武漢肺炎意大利疫情

唔同地區確診嘅病例（截至2020年4月8號）

  淨得零星個案

  個案達到兩位數

  個案達到三位數兼未過半百

  個案達到三位數兼過咗半百

  個案達到四位數

  確診案例達到五位數

武漢肺炎意大利疫情係介紹「武漢肺炎」喺意大利嘅爆發情形。截至2020年9月23號，意大利夾埋有293,025單確診病例，死咗35,658個人。

從2020年3月28號開始，佢成為全球第一個武漢肺炎死亡個案突破一萬嘅國家。

情況

意大利喺2020年1月31號出現第一單感染個案，嗰時有兩位中國大陸遊客嚟意大利玩，喺1月23號經米蘭國際機場入境，之後搭巴士到羅馬時畀發現咗有呢種病。同時有一位意大利公民，3日後出現第四單，當日國內至少9座城市宣佈關閉學校、酒吧等公共場所。幾日後開始出現成百人因病毒而隔離，喺祖雲達斯足球會，前經歷接受採訪時，話到呢單嘢同2006年意大利足球醜聞一樣被無限擴大咗。隨住2月22號出現死亡病例之後，加上感染個案逐步上升，足壇亦確診有肺炎個案，水城威尼斯亦跟著停咗當地嘅狂歡節；國內嘅青年羽毛球賽亦停賽；足球賽事亦要空場舉行，仲波及埋排球同網球賽事。到2月23號先至封咗北邊，好多城鎮啲防疫人員出動。24號疫情經已一發不可收拾，感染個案上升到203例。唔單止意大利高爾夫球員加格里，仲有莫連拿利，都宣佈退出喺2月底喺卡塔爾舉辦嘅高爾夫公開賽；連當地嘅電影院都停嗮業，即使係娛樂界都受到波及。喺威尼斯當地拍緊嘅《職業特工隊》班製作組亦宣佈停拍直到同年3月16號改到英國繼續拍；喺烏甸尼舉辦嘅遠東國際電影節都要延期。隨後意大利政府發佈史上最嚴嘅防疫令：除特別授權之外，任何人都唔畀出入疫情爆發區。甚至有必要時仲派埋軍隊同差人接手隔離區嘅秩序。屆時違反封城命令嘅要罰錢206文歐羅或監禁3個月嘅處罰。當日亦出現冇人睇米蘭時裝騷同連封11城嘅情況。由於倫巴第大區有間醫院對1號病人處理不善，所以導致疫情出現大爆發。

2月27號，喺意丙聯賽有位22歲球員亦同樣感染武漢肺炎，成爲職業足壇有史以嚟，第一單感染武漢肺炎嘅個案。正因爲噉，佢所屬嘅皮阿尼斯足球會都取消嗮訓練課程。28號，喺米蘭嘅斯卡拉歌劇院正式宣佈合唱團一成員感染咗武漢肺炎，劇院重要求同劇團有過直接聯繫或接觸嘅所有人，都要接受病毒檢測；同日亦有議員出席議會時因為戴口罩而俾人笑而掟咪。29號，由於確診病例多到889單，死亡病例多到21單，當地政府爲避免公眾恐慌而諗著宣佈淨公佈重症患者。後嚟美國、香港、澳門、澳洲向意大利發出旅遊警示，中國駐意大利大使館都宣佈受到疫情影響，唔辦理中國大陸公民出入意大利嘅事務。踏入3月1號，全國公民感染武漢肺炎個案已經超過1000單，當地嘅亞馬遜集團都有員工受感染；原先計劃喺意大利拍嘅《紅色通緝令》都要改第度繼續拍。

到咗3月4號，由於感染武漢肺炎個案已經超過咗3000單，當地政府開始宣佈從3月5號開始，國內所有學校必須要停課兼暫停同教育有關嘅活動；總理府嘅公眾導覽活動都要停止。體育方面，原先定喺3月4號舉辦嘅意大利盃四強嘅祖雲達斯同AC米蘭對陣嘅賽事都要延遲；國內舉辦嘅足球賽事都必須要空場踢，從第27輪開始都要拖到同年5月份先至踢。當日喺羅馬亦出現家庭聚集感染嘅情況。喺倫巴第大區克里蒙拿，有間醫院借鑒武漢嘅火神山噉開始搭建間意大利版「方艙醫院」出嚟收留患者。

3月5號，意大利政府頒令，唔畀民眾做見面親密接觸（例如錫）嘅行為。7號，歐洲足協亦宣佈唔畀意大利國籍啲球證執法歐冠同歐霸盃賽事。由3月9號開始，國內醫院都唔開門診。

據3月7號報道話，意大利政府準備噉頒佈封城法令草案，將指定封鎖北部成個倫巴第大區，夾埋11個省，包括咗摩德納、巴馬，同埋皮亞琴察等，重包括米蘭同威尼斯，牽涉嘅人口有至少1600萬。預計封城法令會實施到4月3號，屆時呢啲大區嘅所有學校都要停課，所有嘅娛樂場所、博物館、體育館、游泳池等都要關閉，連體育活動、婚禮、葬禮亦要暫停，鼓勵喺屋企打工，餐館淨限每日06:00—18:00營業；同日喺拉素大區兼民主黨領袖——尼古拉津加雷迪都感染咗武漢肺炎直到同月30號先至醫好出院。7號，確診病例已經達到5833單，成爲歐洲地區感染武漢肺炎個案同死亡病例最多嘅國家，國內亦宣佈從當日開始到4月3號爲止指定封鎖北部成個倫巴第大區，夾埋14個省嚟防止疫情蔓延。連冚唪唥文化中心、健身室、滑雪場都唔畀開放，醫護人員都唔畀休假。8號，確診病例去到7375單，重創咗單日感染1492單嘅紀錄，連陸軍總參謀長同佢屬下一成員都唔例外，總死亡人數已經達到366人。

3月9號，一日新增1797單肺炎案例，總確診數去到9172單。國內最高政府部門隨即宣佈封城範圍擴展到全國。好多囚犯抗議政府封城而發起騷亂，造成7死20人逃獄。當日政府重宣佈唔畀喺餐廳同露天酒吧搞聚會，連意甲足球同甲、乙級嘅排球聯賽都宣佈停止。10號，肺炎個案正式破10000大關，11號再次刷新一日新增肺炎個案，去到2315單，總確診數直接到12,462單。當日逼到總理唔單止嗌中國大陸啲醫療團隊援助，重宣佈全國封城，凡係涉及跨大區活動嘅，必須要有特別許可或獲批嘅緊急事務先至得；而且全國除生活必須品商舖、藥房同公共交通、物流之外，其它無關活動都要閂檔兼停止一切公共娛樂活動。當日唔單止喺祖雲達斯足球會，丹尼爾魯加尼球員亦正式被確診成爲武漢肺炎患者；連華利斯市醫學協會主席——羅拔圖·史迪拉都成爲武漢肺炎嘅死者之一。

2020年3月11號，喺蒲利亞大區特蘭尼，有浙江温州籍華人間屋企喺陽臺掛咗一大堆鷄翼，結果俾意大利當地公民懷疑佢曬飛鼠乾而舉報。後嚟證實係誤會，反而差佬罰咗華人錢。

不過感染案例重係持續增加。同年月14號，喺費倫天拿足球會亦再出現兩位球員正式被確診成爲武漢肺炎患者。第二日喺森多利亞足球會，法比奧迪保利球員亦正式被確診成爲武漢肺炎患者；意大利著名建築師同建築理論家——維多里奧·格利高蒂亦成為武漢肺炎死者之一。兩日後再次刷新一日新增肺炎個案，去到3233單，總確診數去到27980單，死亡個案亦破兩千大關。

同年3月10～15號，喺中國大陸陸續有華東同華中、西南地區啲醫院派醫療團隊同埋架撐到意大利控制當地爆發嘅疫情，重喺兩日後到羅馬，隨後去到帕多華地區控制疫情。

同年月17號，一日感染個案記錄再次刷新，去到3526單。總確診個案去到31506單。喺中國大陸嘅文化旅遊部向意大利發出旅遊警告，呼籲中國大陸公民近期暫時冇去意大利嗰邊。喺伯加莫，出現一大堆武漢肺炎死者啲鹹魚重喺太平間入面未燒嘅情況。

兩日後，一日感染個案記錄再次刷新，去到4027單，死亡個案亦去到2978單。喺倫巴第大區，區長阿迪利奧·方坦納話當地嘅醫療收治條件就快到極限，冇辦法收到好多個案入醫療機構，甚至促進啲人賴喺屋企入面避開疫情。唔係嘅話，要用更加強硬嘅行動嚟對待民眾。當日疫情重令伯加莫一市長而過身。

2020年3月19號，意大利感染武漢肺炎個案唔單止繼續刷新單日感染記錄，去到5322單，總感染個案打破咗四萬大關；而且死亡個案亦反超中國大陸，去到3405單。不過原先喺倫巴第大區克里蒙拿臨時搭建嘅第一間方艙醫院已經起好，用嚟收留最多900位（計埋120張ICU床位）感染武漢肺炎患者。隨住感染案例越嚟越多，甚至有醫院啲長廊打嗮蛇餅；部份墓地要每半個鐘辦葬禮一次。不過政府重喺寄託中國大陸啲醫療團隊嚟援助。

2020年3月20號，《宣言報》發佈咗雲南漫畫家——李昆武畫嘅戰疫漫生活內容。當日嘅單日感染個案記錄繼續刷新，去到5986單，總感染個案去到47021單，死亡個案破咗4000大關。當日晚黑，政府發佈公告話要求從第二日開始禁止民眾入公園同遊樂場等設施地區，連戶外休閒娛樂活動同節假日喺非居住地地區度假都唔畀。喺倫巴第大區甚至出埋軍隊維持秩序，期間試過有兩位憲兵因感染武漢肺炎死咗。

第二日，意大利感染武漢肺炎個案唔單止繼續刷新單日感染記錄，去到6557單，總感染個案去到53578單；而且死亡個案繼續攀升，去到4825單。由於死亡個案太多，好多火葬場都出現唔夠空間，喺伯加莫重出現火葬場24小時營業嘅情況。總理喺當晚宣佈除藥舖、銀行、郵政、士多之外，其它同生產有關嘅行業（唔理係有關定無關）一定要停。喺亞馬遜意大利官網都宣佈暫停接收冇必要嘅商品訂單。當日重嗌埋古巴嘅醫療團隊過嚟援助。喺伯加莫，當地嘅殯葬幾乎煲電話粥，每日平均唔夠5分鐘就煲一次。

2020年3月22號，單日感染案例開始有所回落，不過總感染個案去到59138單，死亡個案破咗五千大關。喺民防部重發現有12單感染武漢肺炎個案。由於意大利當地啲公民以為啲口罩淨畀病咗或有傳染病嘅人先至帶得，所以對於呢次疫情嘅防範可謂非常之差。當日總統府重嗌埋俄羅斯軍醫代表嚟援助意大利。喺體育界，AC米蘭嘅前足壇隊員同波隊技術總監——保羅馬甸尼同中場丹尼爾馬甸尼，祖雲達斯隊嘅保羅迪巴拉都同時感染咗武漢肺炎。當日政府出台好多例如「禁止跨地區流動」、「停止冇必要商業活動」、「嚴格控制社交距離」等新嘅措施，重要求出門同狗行街嘅範圍限制喺200m半徑範圍內；尤其係戶外健身活動，要求唔畀脫離私人住宅範圍。

2020年3月23號，雖然單日感染案例亦有出現下降，但係總感染數同死亡個案都破咗六萬大關同六千大關。當日意大利將康部門宣佈1號病人——瑪迪婭（Mattia）已經好返出院，但係暫時重未搵到0號病人。第二日，單日感染案例開始回升到5249單，總確診69176單，死亡6820單。48個鐘後，感染案例好快突破七萬同八萬大關，死亡個案接二連三打破七千同八千大關，期間國內有41位醫護人員喺呢單瘟疫死咗。期間喺倫巴第大區蒙察，有間醫院嘅深切治療部醫生因受到太多患者狂轟濫炸而激到自殺。有部份地區為防止疫情進一步爆發，甚至推出「外出購物拉丁字限行令」；連一套防護服嘅價錢重貴過部高配置電腦。

第二日，單日感染個案升到5959單，總感染個案一舉反超中國大陸兼去到86498單，死亡個案破咗九千大關。政府決定月尾冚唪唥公共建築都要下半旗悼念。

2020年3月28號，總感染個案突破九萬大關，去到92472單，死亡個案突破一萬大關，去到10023單。其中男低音歌唱家——路易基朗尼亦成為武漢肺炎嘅死者。國內重再次強化入境管控，要求入境意大利啲人都必須要填寫個人聲明同旅遊目的、隔離住址。喺國內重有報紙連續刊登咗好多版武漢肺炎死者。

兩日後，總感染個案打破十萬大關，去到101739單，死亡個案去到11591單。因為感染案例太多，所以引起好多國際社會關注及輿論。從3月中旬搞封城令，跟住有中國醫療援助隊過去援助之後，感染案例先至出現有下降。嚟到月底最後一日，感染案例去到105792單，死亡個案去到12428單。其中，憲法法院長瑪達卡達比亞都成為武漢肺炎患者。

踏入4月初，總感染個案繼續上升，單純第一日去到110574單，死亡個案去到13155單；當日喺蒲利亞大區索萊托嘅方塔尼拉養老院（Residenza La Fontanella），由於入面冚唪唥護理人員因爆發疫情而走嗮去抗疫，令院嗰87位老坑當中，82.5%都成為武漢肺炎患者，其中有9人成為武漢肺炎嘅死者。第二日感染案例去到115252單，死亡個案上升到13915單。喺歐盟，委員會主席向意大利道歉話應對武漢肺炎方面，因為太多歐盟國家自己顧自己，冇乜集體主義觀念。到5號爲止，總感染個案去到128948單，死亡個案去到15887單。雖然連日嚟新增確診病例數出現下降趨勢，但係有部份民眾開始違規搞外出活動，令當地差佬猛咁開罰單。單純喺3～4號夾埋有17471單違反限制外出法令嘅事。

2020年4月6號，總感染個案去到132547單，死亡個案去到16523單。喺陀斯卡拿大區，當日實施咗要求全民出街時強制戴口罩。

2020年4月7號，總感染個案去到135586單，死亡個案去到17127單。意大利籃球協會宣佈呢個賽季嘅LBA腰斬。連政府都頒布法令，規定唔畀難民船喺地中海或亞德里亞海邊上岸。喺時尚界，4月份出版嘅VOGUE雜誌封面居然係空白一片。

2020年4月8號，總感染個案去到139422單，死亡個案去到17669單。國內中北部地區相繼出台政府命令，要求民眾出街強制戴口罩。

死亡率高嘅原因

武漢肺炎喺意大利之所以死亡率咁高，有科學雜誌同部份媒體已經透露出原因：

1. 喺確診數字方面，明顯低估咗，出現唔準確嘅死亡率。由於國內確診能力有限，導致死亡率越高。
2. 國內有好多地方存在聚集性爆發區。
3. 前期醫護設施唔到位，導致醫護人員出現感染武漢肺炎嘅情形。
4. 由於感染人數太多，好多醫院床位緊缺而出現睇病打蛇餅。令醫生出現淨顧後生，唔顧老嘢。
5. 社會偏向高老齡化。由於老坑嘅抵抗力比較差而出現大量感染嘅情形。
6. 從文藝復興開始，社會普遍傾向自由散漫嘅個人主義，冇集體主義觀念。
7. 初期防治疫情時，國內好多民眾對於口罩嘅態度非常之差。以為戴口罩係形容啲人「有傳染病」或「有絕症」噉解。

表

武漢肺炎意大利病例     死       好返       病例
日期			病例數
2020-01-31		​ ​ ​ ​	2 (n.a.)
2020-02-01~05		​ ​ ​ ​	2 (±0%)
2020-02-06		​ ​ ​ ​	3 (+50%)
2020-02-07~20		​ ​ ​ ​	3 (±0%)
2020-02-21		​ ​ ​ ​	20 (+567%)
2020-02-22		​ ​ ​ ​	79 (+295%)
2020-02-23		​ ​ ​ ​	152 (+92%)
2020-02-24		​ ​ ​ ​	229 (+51%)
2020-02-25		​ ​ ​ ​	322 (+41%)
2020-02-26		​ ​ ​ ​	400 (+24%)
2020-02-27		​ ​ ​ ​	650 (+63%)
2020-02-28		​ ​ ​ ​	888 (+37%)
2020-02-29		​ ​ ​ ​	1,128 (+27%)
2020-03-01		​ ​ ​ ​	1,694 (+50%)
2020-03-02		​ ​ ​ ​	2,036 (+20%)
2020-03-03		​ ​ ​ ​	2,502 (+23%)
2020-03-04		​ ​ ​ ​	3,089 (+24%)
2020-03-05		​ ​ ​ ​	3,858 (+25%)
2020-03-06		​ ​ ​ ​	4,636 (+20%)
2020-03-07		​ ​ ​ ​	5,883 (+27%)
2020-03-08		​ ​ ​ ​	7,375 (+25%)
2020-03-09		​ ​ ​ ​	9,172 (+24%)
2020-03-10		​ ​ ​ ​	10,149 (+11%)
2020-03-11		​ ​ ​ ​	12,462 (+23%)
2020-03-12		​ ​ ​ ​	15,113 (+21%)
2020-03-13		​ ​ ​ ​	17,660 (+17%)
2020-03-14		​ ​ ​ ​	21,157 (+20%)
2020-03-15		​ ​ ​ ​	24,747 (+17%)
2020-03-16		​ ​ ​ ​	27,980 (+13%)
2020-03-17		​ ​ ​ ​	31,506 (+13%)
2020-03-18		​ ​ ​ ​	35,713 (+13%)
2020-03-19		​ ​ ​ ​	41,035 (+14%)
2020-03-20		​ ​ ​ ​	47,021 (+15%)
2020-03-21		​ ​ ​ ​	53,578 (+14%)
2020-03-22		​ ​ ​ ​	59,138 (+10%)
2020-03-23		​ ​ ​ ​	63,927 (+8%)
2020-03-24		​ ​ ​ ​	69,176 (+8%)
2020-03-25		​ ​ ​ ​	74,386 (+7.5%)
2020-03-26		​ ​ ​ ​	80,539 (+8.3%)
2020-03-27		​ ​ ​ ​	86,498 (+7.4%)
2020-03-28		​ ​ ​ ​	92,472 (+6.8%)
2020-03-29		​ ​ ​ ​	97,689 (+5.6%)
2020-03-30		​ ​ ​ ​	101,739 (+5.6%)
2020-03-31		​ ​ ​ ​	105,792 (+5.6%)
2020-04-01		​ ​ ​ ​	110,574 (+5.6%)
2020-04-02		​ ​ ​ ​	115,252 (+5.6%)
2020-04-03		​ ​ ​ ​	119,827 (+4,0%)
2020-04-04		​ ​ ​ ​	124,632 (+4,0%)
2020-04-05		​ ​ ​ ​	128,948 (+3,5%)
2020-04-06		​ ​ ​ ​	132,547 (+2,8%)
2020-04-07		​ ​ ​ ​	135,586 (+2,3%)
2020-04-08		​ ​ ​ ​	139,422 (+2,3%)
嚟自：意大利人民保護署每日公告

武漢肺炎意大利病例

日子		西北面				東北面				中面				南面						島		確診		死		好返	試	攷	註
		奧斯達谷地	利古裡亞	皮耶蒙	倫巴第	威尼托	圖靈天諾－ 南鐵羅	弗留利- 威尼斯朱利亞	愛美利亞－ 羅曼尼亞	瑪律凱	陀斯卡拿	翁布裡亞	拉素	阿布魯佐	摩列謝	甘帕尼亞	巴西利卡塔	蒲利亞	卡拉布裡亞	西西里島	薩丁島	多咗	夾埋	多咗	夾埋	夾埋	夾埋
2020-01-31													2									2	2	–	–	–
2020-02-06													1									1	3	–	–	–
2020-02-21					15	(1) 2																17	20	1	1	–
2020-02-22				1	(1) 40	16			2													59	79	1	2	–
2020-02-23				2	(1) 57	7			7													71	150	1	3	–
2020-02-24					(4) 61	7			9													77	227	4	7	1
2020-02-25			1		(2) 67	(1) 11	1		8		2									3		93	320	3	10	1	> 8,600
2020-02-26			10		(1) 65	28			(1) 21	1												125	445	2	12	3	9,587
2020-02-27			8	1	(5) 98	40			50	2				1		3		1		1		205	650	5	17	45	12,014
2020-02-28				9	(3) 128	40			(1) 48	3	6					1		2	1			238	888	4	21	46	15,695
2020-02-29			23		(6) 84	40			(2) 72	5	3		3	1		9						240	1,128	8	29	50	18,661
2020-03-01			–17	38	(1) 369	72		6	(4) 68	14	2	2		3		4				5		566	1,694	5	34	83	21,127
2020-03-02			–3	2	(14) 270	10		3	(3) 50	(1) 10			1					1		–2		342	2,036	18	52	149	23,345
2020-03-03			(1) 2	5	(17) 266	(1) 34	4	4	(7) 85	(1) 26	6	6	7	1	3	13	1	2			1	466	2,502	27	79	160	25,856
2020-03-04			2	26	(18) 300	(3) 53	1	5	(4) 124	(2) 23	19	1	16	1		1		(1) 3		11	1	587	3,089	28	107	276	29,837
2020-03-05		2	(2) 2	(2) 26	(25) 431	(4) 47	2	3	(8) 154	40	23		14	1	4	14		5	1			769	3,858	41	148	414	32,362
2020-03-06		5	4	(2) 35	(37) 361	(2) 81	6	10	(7) 172	35	18	7	(1) 10	1	5	12	2	3	2	6	3	778	4,636	49	197	523	36,359
總數	確診	7	32	143	2,612	488	14	31	870	159	79	16	54	9	12	57	3	17	4	24	5	4,636	唔適用	唔適用	唔適用	唔適用	唔適用	唔適用	唔適用
	死亡		3	4	135	12			37	4			1					1				唔適用	唔適用	197	唔適用	唔適用	唔適用	唔適用	唔適用
嚟自：官方通報

註同攷

註

攷