武漢肺炎香港疫情

出自維基百科,自由嘅百科全書
跳去導覽 跳去搵嘢


Disambig.svg
呢篇文章講嘅係武漢肺炎喺香港引發嘅疫情。想搵其他地區嘅疫情,睇吓「武漢肺炎國際疫情」。
武漢肺炎香港十八區疫情
     0-49宗     50-99宗     100-149宗     150-199宗     200-249宗     超過250宗

武漢肺炎香港疫情,係講武漢肺炎香港爆發嘅情況。頭一單確診輸入個案喺2020年1月23號出現,而頭一單確診本地個案就係喺2020年2月4號出現,而香港十八區區區都有確診個案[1]。自4月19號之後,連續23日冇本地爆發嘅新個案,只係斷續有外地輸入個案,但喺5月12號開始連續兩日再有本地感染個案。7月7號,新增9宗本地個案,當中有5個源頭不明,多間學校學生、學生家長同教職員屋企人確診,自此每日都有源頭不明嘅個案,7月18號確診個案總數已經超越2003年沙士疫情嘅1755宗。

武漢肺炎香港疫情可以分做三波爆發階段。1月嘅第一波爆發同埋3月嘅第二波爆發入面,香港嘅確診個案大部份都有外遊記錄,亦有部份係群組爆發,大部份個案都可以追溯到源頭,歸納成唔同關聯群組,當中最出名同最多人嘅群組係「打邊爐家族」群組,有十一個直接傳染個案同4個二代傳染個案,另外有福慧精舍佛堂群組爆發、3月14號愉景灣舉行嘅雞尾酒會婚禮群組爆發、3月31號尖沙咀Red MR卡拉OK出現小群組爆發等。4月到6月嗰陣疫情一度受控,只有零星感染個案。去到7月嘅第三波爆發,規模比頭兩波大,加上有唔少個案都係源頭不明,意味出現咗社區爆發,當中比較出名嘅群組包括「慶回歸晚會群組」同「富臨生日宴群組」。政府響9月頭開始咗個「普及社區檢測計劃」,希望搵出社區嘅「隱性患者」,但社會對計劃有質疑聲音。

去到10月27號,累積確診個案已經有5,308單,其中有105人死亡。

病名[編輯]

對於由嚴重急性呼吸系統綜合症冠狀病毒2型引發嘅疾病,香港法定名稱為「嚴重新型傳染性病原體呼吸系統病」[2],而政府新聞公報早期稱為「新型冠狀病毒感染」[3],喺2020年2月19號開始改稱為「2019冠狀病毒病」[4]。早期香港傳媒例如《明報[5]、《星島日報[6]、《蘋果日報[7]、《成報[8]、《香港經濟日報[9]、《頭條日報[10]、《立場新聞[11]、《am730[12]、《晴報[13]、《852郵報[14] 、《香港01》[15]等稱呼為「武漢肺炎」;《熱血時報》[16]、有線新聞、商業電台香港電台now新聞等稱呼為「新型肺炎」;無線電視、《東方日報》、《經濟通》[17]、《大公報》[18]稱呼為「新冠肺炎」。後期《明報》[19]、《星島日報》[20]、《香港經濟日報》[21]、《頭條日報》[22]、《am730》[23]、《晴報》[24] 、《香港01》[25]稱呼為「新冠肺炎」。

疫情同反應[編輯]

香港港鐵動感號列車顯示屏幕度顯示咗公眾衛生建議。
1月31號,新工會「醫管局員工陣線」公布因政府未回應到要求全面封關等訴求,發起咗罷工行動,有近6700人簽署宣言(統計時間未知)參與罷工,護士佔咗7成,醫生就佔8個巴仙。
2月3號早上,多個工會去到醫管局大樓請願,有幾百名醫護同市民喺度聲援。

2019年12月31號,香港食物及衞生局局長陳肇始經已召集咗醫療專家同醫院管理局高層開會,陳會後話,啲專家評估過武漢肺炎群組,認為情況唔尋常,加上香港同武漢交通頻繁,需提高警覺[26]。同日,一名到過武漢嘅香港女子因有咗相關嘅病症,到屯門醫院就醫。經檢測,患者初步對禽流感同SARS測試結果都呈陰性[27]。香港大學微生物學系講座教授袁國勇相信,武漢正爆發病毒感染,呼籲香港市民提高警覺[28]

2020年1月2號上晝,香港將軍澳醫院接收報稱嘅一名女病患,但未話有冇去過華南海鮮市場,經初步診斷病患未有發燒[29]

1月3號晏晝,公立醫院再接受多兩名去過武漢嘅女病人,有相關嘅肺炎徵狀,轉送瑪嘉烈醫院接受咗隔離治療[30]。同日,特首林鄭月娥同食物及衞生局局長,到咗高鐵西九龍站,視察因應武漢疫情所採取嘅出入境口岸防控措施[31]。1月4號,港特區政府宣佈「對公共衞生有重要性的新型傳染病準備及應變計劃」,同時啟動咗嚴重應變級別[32]。同日,政務司司長張建宗表示當局「冇掉以輕心」,但未需要減少香港來往武漢嘅高鐵同航班班次[33]

截至1月12號,醫管局表示,公立醫院自2019年12月31號起,共向衞生署呈報咗67宗相關病人個案,醫院已將病人樣本送交化驗,據計51人經已出院,所有仍留院病人情況穩定[34]

1月13號,食物及衞生局副局長徐德義率香港政府代表團到武漢了解肺炎疫情同埋處理情況,14號返港。截至13號中午,共接獲68宗懷疑個案[35]

1月20號,特區政府同專家召開緊急會議後,決定擴大監測懷疑個案,要求去過湖北而有咗發燒同急性呼吸道感染或肺炎,都必須呈報衞生防護中心。兼决定咗第二日(1月21號)起由武漢抵港嘅飛機航班,乘客入境嗰陣必須填寫健康申報表;但係唔包括由武漢抵港嘅高鐵乘客[36]。截至1月21號,呈報累計懷疑個案增至118宗,其中一名確定測試呈陰性嘅病患因自身其他疾病過世[37]

1月22號,港鐵透露1月21號晚9點半,接獲咗西九龍站衛生署港口衛生處嘅通知,指有名由深圳搭高鐵抵埠嘅內地男乘客,被發現有發燒徵狀,兼報稱去過武漢,其後被送往醫院作進一步檢測[38]。跟著香港確認咗出現首宗武漢肺炎感染嘅高度懷疑個案[39],患者喺伊利沙伯醫院隔離治療。而陪同患者一起入境嘅屋企人,入住過尖沙咀嘅皇悦酒店一晚後,就搭飛機去咗菲律賓馬尼拉,相關部門通報咗菲律賓當局[40][41]。另有消息指,再有一名患者高度懷疑確診武漢肺炎,將由威爾斯親王醫院送往瑪嘉烈醫院隔離治療[42]

1月23號1點,香港確認第二宗高度懷疑個案,患者係56歲男性香港本地居民,有去過武漢,1月18號起開始發燒,去過威爾斯親王醫院急症室求醫但未入院,21號再覆診發燒徴狀持續,院方安排病人入院接受隔離治療。23號轉往瑪嘉烈醫院接受隔離治療,患者嘅呼吸道樣本初步檢驗對新型冠狀病毒呈陽性反應[43]。香港衛生署數據則顯示,截至1月22號中午,香港共報告135宗符合標準嘅懷疑個案,其中97宗排除咗新型病毒感染兼出咗院,剩低咗38宗個案仍留院,包括確認嘅兩個個案[44]。 而兩宗個案嘅三名密切接觸者亦準備喺同日送去麥理浩夫人度假村隔離同醫學觀察,衞生防護中心亦決定即時擴大新型冠狀病毒懷疑個案嘅呈報準則,考慮咁擴大健康申報安排到高鐵[45]。港鐵宣布即時停售來往武漢嘅高鐵車飛[46]

1月29號起,所有學校停課,政府豁下康樂、文化同體育設施停開,郵局停開,各區民政事務署停開,但大部份商舖同食肆照常營業。市民因欠缺口罩而引發搶購潮。而香港嘅公立醫療系統,擔憂醫護運作會冇法維持防疫負荷而崩潰,同社會各界等一路要求特區政府封關,以減低跨境傳播風險[47]。開初政府就重保留大部分繁忙口岸開放,1月28號,東區醫院深切治療部有十五個護士就集體請病假,表達「全面封關」嘅訴求[48]。1月30號凌晨政府先再關閉高鐵西九龍站沙頭角文錦渡呢六個口岸[49]

不過仲係拒絕「全面封關」,公立系統醫護為咗逼使政府封關,由工會「醫管局員工陣線」宣布開始罷工。1月31號凌晨普通科醫生發起埋聯署,醫療體系度至2月1號下晝有大概五分一嘅普通科醫生參與咗[50]。 到2月1號,醫管局員工陣線舉行會員大會,以近3千票贊成大比數,通過罷工計劃案。截至2月1號晚八點有成9千個簽署,承諾參與罷工[51]。由於特首未有會面工會,工會就宣布談判破裂,正式喺2月3號開始一連五日嘅罷工,首日係由非緊急嘅服務人員去參與先[52]。2月2號仲有多個專業界別人士發起公開聯署信,支持醫護罷工同全面封關[53]。到2月3號政府先至宣佈,由2月4號凌晨零時開始,關閉剩低嘅多個口岸,但未關閉香港機場、深圳灣口岸同港珠澳大橋口岸[54],又話關閉嘅做法同醫管局啲醫護罷工冇關係[55]。而2月4號香港一39歲本身有長期糖尿病患嘅男患者,因病情突然轉差而死亡,成為咗首個死亡個案[56]

2月5號累積個案達到21宗,特首承認疫情有惡化,可能重有社區傳播,宣布由2月8號凌晨開始,由大陸入境嘅人,都要強制接受檢疫14日[57]。同日星夢郵輪旗下、2月3號畀廣東疾控中心通報有旅客確診有新型肺炎[58]世界夢號,停泊到香港啟德郵輪碼頭,開始接受檢疫隔離等處理。衛生署嘅衛生防護中心傳染病處主任披露,自有旅客確診咗肺炎,有大概5000人左近經香港上落世界夢號,除臺灣航次之外,重牽涉三個航次。其中有206人同過確診者喺同航次度,仲早喺1月24號由香港度上咗岸,呼籲呢批乘客快趣啲聯絡返衛生防護中心[59]

3月31號,衞生防護中心公佈尖沙咀Red MR卡拉OK出現小群組爆發。五名確診者之中,有一個人早喺去卡拉OK當晚已經發病,未確診嗰兩人就被送到檢疫中心。衞生防護中心估計群組內嘅人互相傳染[60]

7月31號,衞生防護中心公佈旺角怡安閣直銷公司Star Global群組有6宗確診,另外有至少5宗初步確診[61]。8月3號凌晨12點幾,直銷公司大門被人寫上洩憤字句,並喺門上同附近路邊電箱貼上大字報,力數直銷公司罪狀,質疑有人忽視疫情「害死人」。嗰日下晝,衞生署記者會公佈感染群組已經升到37人[62]。8月5號已經有52宗確診[63]

參考[編輯]

  1. "武漢肺炎民間資訊". 喺2020-03-18搵到.
  2. "第599章 《預防及控制疾病條例》". 電子版香港法例. 喺2020-03-18搵到.
  3. "衞生防護中心調查兩宗新增新型冠狀病毒感染確診個案". 香港特別行政區政府新聞公報. 2020-02-18. 喺2020-03-18搵到.
  4. "衞生防護中心調查三宗新增2019冠狀病毒病確診個案". 香港特別行政區政府新聞公報. 2020-02-19. 喺2020-03-18搵到.
  5. "【武漢肺炎】「世界夢號」曾載確診患者 旅客被拒高雄下船 郵輪今抵港郵輪碼頭". 原著喺2020-02-06歸檔. 喺2020-03-07搵到. Unknown parameter |dead-url= ignored (help)
  6. "【武漢肺炎】「鑽石公主號」傳約百人不適 數10人發燒送院".
  7. "【武漢肺炎】太古城逾千人排隊搶購口罩 市民轟林鄭控疫無能:有得排都排". 原著喺2020-02-13歸檔. 喺2020-02-09搵到. Unknown parameter |dead-url= ignored (help)
  8. 武漢肺炎吹哨者李文亮病逝, 原著喺2020-02-20歸檔, 喺2020-02-09搵到 Unknown parameter |dead-url= ignored (help)
  9. "【武漢肺炎】武漢肺炎空氣傳播? 甚麼是氣溶膠?". 原著喺2020-02-21歸檔. 喺2020-03-07搵到. Unknown parameter |dead-url= ignored (help)
  10. "【武漢肺炎】全國逾3.6萬宗確診 增至804人死超越沙士". 原著喺2020-02-22歸檔. 喺2020-03-07搵到. Unknown parameter |dead-url= ignored (help)
  11. "【武漢肺炎】中國新增 2656 例 累計死亡 811 超越沙士全球死亡人數". 原著喺2020-02-25歸檔. 喺2020-03-07搵到. Unknown parameter |dead-url= ignored (help)
  12. "【武漢肺炎】日本男子於武漢肺炎死亡 外務省稱為保私隱難公布詳情". 原著喺2020-02-22歸檔. 喺2020-03-07搵到. Unknown parameter |dead-url= ignored (help)
  13. "【武漢肺炎】封城禁行 獨居寵物陷糧食危機 義工破門營救%20火化已死貓B". 原著喺2020-02-20歸檔. 喺2020-03-07搵到. Unknown parameter |dead-url= ignored (help)
  14. "【武漢肺炎】20歲男子據報初步確診 潛伏期內曾與多名親友打邊爐". 原著喺2020-02-22歸檔. 喺2020-03-07搵到. Unknown parameter |dead-url= ignored (help)
  15. "【武漢肺炎・2.19疫情】港65人確診 防疫抗疫基金加碼至300億". 原著喺2020-02-20歸檔. 喺2020-03-07搵到. Unknown parameter |dead-url= ignored (help)
  16. "再多一名25歲男子染新型肺炎 患者居土瓜灣無外遊紀錄". 熱血時報網站. 2020-02-05. 原著喺2020-02-26歸檔. 喺2020-02-29搵到. Unknown parameter |dead-url= ignored (help)
  17. "【新冠肺炎】日本北海道因新冠肺炎疫情進入緊急狀態". 經濟通. 喺2020-02-29搵到.
  18. "鍾南山:有信心疫情四月底受控". 大公報. 原著喺2020-03-01歸檔. 喺2020-03-01搵到. Unknown parameter |dead-url= ignored (help)
  19. "《南華早報》有員工初步確診新冠肺炎 曾用休息室及酒吧". 喺2020-03-18搵到.
  20. "指未來兩周屬非常時期 何栢良倡拒絕所有非香港居民入境". 喺2020-03-18搵到.
  21. "疫情衝擊經濟 中國勢降準放水". 喺2020-03-18搵到.
  22. "三留學生返港確診恐引毒入關". 喺2020-03-18搵到.
  23. "【新冠肺炎】港增至少8宗初步確診 多人有外遊記錄". 喺2020-03-18搵到.
  24. "糞便檢測 有助揪出隱形個案". 喺2020-03-18搵到.
  25. "【新冠肺炎】袁國勇:比沙士嚴重 短期不會結束 學校復課較困難". 原著喺2020-02-20歸檔. 喺2020-03-07搵到. Unknown parameter |dead-url= ignored (help)
  26. "武漢不明肺炎 袁國勇:與禽流感SARS有相似,必須提高警覺". 眾新聞 (中文). 原著喺2020-01-02歸檔. 喺2020-01-02搵到. Unknown parameter |dead-url= ignored (help)
  27. "香港一女子疑似感染武漢肺炎被醫院隔離". 聯合早報 (中文). 喺2020-01-02搵到.
  28. "武漢27宗不明原因肺炎 本港衞生防護中心密切監察 - RTHK". news.rthk.hk (中文). 原著喺2020-01-02歸檔. 喺2020-01-02搵到. Unknown parameter |dead-url= ignored (help)
  29. "【武漢肺炎】曾訪武漢女病人往將軍澳醫院求醫 消息:病人無發燒". 香港01 (中文). 原著喺2020-01-02歸檔. 喺2020-01-02搵到. Unknown parameter |dead-url= ignored (help)
  30. "公立醫院接收多2名到訪武漢後發燒女病人". 香港電台. 2020-01-03. 原著喺2020-01-03歸檔. 喺2020-01-03搵到. Unknown parameter |dead-url= ignored (help)
  31. "林鄭月娥到高鐵西九龍站視察防控措施". Now新聞台. 2020-01-03. 原著喺2020-01-03歸檔. 喺2020-01-03搵到. Unknown parameter |dead-url= ignored (help)
  32. "政府公布對公共衞生有重要性的新型傳染病準備及應變計劃". 政府新聞處. 2020-01-04. 原著喺2020-01-04歸檔. 喺2020-01-04搵到. Unknown parameter |dead-url= ignored (help)
  33. "港府拒減往來武漢航班同高鐵". Apple Daily 蘋果日報. 2020-01-05.
  34. "香港再增6宗武漢肺炎懷疑個案 至今累計67宗". 东网. 原著喺2020-01-14歸檔. 喺2020-01-14搵到. Unknown parameter |dead-url= ignored (help)
  35. "【武漢肺炎】食衞局副局長率團訪武漢 本港再新增一宗懷疑個案". 立場新聞. 2020-01-13. 原著喺2020-01-13歸檔. 喺2020-01-14搵到. Unknown parameter |dead-url= ignored (help)
  36. "曾到湖北省後出現感染徵狀患者須呈報衞生防護中心". Now新聞台. 2020-01-20. 喺2020-01-20搵到.
  37. "【武漢肺炎】港增12懷疑個案累計118宗 一留醫病人因自身疾病離世". 明報新聞網.
  38. "【武漢肺炎】港鐵:一內地乘客高鐵抵港時發燒 據悉曾到武漢". 香港01. 2020-01-22. 喺2020-01-22搵到.
  39. "陳漢儀稱高度懷疑個案是否確診明日有結果 - RTHK". news.rthk.hk (中文).
  40. "高度懷疑感染個案家人昨入住尖沙咀皇悦酒店". 香港電台. 2020-01-22.
  41. "【武漢肺炎】香港確診患者同行家人入住尖沙咀酒店一晚 已飛大馬". 香港01. 2020-01-22.
  42. "香港現兩宗高度懷疑武漢肺炎個案 內地男搭高鐵抵西九". 东网.
  43. "衛生防護中心調查第二宗輸入新型冠狀病毒感染高度懷疑個案". 香港政府新聞網.
  44. "嚴重新型傳染性病原體呼吸系統病的最新情況" (PDF). 香港衛生署.
  45. "本港疑似個案三名密切接觸者安排到隔離營". NOW新聞.
  46. "港鐵即時停售來往武漢高鐵車票". NOW新聞.
  47. "中大醫學院促政府擴大限制入境範圍至湖北省以外地區". 香港電台. 2020-01-28. 原著喺2020-01-28歸檔. 喺2020-01-28搵到. Unknown parameter |dead-url= ignored (help)
  48. "【武漢肺炎】15護士請病假促全面「封關」 東區醫院:已調配人手維持服務". 明報. 2020-01-28. 原著喺2020-01-29歸檔. 喺2020-01-29搵到. Unknown parameter |dead-url= ignored (help)
  49. "【武漢肺炎】「局部封關」後訪港內地人跌29.6% 遜政府預期". 明報. 2020-01-31. 原著喺2020-01-31歸檔. 喺2020-01-31搵到. Unknown parameter |dead-url= ignored (help)
  50. "【武漢肺炎】普通科醫護界382人實名聯署 促政府馬上全面封關". 蘋果日報. 2020-02-01.
  51. "【武漢肺炎】醫管局員工陣線表決通過罷工 醫管局:盡量調配人手按需要調整服務". 明報. 01-02-2020. 喺03-02-2020搵到. Check date values in: |accessdate=, |date= (help)
  52. "醫管局員工陣線宣布談判破裂 明發動首階段罷工". 立場新聞. 02-02-2020. 喺2020-02-03搵到. Check date values in: |date= (help)
  53. [專業組織人士聯署-港府管治失效%E1%85%A0要求尊重專業-全面封關/ "專業組織人士聯署:港府管治失效ㅤ要求尊重專業、全面封關"] Check |url= value (help). 立場新聞. 2020-02-02.
  54. "林鄭明起僅停羅湖皇崗等口岸 仍拒封機場深圳灣港珠澳橋". 蘋果日報. 2020-02-03. 喺2020-02-03搵到.
  55. "【最新】林鄭:口岸關閉與醫管局員工罷工完全無關 以極端手法威迫政府不會得逞". Now 新聞. 2020-02-03. 喺2020-02-03搵到.
  56. "消息:39歲新型冠狀病毒肺炎患者死亡". 香港電台 (中文). 2020-02-04. 原著喺2020-02-04歸檔. Unknown parameter |dead-url= ignored (help)
  57. 2月8日凌晨開始内地入境者需強制接受檢疫14日 RTHK 2020-02-05
  58. "【武漢肺炎】上下船逾4000客 廣州出發「世界夢號」郵輪3人確診". 香港01. 2020-02-04. 喺2020-02-05搵到.
  59. 世界夢號載確診者後5000人在港下船 206同船客高危 船方稱衛署昨午方索電話追蹤 明報 2020-02-07
  60. "尖沙咀Red MR五客人確診 衞生署料互相傳染". now新聞台. 2020-03-31. 喺2020-04-01搵到.
  61. "【武漢肺炎】爆疫直銷公司與亮碧思關係密切 至少11人染疫". 蘋果日報. 2020-07-31.
  62. "【武漢肺炎】感染群組增至37人 直銷公司被貼大字報". 蘋果日報. 2020-08-03.
  63. "【武漢肺炎】Star Global傳銷多7確診 部份曾到帝京培訓 52人染疫淪港第二大群組". 蘋果日報. 2020-08-05.

睇埋[編輯]