黃大仙祠 (廣州)

出自維基百科,自由嘅百科全書
Jump to navigation Jump to search
黃大仙祠跡
廣州市文物保護單位
WongDaiSinZi.jpg
喺邊 廣州市荔灣區芳村
座標 23°5′46.09″N 113°13′32.4″E / 23.0961361°N 113.225667°E / 23.0961361; 113.225667座標: 23°5′46.09″N 113°13′32.4″E / 23.0961361°N 113.225667°E / 23.0961361; 113.225667
古遺址
時代 清朝
8-2
登錄 2015年8月19號
地圖

黃大仙祠粵拼wong4 daai6 sin1 ci4)係中國廣東省廣州市嘅廟,係芳村三大寺廟之一,喺荔灣區芳村古祠路1號。北邊隔籬係廣州市慈善醫院。2015年8月19號俾廣州市人民政府列入咗文物[1][2]

[編輯]

呢棟廟喺1853年起好[3],1889年同埋1904年嗰陣,由各界熱心人士嚟捐款,負責重新裝修[3]。嗰時,呢度雖然話偏遠咗啲,但佢係廣州嘅其中一個宗教聖地,佢嗰邊嘅香火都幾犀利下,喺廣州市區同埋珠江三角洲一帶都有好大嘅影響[4][5][6][7][8][9]。雖然話呢棟廟喺1910年嗰陣,俾人整爛咗;重有嘅係以前,陳濟棠做緊廣東省省長嗰陣,黃大仙就俾人改成係孤兒院抗日戰爭嗰陣,由於廣州嘅淪陷,舊嘅黃大仙廟俾日本仔做咗憲兵司令部。喺1949年嘅中華人民共和國成立之後,重可以見到爛嘅城堡同埋遇難者嘅遺體[10]。但係棟廟入面留低咗嘅石刻對聯、浮雕石柱、扁額、門飾同埋石獅子等,都係用咗精緻嘅雕刻。

1915年,之前黃大仙祠嘅主持人梁仁庵道長帶咗黃大仙嘅畫像、靈簽同埋藥簽去嗮香港嗰邊,重喺1921年起咗間香港嘅黃大仙祠。結果噉,黃大仙都俾啲海內外人士嚟拜祭佢。喺1978年嘅改革開放之後,有好多海內外嘅廣大熱心人士話,喺之前嘅芳村黃大仙嘅地方嚟恢復返起黃大仙祠。後嚟廣州市嘅有關部門批准咗呢單嘢,就喺1995年,有間加拿大置地有限公司香港分公司同埋芳村新荔枝灣實業發展有限公司一齊嚟合作,搞咗間廣州嘉游旅遊景區開發有限公司,而佢哋係負責重新設計黃大仙祠。而呢個計劃同埋設計就用咗兩年嘅時間,就喺1997年11月,廣州嘅黃大仙祠就率先開始逳手重新起過,而呢個工程到咗1999年2月6號搞掂重開放。而家睇到嘅黃大仙嘅總佔地面積係差唔多13000平方米倒,好似個長方形噉,入面有兩個門,分別係南門同埋東門。

廣州市人民政府為咗搶救廣州地區啲歷史建築同文物,喺2015年8月19號宣佈將黃大仙祠列入文物保護單位[1]

設施[編輯]

從出面望過去黃大仙祠嗰邊(喺廣州市慈善醫院嘅南住院樓天棚度影)

而家嘅黃大仙祠入面有呢尐設施:

  • 正中間嘅台上面,就有個黃大仙主殿。
  • 入咗南門之後嘅左邊,就見到關帝廟同埋斗姥dau2 mou5廟。
  • 入咗南門之後嘅右邊,就見到財神殿同埋孔聖殿。
  • 主殿嘅左邊有呂祖殿同埋功德堂
  • 主殿嘅右邊有觀音殿,重有東、西兩條走廊響度。而呢兩條走廊嘅名係:
    添福長廊、添壽長廊
  • 總體設計方式:
    升高主建築

睇相[編輯]

世界上最耐嘅古木[編輯]

而家黃大仙祠入面嘅主殿、觀音殿同埋呂祖殿入面嘅木匾都係珍貴嘅文物,佢喺用咗2200年之前嘅漢木嚟整。重係世界上保存的最耐嘅其中一嚿古木。

超過成幾百年嘅芒果樹[編輯]

雖然話之前黃大仙祠道長親手種嘅芒果樹已經有超過百幾年,但而家重幾生猛,每年六月份重生啲芒果出嚟。

建築學嘅突破[編輯]

黃大仙祠主殿嘅最頂嗰邊有嚿龍珠響度,而呢嚿龍珠有1噸咁重。入面用咗條大柱嚟撐住,而殿入面冚唪唥都冇柱位,重係近代建築學嘅突破。喺平台方面,重提升咗3米半;而殿高有22米,平台重可以畀3000個人入去都得。

環保嘅設計[編輯]

間建築係用咗環保嗰方面嘅設計,成個平台方面,係向南傾斜咗10度角,喺落雨嗰陣,屋頂同平台尐水就喺龍頭嘅嘴度流入去,流到魚池嗰邊,而呢啲雨水係用嚟淋花草同埋救火嗰陣用。

幾百年前嘅珍貴文物[編輯]

之前嘅黃大仙祠喺百幾年前嗰陣,留低咗嘅石獅子、石刻對聯、浮雕石柱、匾額、門飾等10幾件嘅珍貴文物響度。

玉液池[編輯]

冚唪唥喺黃大仙主殿入咗場嘅人,必須要先行玉液池嗰邊,等佢先整乾淨對腳再入到去黃大仙度參拜。

掛綠荔枝[編輯]

廣州黃大仙祠入面種咗兩樖由增城市政府(而家係增城區政府)送嘅掛綠荔枝,佢係用咗原嚟啲樹移植咗過去嘅,而2002年拍賣嘅嗰樖荔枝,就有成550000咁多錢喇。

珍品[編輯]

黃大仙祠入面重有另外兩件珍品響度,分別喺:

  • 黃大仙主殿、觀音殿同埋呂祖殿。
    牌匾係由廣州市文化局捐畀佢哋嘅,佢係用咗南越國御花園遺址出土嘅秦代古船台枕木(古松木)嚟整嘅成。
  • 種喺東、西兩個花園入面嘅兩樖細嘅荔枝樹。
    呢兩樖掛綠荔枝係由增城市政府嘅有關部門批准咗嚟種嘅樹木,係增城嗰邊嘅名貴樹折咗嘅枝而種咗出嚟嘅。

門飛[編輯]

入黃大仙祠拜祭祖先或參觀,要5一次。

附近嘅交通[編輯]

出面網頁[編輯]

[編輯]

  1. 1.0 1.1 广州市人民政府关于公布第八批广州市文物保护单位名单的通知 中国广州政府
  2. 广州公布第八批市级文物保护单位 南方日报 A05版 (2015-09-10)
  3. 3.0 3.1 《廣州市第四次文物普查彙編》荔灣區卷 48頁 黃大仙祠蹟
  4. 广州寺庙最神奇的是什么 互聯網檔案館歸檔,歸檔日期2014年8月8號,. 360個人圖書館
  5. 芳村将举办大型的民间民俗风情旅游庙会 互聯網檔案館歸檔,歸檔日期2014年8月14號,. 中國廣州網 喺2005年2月6號搵到
  6. 黄大仙祠庙会 吸引数十万人的“客家”盛会 互聯網檔案館歸檔,歸檔日期2014年8月8號,. 南都網 喺2010-01-20搵到
  7. 道教文化源远流长 岭南奇葩今又飘香 新浪微博 喺2011年12月12號 南方日報A11版 轉過嚟
  8. 广州黄大仙祠重建纪实 廣州市第一中學校友網 作者:黄向农 喺2013-7-26搵到
  9. "广州有个黄大仙祠". (原先內容喺2014年8月11號歸檔). 喺2014年8月2號搵到. 
  10. 广州黄大仙祠——“叱羊传晋代,骑鹤到南天” CCTV18惠旅網 (簡體中文)