:喺東渡大街,幾時起好無從考證,清乾隆同治年間重修。
  • 洪聖廟:喺洪聖里。
祠堂
堂號 主祀 始建年份 地址 現況
簡氏宗祠 嘉告堂 三世(克成) 清朝 南勝大街 海珠區不可移動文物
簡氏祖祠
(太婆祖)
清朝 北約 無咗
東源簡公祠 其慎堂 四世(東源) 高橋大街 無咗
東池公祠 四世(東池) 清朝 南勝大街 海珠區不可移動文物
東江祖 四世(東江) 無咗
西溪簡公祠 受經堂 六世(西溪) 明朝 西約 海珠區不可移動文物
穗喬簡公祠 嘉告堂 七世(穗喬) 清朝 西約 海珠區不可移動文物
粵梅簡公祠 寧遠堂 七世(粵梅) 明朝 新路巷 海珠區不可移動文物
粵溪祖 七世(粵溪) 無咗
泗海公祠
(五房廳)
崇德堂 七世(泗海) 清朝 東道大街 海珠區不可移動文物
慕南簡公祠 濟美堂 九世(慕南) 清朝 西園大街 海珠區不可移動文物
侶山簡公祠
(七房廳)
明理堂 清朝 新南大街 海珠區不可移動文物
瀛山簡公祠 清朝 東道大街 海珠區不可移動文物
聚碧祖 無咗
四懷祖 無咗
神保祖 無咗
松間祖 無咗
長房祖 中約 無咗
二房祖 無咗
三房祖 無咗
四房祖 無咗
梁氏宗祠 安定里 無咗
黃氏宗祠 無咗
林氏宗祠 林坑 無咗
其他
  • 小洲村牆:喺登瀛外街1號到登瀛新街一巷11號。皇清咸豐年間,小洲村起牆自衛。牆係用青磚砌嘅,成面牆有六十米咁長,三米咁高,廿七公分咁厚。牆上面有好多個長方形嘅窿,離個地兩米幾高,兩個窿之間距離兩米,呢啲窿愛來觀察形勢,又可以塞支落去打。牆有大門行入登瀛大街,道門用花崗石同青磚砌。
  • 瀛洲八景:中華民國十三年(1924年),小洲評出過「八景」(翰橋夜月、西溪垂釣、孖涌賞荔、崩川煙雨、古渡歸帆、松徑觀魚、古市榕蔭、華臺奇石)。
  • 三鄉鄉約:西江土華、小洲三鄉鄉約。
  • 民居群:有青磚花石基嘅清朝民居一百一十五座。有三間蠔殼屋,分別喺西園三巷9號、社巷24號同南洲大街。
  • 小洲古橋:現存五條(細橋、石橋、翰墨橋、娘媽橋、大巷橋)。
  • 古碼頭:有登瀛古埗、牌坊碼頭。
  • 簡氏始祖墓:喺財寶崗。
  • 民國十九年廣州市界碑:喺牌坊碼頭。
  • 小洲禮堂:蘇聯式禮堂,1959年起好。長52.6m,闊22.5m,兩層樓高。前邊有3級臺階上地坪,外墻土黃色,正墻正門二樓上邊有好大粒紅嘅灰塑五角星,落邊寫「廣州郊區新滘公社小洲人民禮堂」,禮堂中間掛「高舉毛澤東思想偉大紅旗奮勇前進」標語。雖然禮堂出面維持咗前蘇聯嘅公共建築特色,但入面係典型嘅中國南方磚木架構。
  • 明朝古井
  • 府第:簡叔琳進士第、司馬第

交通[編輯]

搭車
  • 巴士35路、86路、252路、298路、565路
輪渡
  • 登瀛碼頭
  • 牌坊碼頭

[編輯]

  • 《廣州市文物普查彙編》
  • 《海珠區志》
  • 《瀛洲遊·廣州市小洲村導遊圖》

出面網頁[編輯]