芳村

出自維基百科,自由嘅百科全書
Jump to navigation Jump to search

芳村粵拼fong1 cyun1)喺廣州市中心西南冇幾遠,以前設區,2005年5月撤區,併入荔灣區

歷史[編輯]

「芳村」一詞原本指係用來特指珠江隧道南出口同石圍塘一帶嘅一條村,因花果遍地而得名。民國時期先開始有用「芳村」來代指成個芳村區區域嘅用法。

而經已撤銷嘅芳村區嘅區域以前係荒島,宋朝開始有人搬來住,時期已經係重要嘅農業區。

[編輯]

芳村又可以進一步細分成上芳村同下芳村。而今嘅芳村地鐵站、叫「芳村」嘅巴士站都係指上芳村一帶。另外下芳村附近有叫「下芳村」嘅巴士站。

上芳村同下芳村都係歷史上嘅村落,而今嗰一帶已經改建成商場、住宅小區同酒吧街。

芳村區[編輯]

範圍[編輯]

芳村區包括現今荔灣區當中珠江西南嘅所有區域,佢西邊同佛山南海區接壤,東南邊、東邊、東北邊分別同番禺區海珠區、舊荔灣區隔江相望。以前芳村區幾乎係佛山出入廣州嘅必經之路。

用法[編輯]

雖然芳村區經已撤銷,但係由於佢同舊荔灣區有珠江隔開,地理分界非常明顯,所以一般市民仍然會沿用「芳村」一詞來代指以前芳村區嘅區域。

相關[編輯]

芳村區內有條沿珠江方向延伸,連通芳村區東南邊同西北邊嘅主幹道,叫芳村大道。芳村大道經過芳村嗰條村舊址附近。