武漢肺炎大爆發

出自維基百科,自由嘅百科全書
Jump to navigation Jump to search
Disambig.svg
呢篇文章講嘅係喺2019年年尾爆發咗嘅肺炎疫情。想搵傳染病啲醫學研究分析,睇吓「武漢肺炎」。想搵呢隻病毒嘅介紹,睇吓「沙士病毒2型」。
武漢肺炎大爆發
2019-nCoV-outbreak-timeline.gif
自2020年1月12號以嚟,武漢肺炎個案傳播嘅動畫式地圖
日期 2019年12月1號–而家[1]
地點 喺中國湖北武漢
第一次確診[2]
起因 武漢肺炎
傷亡人數
截至2020年2月5號[3][4]
確診個案: 超過24000宗 [3]
死咗:427[3]
受影響地區:27

動畫顯示由2019至而家所確認嘅擴散個案,當時發生喺1月22號 (高清版)

武漢肺炎各地個案(紅色:有確診個案;藍色:有疑似個案)

武漢肺炎大爆發英文Wuhan pneumonia outbreak)係指自2019年12月開始喺中國湖北武漢爆發嘅武漢肺炎疫情,致病病毒係沙士病毒2型。佢係繼2003年沙士同2012年新沙士後又一隻由新型冠狀病毒引發嘅傳染病,有歐美專家預估,要去到2020年4月嗰陣疫情先至會減緩。

2020年1月中旬開始,中國大陸以外嘅泰國日本南韓臺灣美國澳門香港都相繼出現確診感染個案。世界衛生組織喺1月23號開過緊急會後認為,武漢新型冠狀病毒疫情未需要即時列做國際公共衛生緊急事件[5]。1月30號舉行嘅第二次緊急會議後,正式承認疫情構成國際關注公共衛生緊急事件。截至1月31號,全世界有27個國家同地區有確診個案。

中國大陸防疫應對[編輯]

封關隔離同追踪[編輯]

由於等到咗當局確定公佈疫情實情陣,適逢春運,武漢一帶嘅城市圈疫情防控形勢嚴峻,湖北境內地區疫情存有隱憂[6]。武漢市防疫指揮部門喺1月23號凌晨發公告,宣布當日上晝10點起全市陸空公共交通停運[7][8],公路未即時宣告封鎖,但開始實施人員嚴控,致武漢周邊高速路癱瘓。武漢除封城外,農曆新年期間關閉埋景區同博物館,兼強烈建議當地市民出街戴口罩。武漢繼23號封城,26號又禁止埋私家車通行(交管部門短信通知)。所有嘅公私聚會、公眾活動都俾強制取消。

而鄰接武漢嘅黃岡亦跟著官方通報,自1月23號午夜起關閉離境通道,而黃岡市區啲戲院、網吧同戶內公共文化、旅遊同埋娛樂場都要關閉,黃州區中心市場亦要休市[9]。 黐著黃岡嘅鄂州市嘅政府網頁亦宣布咗,全市鐵路車站通道喺23號11點4個字起關閉[10]。 黃岡、鄂州,喺武漢東部不足100公里,同武漢有密切人員來往,亦係通向附近廣大鄉村地區嘅必經路。多城市整體實施咗「檢疫隔離」,喺中國大陸防疫史睇係罕見嘅[11]。仙桃市、赤壁市、枝江市陸續宣佈相應交通停運,枝江市亦取消埋啲集會、聚餐活動,嚴控紅白喜事活動。黃岡市就宣布規定,市區公共場所必須戴口罩[12]

依照同《緊急狀態法》有相似效力嘅《中華人民共和國戒嚴法》,同埋《中華人民共和國突發事件應對法》,無論宣佈戒嚴抑或緊急狀態,都係應由中央政府宣布嘅。事實嘅防疫進入咗緊急狀態,都係由地方政府各自發布嘅命令,法理同法律程序等都有所爭議。[13] 而1月26日晚嘅湖北省政府新聞發佈會度,武漢市市長周先旺透露,相信封城前有500幾萬人離開咗武漢,剩咗900萬留喺武漢。各地地方政府大多強制驅趕逗留屬地嘅湖北人士,又採取粗暴執法,唔少相當係疫區難民係流離失所,武漢市長周先旺接受訪問陣,對在外武漢人士狀況同權益未有顯示關注,亦放任各地政府嘅具爭議應對手法。[13][14]

而各地相繼逐步加碼,喺唔同場地、住地度開搞出入管制。浙江溫州喺2月頭,確診個案達到咗265例,成為中國大陸度第二大疫情淪陷區,溫州市政府宣布由2月2號零點開始封城,將9百幾萬溫州市民同外界隔開。同時頒令嚴控居民活動,限令每戶得一人可以隔兩日落街一次去搵生活物資。[15]網傳溫州當地因封關而發生民眾騷動。[16] 集中喺2月4號開始,南京、杭州、鄭州、貴陽、哈爾濱、臨沂等城市政府,就跟著一齊公佈咗對各自城市嘅「封閉式管理」嘅命令,出入管制針對係有物業管理嘅樓盤、社區、村鎮、公共交通等,出入會搞量度體溫同身份登記,仲有限制居民落街:駐馬店市直頭限令,每戶居民係只能5日先可以落一次街搵日用品。截至2月4號累計大陸有27個城市宣布咗封關。[17][18][19]

物資管控[編輯]

武漢疫情爆發後各醫院物資都話唔夠,公開向社會求援,啲校友會、民間組織都好熱情咁捐助。收尾民政部就發文,指定咗啲募集物資必須由湖北嘅紅十字會、慈善總會等幾個官辦機構攬收曬,切斷咗民間嘅自助募捐路線。出通知陣,就有校友會嘅捐助物資喺機場度即時俾紅十字會「徵用」咗;上海醫療隊自己支援武漢嘅300套防護服,俾武漢紅十字會要求交埋6%嘅服務費,唔係就唔收。[20]紅十字會等官辦組織除咗攔截啲民間捐贈嘅醫用物資,甚至有帶著差人直接去醫院搶去啲捐贈物資,變成由啲行政官員同前線醫護爭物資。[21]

物資主要分發徑咗政府組織系統,好易各級層層分刮、俾有政府關係嘅人士,唔少前線醫護就有話,經紅十字會手配發落嚟嘅醫護用品,整體質量仲唔及民間自發配送嘅同類物資,民間送到去俾醫院醫護用嘅一啲N95口罩,最後俾咗啲行政官員攞走埋。[22] 有武漢紅十字會嘅職員喺回應物資調配嘅爭議陣話,係由衛健委同防控指揮部,決定紅十字會收到嘅啲物資點樣去發放同分配,紅十字會冇權作決定。[23] 截至1月28號,武漢紅十字會共收到咗社會捐款4個億,而有3.4億善款未曾發放過。[24] 武漢有醫院為繞過紅十字會嘅壟斷,直接同直升機公司聯繫,由公司免費派直升機,運送捐助嘅醫用物資俾醫院。[25]

工信部喺1月29號召開嘅會議度,向15間醫用防護服生產企業派出咗駐企特派員,監督物資嘅統一調撥。會議仲要求咗各地唔可以用任何名義截留、調用中央統一調撥嘅重點「應急防控物資」。[26]國務院總理李克強2月2號主持召開嘅中央防疫工作領導小組會議,要求咗國家衛健委快啲去搞好個重點醫療防控物資嘅分類使用標準,要求所有嘅緊缺物資要實行國家統一嘅調度,又叫湖北地方當局要管理好啲醫療防控物資嘅配置同使用。[27]

中央嘅反應[編輯]

根據《中華人民共和國傳染病防治法》啲列明規定,傳染病暴發陣,係由國務院衛生部門負責,同社會公佈啲傳染病疫情訊息,省級政府嘅衛生部門要公佈返屬地嘅傳染病疫情訊息,就要得到中央嘅授權。武漢市長周先旺接受央視訪問時直言:「作為地方政府,我獲得信息、授權之後才能披露,這一點在當時很多不理解……後來,特別是1月20日國務院召開常務會議……要求屬地負責,在這之後,我們的工作就主動多了。」[28][29] 據指2019年12月尾武漢傳出肺炎後,國家疾控中心隨即就介入了解咗,而中心喺2020年1月初中央政治局常委會召開前,就將有關嘅報告上呈埋中央,向國家衛健委等中央部門及中央領導通報預警,建議即刻喺公共場所採取緊急防控措施。疾控中心主任高福用盡佢嘅權限,喺1月6號就要求啟動咗中心二級應急響應。由於臨近農曆新年,會議度中央領導人係要求啲防範措施唔好造成恐慌,進而影響埋節日氣氛。[30]

而後尾發出嘅習近平喺2月3號中央政治局常委會嘅講稿,習近平喺1月7號主持召開嘅中央政治局常委會會議度,就經已對疫情嘅防控工作提出過要求。根據新華社嗰日披露嘅新聞稿,當日嘅會議係聽取中央嘅幾個最高機關單位嘅全黨組工作匯報,全篇消息度,未見有同防疫工作相關嘅嘢,亦未有過向公眾明示疫情嘅實際形勢之類。[31]而到咗1月20號習近平先至批示,要求重視疫情同全力做好防控工作。[32][33]外交部2月3號嘅首場在線記招度,發言人華春瑩話係由1月3號開始,就有成30次向美國政府通報咗「疫情資訊同防控措施」,大陸同美國嘅疾控中心就疫情啲情況進行過多次嘅溝通。[34]

1月20號,國務院總理李克強對新型冠狀病毒肺炎事件作出批示,要求各相關部門同地方要以對人民群眾健康高度負責嘅態度,堅決防止疫情擴散蔓延。中共中央總書記習近平亦作出指示,要求加強輿論引導,加強有關政策措施宣傳解讀工作,堅決維護社會大局穩定,確保人民群眾度過一個安定祥和嘅新春佳節[35]李克強隨即召開國務院常務會議,部署疫情防控工作[36]

1月25號,中共中央總書記習近平主持召開中共中央政治局常委會會議,專門聽取中共中央政治局委員、國務院副總理孫春蘭關於疫情防控工作嘅彙報,研究部署疫情防控工作。會議決定成立中央應對新型冠狀病毒感染肺炎疫情工作領導小組,由李克強王滬寧做正副組長,向湖北等疫情嚴重地區派出指導組,全面加強防控一線工作[37]。同日30個省級政府,齊齊啟動埋重大突發公共衛生事件一級回應。各省市政府根據國務院嘅決策,只要縣級以上地方政府報經上一級地方政府批准嘅,先至可以宣佈疫區範圍;經省、自治區、直轄市人民政府決定,就可以對下轄區域入邊嘅甲類傳染病疫區實施封鎖。[14]

而喺同日微信安全中心發佈咗《關於新型冠狀病毒肺炎相關謠言專項治理的公告》,繼續阻嚇、封殺有關嘅資訊轉發。另網傳網信辦嘅通知,指由1月26號開始,所有社交群組唔可以轉發任何冇官方證實嘅疫情資訊,網監部門可以提取到(俾網監部門發現)有呢啲發佈資訊嘅,造成「惡劣影響」嘅都會收押。[38]

1月26號,李克強主持召開中央應對新型冠狀病毒感染肺炎疫情工作領導小組第一次會議,會議指會優先保障湖北武漢防控急需嘅醫護力量同防護服、口罩等物資,確保居民生活必需品供應。仲會加強疫情監測,嚴格隔離確診患者,對疑似病例同密切接觸者會按醫學要求隔離同檢查。同時提前準備埋農曆新年假期後疫情防控,包括咗延長農曆新年假期、延後學校開學時間、支持網上辦公等,減少公眾流動。[39]。同日民政部發出通知,要求社會募集嘅防疫款物統一由湖北省紅十字會等五家官辦機構接收。

1月27號,國務院總理、應對肺炎疫情工作領導小組組長李克強親自前往湖北省武漢市,考察指導新型冠狀病毒肺炎嘅防控工作[40][41]。1月28號,最高人民法院嘅官方微博度發文,題係「怎樣看待《武漢處理8名發佈不實資訊者》 最高法發文」,指「應該理解法律對個體的適度寬容態度…事實證明,儘管新型肺炎並不是SARS,但是資訊發佈者發佈的內容,並非完全捏造」,相惜同最初嘅8名訊息發佈人正名。[42] 根據中央嘅官職調動,喺2月13號原上海市長應勇日接任中共湖北省委書記,而濟南市委書記王忠林都喺同日接任武漢市委書記,到2月16號湖北同武漢嘅中共紀委兼監察委,就集中出咗問責多個下級官員嘅公告。[43]


各地反應[編輯]

由於湖北嘅醫護受疫情衝擊好大,大陸當局部署咗其他19省市嘅醫護資源,對接補充去湖北各地。具體對接係     天津-恩施     河北-神農架     山東、湖南-黃岡      山西-仙桃、天門、潛江     雲南-咸寧     遼寧、寧夏-襄陽      重慶、黑龍江-孝感     廣西-十堰     江蘇-黃石      貴州-鄂州     福建-宜昌     江西-隨州      内蒙古、浙江-荊門     廣東、海南-荊州

湖北境內[編輯]

疫點畀指係武漢漢口嘅華南海鮮市場,首個報告病例係喺2019年12月8號,但武漢當局開初未有大範圍實施防疫應對,當地官員堅持認為「可防可控」。到咗2020年元旦陣,武漢警方仲傳喚咗喺社交媒體度發放有關病毒資訊嘅8個網民,話佢哋散佈「謠言」。後面證實佢哋均係前線醫護人員,其中一位李姓醫生都喺接診陣受到傳染,病情一度惡化入埋ICU,佢嘅多個醫護同事兼屋企人感染埋。[44]社交媒體度對迴響稱呢8位係「八勇士」,並向佢哋致敬,亦促請當局向8人道歉同賠償,亦認為武漢警方應受處罰。[42]而由武漢首個報告病例,至2020年1月17號疫情一路發展,日本、泰國均報告咗確診病例,武漢以外地方(未含港澳)未再有報告確診病例(1月11號深圳公佈一疑似病例)。由於正值春運,引起民眾憂慮,網上亦有討論,質疑當局管制資訊發放[45][46][47]

1月14號港媒跟著考察武漢嘅香港專家足跡,期間多個香港記者一齊朝早到武漢金銀潭醫院採訪陣,齊齊畀當地啲差人帶走扣查,畀要求刪除喺醫院範圍影咗嘅片,仲要求記者交嗮啲手提電話同攝影器材畀差人檢查,又記低埋記者證。扣查咗一個幾鐘先至放咗出嚟[48][49]

到1月18號(官方宣告疫情嚴峻性前兩日)武漢仲舉辦埋有超過四萬個家庭參加嘅萬家宴,以申報健力士世界紀錄。到咗1月20號公佈消息當日,當局仲話會喺農曆新年假期期間,向民眾發放20萬張節日活動嘅免費飛[50]。武漢同濟醫院喺發熱門診支援嘅陸姓醫生,未有過華南海鮮市場同野生動物等相關接觸史,1月5號開始出現疑似染病症狀,經診斷喺1月10號下晝始以新病毒染病收治,轉入金銀潭醫院治理。而陸醫生發病前後,武漢市衛健委一路係強調冇醫務人員染病。1月11號嘅武漢衛健委通報,亦話未發現明確嘅人傳人證據,而醫護人員染病經已係可證實人傳人嘅證據[51]

據記者獲得嘅黃岡市蘄春縣縣長1月20號嘅全縣病毒性肺炎防控大會講話稿件,截至1月19號,黃岡市病毒性肺炎病例已達到109例,其中蘄春縣就有11例住院患者。隨著疫情發展越趨緊張,湖北各地均不同程度出現咗醫用口罩、防護服、測溫儀等防疫物資短缺。

1月23號武漢宣布封城,湖北境內啲主要城市陸續跟著封埋。由封城開始到2月1號呢段時間度,武漢啲社區(居委會等)對確診病患、疑似病患嘅救助係極有限嘅。一方面上級政府部門未有即時嘅實質協助,社區度亦冇醫院資源,社區居委只能登記有病症嘅人,再向街道辦事處彙報,而街道辦事處都好少回饋資訊。喺武漢嘅長豐街正康社區,有居民因為冇法得到收治,絕望下就喺自己屋企度吊頸而死。[43]到後尾中央部署外省市啲醫護補員同資源調人,兼換馬咗湖北、武漢嘅一啲黨委官員,開始加強咗對確診病患嘅收治處理,「應收盡收」成咗官方嘅總攻目標。由2月9號開始,上級柯打加碼下街道辦事處度,就不停催社區居委層去安排啲確診病患入院收治,而唔係病患去搵基層官員求助。[52]

廣東[編輯]

睇埋:武漢肺炎廣東疫情

2020年1月11號上晝,深圳市南山區蛇口人民醫院收治一41歲係當地國際學校老師嘅印度籍女性重症肺炎患者,入院前1周經已有病症[53],深圳市衛健委宣稱並唔係武漢肺炎[54][55]。 到咗1月19號,深圳一66歲男性患者個案先至畀國家衛健委確認係廣東首例肺炎確診病例。深圳衛健委同時通報話,確認當地仲有另8例觀察病例[56]

到1月20號晚8點,廣東衛健委會公佈,全粵確認咗13例(包括咗深圳8例、珠海3例、湛江、惠州各1例),累計14例肺炎個案[57]

1月21號下晝,廣東省人民政府喺新聞發佈會度,公佈咗七大防肺炎疫情擴散蔓延嘅舉措,同時公佈全粵30間定點收治醫院名錄[58]。廣州地鐵亦宣佈由1月22號開始,各車站(含有軌電車)會實施入站乘客體溫測量,同時會加強通風、消毒等[59]。1月23號晚黑廣東疫情防控工作領導小組決定,啟動廣東省重大突發公共衛生事件一級回應[60]

1月26號廣東當局再發出防疫通告1號文,公告即日起任何人士喺境內公共場所必須戴口罩,否則可依據治安法例,俾公安部門收押同處罰。[61] 同日廣州亦發出1號防疫通告,要求1月11號(含當日)後由湖北入廣州人士,應主動向逗留嘅社區、機構或酒店等申報,自行檢測體溫,抵埠起14日內自我隔離觀察,避免外出。[62] 有部分市民因未有戴口罩進入公共場地,而俾公安控制同帶走:其中廣州有搭巴士嘅市民因未戴口罩,喺司機報案後未有遵從公安指示,俾噴射辣椒水後拖出巴士同帶走;深圳一進入商場嘅未戴口罩女性,就俾公安閘喺地用繩綁起帶走。[63]

1月29號,廣東政府召開咗討論省嘅疫情社區防控工作視像會議,決定咗開展三項大排查,分別針對廣東確診病例嘅所有密切接觸者、重點疫情地區到粵人士、廣東發熱門診嘅「重點人群」。[64]2月4號,廣東住房和城鄉建設廳就印發咗文件,公佈要求對物業管理區域實施埋「封閉管理」,限制非住戶同外來車嘅出入,仲要關閉埋社區會所、老人活動室等設施。[65]廣東省公安廳出入境管理局同日宣布,為咗配合國家移民管理局暫停港澳遊嘅措施,全粵係由2月3號開始暫停赴港澳簽注申請等簽發業務,自助同網上服務亦同步暫停。[66]

廣東疾控中心喺2月3號公佈,同埋通知咗星夢郵輪,喺1月19至24號由廣州南沙去越南嘅世界夢號航線度,有3名大陸旅客確診咗有新型肺炎[67],接受咗隔離治療[68]。疾控中心呼籲所有同過船嘅乘客同職員等,要第一時間聯繫返所居住城市嘅疾控中心報備,兼配合疾控檢疫等。星夢郵輪話公司經已向廣州嘅文廣旅遊局,提交咗呢個航次嘅所有旅客同職員嘅資料。世界夢號喺2月5號停泊到香港啟德郵輪碼頭,接受檢疫隔離等處理。

2月6號肇慶確診咗一位55歲嘅重症男患者,佢係由2月2號開始有發燒、輕微氣喘等病症。患者喺確診當日過身,係廣東首個死亡個案。死者係封開江口鎮人氏,在身陣喺鎮度開士多,仲有經營麻雀枱,平日喺本地活動,未有過外遊紀錄:1月24號晚去過封開縣廣信嘉園嘅朋友屋企聚餐,1月28號晚又去過封開縣唐八叔清補羊火鍋店聚餐。[69]

中共廣州紀律檢查兼監察委員會喺2月11號公佈,查處咗廣州疾控中心嘅一個陳姓副主任醫師,佢涉嫌喺1月尾開始私下賣口罩牟利,由兩委駐市衛健委嘅紀檢監察組,降低咗佢嘅技術崗位等級,仲收繳埋佢啲私賣所得物。[70]

徵用私產[編輯]

2月11號朝頭早廣東人大常委會召開咗緊急會,即時審議發出咗決定公告,授權縣級以上嘅政府有權「規定臨時性應急行政管理措施」。廣州同深圳嘅人大常委會即時跟進,出埋咗本級嘅決定公告,列明咗各自嘅市同區級政府,有權徵用私人嘅物業同財物等做「應急防疫應變」,兼且有權調配相應嘅應急物資、日用生活品嘅生產同供應。呢個係改革開放以嚟,亦係2007年物權法制訂咗之後,首次有明文嘅授權咗政府有緊急權力去徵用私人財產。[71][72][73]

廣西[編輯]

2020年1月21號廣西衛健委通報,北海市確認一武漢遊客有發熱等症狀,收治隔離咗,病情穩定[74][75],晚黑再確認梧州市有1例疑似病例報告,患者有接觸過武漢來訪人士,跟著就有發熱嘅症狀[76]。1月22號確認兩例均係確診病例[77]。至24號凌晨消息,已有確診病例13例,其中北海6例,柳州、桂林各2例,梧州、百色、河池各1例,同時113個密切接觸者接受緊醫學觀察[78]

截至1月30號,廣西已喺多個高速出入口同高速服務區、客運站、客運碼頭設置咗衛生檢疫站,公共交通領域度全面推行咗清潔消毒,開通高速路應急防疫物資嘅綠色通道等。1月31號,廣西交通運輸廳印發咗交通運輸保障方面嘅通告,要求確保應急救援人員同防疫物資及時運達,明確咗地方入邊各個交通設卡、攔截、斷路等封鎖交通陣嘅一啲安排,提到需要對醫護同老幼病殘孕等群體嘅出行保障。[79]

廣西嘅防控施行似喺南寧度,將打擊「傳銷人員非法聚集」當作重點工作之一,其中2月4號興甯區嘅腰塘差所派警員,到轄區嘅澳華花園度掃蕩咗外江人士合租嘅單位,按照要求將啲租戶隔離咗同醫學觀察,而興甯區打擊傳銷辦公室將啲租戶同單位列入咗重點涉傳關注對象。當局通報截至2月5號,廣西度有18單確診病例,新增144單疑似病例例,除咗崇左市累計有13個市報告168單確診病例。[80]

2月11號據中共南寧紀律檢查兼監察委員會網頁發出嘅公告,喺2月5號,南寧嘅衛健委藍姓辦公室主任透過微信群組,私下(繞過咗政府管控)向家族群組同鄉里群組,漏咗啲所掌握到嘅疫情防控資訊,喺當地嘅社交網路度迅速流傳,引起咗一定嘅影響。南寧兩委喺2月10號決定咗,撤銷呢個衛生官嘅中共黨內職務兼且撤埋官職。[81][82]

海南[編輯]

2020年1月21號報告一例疑似病例,患者1月14號由武漢抵埠,收治據報病情穩定[83]。1月22號確認咗海南共有4例輸入病例,4例患者體溫均恢復咗正常,仍然隔離治理噉,追踪密切接觸者未有報告發熱等症狀[84]

香港[編輯]

睇埋:武漢肺炎香港疫情
衞生署衞生防護中心因應嚴重新型傳染性病原體呼吸系統病而接獲嘅加強監測個案報告統計
香港港鐵動感號列車顯示屏幕度顯示咗公眾衛生建議。
1月31號,新工會「醫管局員工陣線」公布因政府未回應到要求全面封關等訴求,發起咗罷工行動,有近6700人簽署宣言(統計時間未知)參與罷工,護士佔咗7成,醫生就佔8個巴仙。
2月3號早上,多個工會去到醫管局大樓請願,有幾百名醫護同市民喺度聲援。

2019年12月31號,香港食物及衞生局局長陳肇始經已召集咗醫療專家同醫院管理局高層開會,陳會後話,啲專家評估過武漢肺炎群組,認為情況唔尋常,加上香港同武漢交通頻繁,需提高警覺[85]。同日,一名到過武漢嘅香港女子因有咗相關嘅病症,到屯門醫院就醫。經檢測,患者初步對禽流感同SARS測試結果都呈陰性[86]。香港大學微生物學系講座教授袁國勇相信,武漢正爆發病毒感染,呼籲香港市民提高警覺[87]

2020年1月2號上晝,香港將軍澳醫院接收報稱嘅一名女病患,但未話有冇去過華南海鮮市場,經初步診斷病患未有發燒[88]

1月3號晏晝,公立醫院再接受多兩名去過武漢嘅女病人,有相關嘅肺炎徵狀,轉送瑪嘉烈醫院接受咗隔離治療[89]。同日,特首林鄭月娥同食物及衞生局局長,到咗高鐵西九龍站,視察因應武漢疫情所採取嘅出入境口岸防控措施[90]。1月4號,港特區政府宣佈「對公共衞生有重要性的新型傳染病準備及應變計劃」,同時啟動咗嚴重應變級別[91]。同日,政務司司長張建宗表示當局「冇掉以輕心」,但未需要減少香港來往武漢嘅高鐵同航班班次[92]

截至1月12號,醫管局表示,公立醫院自2019年12月31號起,共向衞生署呈報咗67宗相關病人個案,醫院已將病人樣本送交化驗,據計51人經已出院,所有仍留院病人情況穩定[93]

1月13號,食物及衞生局副局長徐德義率香港政府代表團到武漢了解肺炎疫情同埋處理情況,14號返港。截至13號中午,共接獲68宗懷疑個案[94]

1月20號,特區政府同專家召開緊急會議後,決定擴大監測懷疑個案,要求去過湖北而有咗發燒同急性呼吸道感染或肺炎,都必須呈報衞生防護中心。兼决定咗第二日(1月21號)起由武漢抵港嘅飛機航班,乘客入境陣必須填寫健康申報表;但係唔包括由武漢抵港嘅高鐵乘客[95]。截至1月21號,呈報累計懷疑個案增至118宗,其中一名確定測試呈陰性嘅病患因自身其他疾病過世[96]

1月22號,港鐵透露1月21號晚9點半,接獲咗西九龍站衛生署港口衛生處嘅通知,指有名由深圳搭高鐵抵埠嘅內地男乘客,被發現有發燒徵狀,兼報稱去過武漢,其後被送往醫院作進一步檢測[97]。跟著香港確認咗出現首宗武漢肺炎感染嘅高度懷疑個案[98],患者喺伊利沙伯醫院隔離治療。而陪同患者一起入境嘅屋企人,入住過尖沙咀嘅皇悦酒店一晚後,就搭飛機去咗菲律賓馬尼拉,相關部門通報咗菲律賓當局[99][100]。另有消息指,再有一名患者高度懷疑確診武漢肺炎,將由威爾斯親王醫院送往瑪嘉烈醫院隔離治療[101]

1月23號1點,香港確認第二宗高度懷疑個案,患者係56歲男性香港本地居民,有去過武漢,1月18號起開始發燒,去過威爾斯親王醫院急症室求醫但未入院,21號再覆診發燒徴狀持續,院方安排病人入院接受隔離治療。23號轉往瑪嘉烈醫院接受隔離治療,患者嘅呼吸道樣本初步檢驗對新型冠狀病毒呈陽性反應[102]。香港衛生署數據則顯示,截至1月22號中午,香港共報告135宗符合標準嘅懷疑個案,其中97宗排除咗新型病毒感染兼出咗院,剩低咗38宗個案仍留院,包括確認嘅兩個個案[103]。 而兩宗個案嘅三名密切接觸者亦準備喺同日送去麥理浩夫人度假村隔離同醫學觀察,衞生防護中心亦決定即時擴大新型冠狀病毒懷疑個案嘅呈報準則,考慮咁擴大健康申報安排到高鐵[104]。港鐵宣布即時停售來往武漢嘅高鐵車飛[105]

1月29號起,所有學校停課,政府豁下康樂、文化同體育設施停開,郵局停開,各區民政事務署停開,但大部份商舖同食肆照常營業。市民因欠缺口罩而引發搶購潮。而香港嘅公立醫療系統,擔憂醫護運作會冇法維持防疫負荷而崩潰,同社會各界等一路要求特區政府封關,以減低跨境傳播風險[106]。開初政府就仲保留大部分繁忙口岸開放[107],1月28號,東區醫院深切治療部有15個護士就集體請病假,表達「全面封關」嘅訴求[108]。1月30號凌晨政府先再關閉高鐵西九龍站沙頭角文錦渡等6個口岸。[109]

不過仲係拒絕「全面封關」,公立系統醫護為咗逼使政府封關,由工會「醫管局員工陣線」宣布開始罷工。1月31號凌晨普通科醫生發起埋聯署,醫療體系度至2月1號下晝有大概五分一嘅普通科醫生參與咗。[110] 到2月1號,醫管局員工陣線舉行會員大會,以近3千票贊成大比數,通過罷工計劃案。截至2月1號晚八點有成9千個簽署,承諾參與罷工。[111]由於特首未有會面工會,工會就宣布談判破裂,正式喺2月3號開始一連五日嘅罷工,首日係由非緊急嘅服務人員去參與先。[112]2月2號仲有多個專業界別人士發起公開聯署信,支持醫護罷工同全面封關[113]。到2月3號政府先至宣佈,由2月4號凌晨零時開始,關閉剩低嘅多個口岸,但未關閉香港機場、深圳灣口岸同港珠澳大橋口岸,[114] 又話關閉嘅做法同醫管局啲醫護罷工冇關係。[115] 而2月4號香港一39歲本身有長期糖尿病患嘅男患者,因病情突然轉差而死亡,成為咗首個死亡個案。[116]

2月5號累積個案達到21宗,特首承認疫情有惡化,可能仲有社區傳播,宣布由2月8號凌晨開始,由大陸入境嘅人,都要強制接受檢疫14日。[117]同日星夢郵輪旗下、2月3號陣畀廣東疾控中心通報有旅客確診有新型肺炎[67]世界夢號,停泊到香港啟德郵輪碼頭,開始接受檢疫隔離等處理。衛生署嘅衛生防護中心傳染病處主任披露,自有旅客確診咗肺炎,有大概5000人左近經香港上落世界夢號,除臺灣航次之外,仲牽涉3個航次。其中有206人同過確診者喺同航次度,仲早喺1月24號由香港度上咗岸,呼籲呢批乘客快趣啲聯絡返衛生防護中心。[118]

澳門[編輯]

澳門衛生局喺2020年元旦開始,喺澳門國際機場就要求嚟自武漢嘅航班乘客,都要進行體温篩查[119]。喺1月5號就提升埋肺炎預警級別至第3級,中度風險。同日成立咗「應對不明原因肺炎跨部門工作小組」[120]。1月10號開始,澳門居民擔憂疫情而開始掃貨口罩,部分藥舖嘅口罩賣晒,澳門日報根據衛生局嘅資料話當時市面口罩存貨仲夠[121]。至21號,澳門共接獲醫療機構通報16例發病前14日到訪過武漢、而又有發熱同呼吸道症狀嘅病例,而全部排除咗武漢肺炎嘅可能性[122]

1月21號,行政長官賀一誠批示設立24小時運作嘅「新型冠狀病毒感染應變協調中心」,取代「應對不明原因肺炎跨部門工作小組」,直屬行政長官運作,社會文化司司長擔任副主席[123]。喺22日朝早嘅記招度,社會文化司司長歐陽瑜宣佈喺澳門山頂醫院確診咗首宗病例,患者係1月19號由武漢搭高鐵到珠海嘅52歲女商人,當晚10點半左近由關閘入境,已有一啲咳嗽病症,喺21號傍晚去山頂醫院求醫前,有乘坐穿梭巴去過置地廣場嘅娛樂場,仲入住埋入邊嘅酒店。澳門消防局於宣佈當日朝早經去咗酒店住房度消毒,女商人原先同行嘅三人都隔離觀察咗[124]。另政府同日公佈咗兩宗疑似個案[125]

澳門各部門跟著採取一系列措施包括咗:所有出入境口岸(包括港珠澳大橋)實施健康申報[126]、行政公職局要求進入公共部門需進行探熱、通知所有娛樂場嘅僱員需要戴口罩、確保市面口罩供應充足、唔鼓勵澳門居民去武漢、暫停往返武漢同澳門嘅旅行團等[127]

首宗確診病例發布後下晝,衛生局宣佈:由23號傍晚開始,澳門居民可憑身份證,到指定嘅藥房度買每人最多10個嘅局方儲備口罩,10日後先至可以再買過;衛生局局長李展潤仲話澳門294間藥房中,有160間藥房經冇口罩,另8個口罩供應商得一個仲有15萬個存貨。[128]

1月23號澳門確診第二例病例[129]。呢個確診病例直接導致澳門旅遊局取消咗所有農曆新年慶祝活動,包括澳門農曆新年花車巡遊匯演[130]。同日賀一誠宣布,任何人有發燒癥狀嘅,都唔可以離開澳門[131],賀一誠仲話澳門訂購咗2000萬個口罩,供澳門居民以成本價購買[132]。到2月3號累計8宗確診個案,澳門交通事務局即日宣布,由當日中午12點開始,搭巴士嘅人都要戴口罩,唔係嘅話巴士司機有權拒絕上車。[133] 2月4號澳門再宣布由午夜開始,關閉轄內嘅41間娛樂場15日,包括咗賭場、戲院、酒吧、夜總會等。經濟財政司司長李偉農話,啲賭場嘅代表同澳門特首開會陣,應承咗會繼續出糧畀啲僱員,返唔到工嘅人都有糧出。[134]

臺灣[編輯]

行政院院長蘇貞昌指示咗衛生福利部持續落實邊境檢疫應變措施,加強入境旅客發燒篩檢,同埋強化相關防疫措施。衛生福利部疾病管制署(下稱疾管署)喺2020年1月2號開始,喺桃園、松山、高雄三個有武漢直航班機到達嘅機場,對入境班機會搞登機檢疫,檢疫員會將發現有病症嘅乘客帶去睇醫生[135]

1月12號,疾管署再派出兩名專家抵達武漢查訪,實地交流同瞭解防治嘅相關資訊,15號返去臺灣[136][137]。同日疾管署公告將「嚴重特殊傳染性肺炎」列入第五類法定傳染病[138]。1月16號疾管署宣布提升武漢市旅遊疫情建議至第二級警示,提醒臺灣民眾近期如前往武漢同鄰近區域,應做好個人防護措施[139]

1月21號,由武漢天河國際機場飛抵臺灣嘅一台籍女性商人,去花蓮旅遊陣有咗發燒症狀,隨團領隊送咗女商人去花蓮門諾醫院隔離區度檢查[140]。臺灣同日確診首位患者,亦係全球首例非中國大陸籍患者[141],呢名喺武漢工作過嘅55歲女性患者係20號晚黑桃園國際機場度嘅登機檢疫中發現嘅,隨即移送去咗醫院,原本係11號就開始有啲咳嗽、喉嚨痛等病症,冇接觸當地市場或禽鳥或食用野味。疾管署於同日傍晚6點嘅緊急記招度,宣布埋提升武漢市旅遊疫情建議至第三級警告,提醒如非必要應避免過去嗰度[142][143]。陸委會亦依指揮中心嘅決定,同步調升武漢嘅旅遊警示燈到「橙色」,建議民眾避免非必要去嗰度旅行[144]

1月22號交通部觀光局停埋旅行業出團至湖北嘅旅遊同埋接團。交通部部長林佳龍仲指示,23號至29號共10個武漢嚟臺灣嘅旅遊團都要協調取消埋[145]22日晚黑移民署話,為咗配合防疫政策,觀光局所提供嘅計劃1月尾嚟臺灣嘅武漢團遊客,都同佢哋辦理咗廢證,即日起暫停埋核發武漢旅遊團嘅入境許可[146]。據陸委會訊息,相繼封城嘅武漢同溫州,各有476同約百名臺商滯留,確切係包機返臺嘅人數未有定落嚟。[147] 蘇貞昌2月3號再次拍板,由2月6號開始限制臺灣口罩嘅放售,民眾要揸自己嘅健保咭,去健保特約藥局度買,當局同每個藥局,會每日配發200份成人口罩加50份小童口罩,偏鄉地就由當地衛生所代理。每張健保咭限買兩件,一個禮拜入邊唔可以再買多。[148]

北韓[編輯]

同東北黐著嘅北韓,喺1月22號宣布咗禁止外國遊客入境,仲封埋咗同中國、俄羅斯交際嘅邊境。1月28號北韓勞動黨機關報「勞動新聞」報導,北韓保健省派晒啲人員去咗各地,衛生防疫部門喺邊境、港口、機場等地都有展開嚴格嘅防疫工作,對出境、出差嘅人士做埋檢測,仲同疑似病例提前設置咗隔離設施。報導仲指,各地家庭醫生同啲有發燒、醫肺炎冇醫好嘅人做咁確診,藥品生產單位加緊生產咁抗病毒藥物。[149]北韓據話係嚴密監視著由1月13號後入境嘅人,同大陸接壤嘅平安北道、咸鏡北道同南浦等港口嘅防疫就好嚴格咁話,而北韓保健省局長宋仁範2月2號接受朝鮮中央電視台採訪陣話,北韓境內未有出現新肺炎嘅病例;而平安北道嘅1名官員就話,只要係接觸過出過差嘅人嘅,啲有過接觸嘅人包括埋屋企人,都要搵晒出嚟兼嚴格隔離,暗示北韓度經已有確診病例同人傳人嘅出現。[150]另有消息指北韓經已有累計7名嘅確診患者,最初嘅確診者,係兩個原先喺山東嘅北韓餐廳做工嘅北韓女性,同埋一個北韓駐青島領事館嘅職員嘅老婆,分別返到去北韓新義州同平壤接觸過其他人,而令到疫症擴散出去。因為疫情爆發咗而令北韓部隊嘅冬季訓練全面停止埋 [151]

美國[編輯]

美國衞生及公共服務部部長阿薩爾(Alex Azar)喺1月28號陣話,美國試過有兩次直接同一次間接提議,話會派遣科學家去中國大陸支援對抗疫情。美國同行評審醫學雜誌American Journal of Managed Care指,美國疾病管制同預防中心(CDC,以下均套用呢個縮寫)1月6號就首次提出咗派遣一支科學家隊伍去中國大陸幫手抗疫,但大陸當局就未有批准。1月27號阿薩爾同大陸嘅衛生部長打電話陣,亦提返呢個意願,不過都係俾拒絕咗。[152][153]

美國白宮喺1月29號宣佈,總統當勞侵成立咗特別工作組應對呢個疫情。同日安排由武漢撤離嘅第一批美國僑民,搭專機返到本土,將會喺加州河濱郡嘅一個舊空軍基地隔離觀察三日,同接受篩檢。美國CDC就喺1月30號公佈,美國出現咗第一宗本土感染肺炎嘅病例,呢陣時美國度累計有六單確診病例。CDC嘅呼吸道疾病暨免疫主任梅森尼爾(Nancy Messonnier)話美國專家會參加世衛組織(WHO)嘅專家團,希望早日去到中國大陸,聯手對抗疫情。[154]

日本[編輯]

睇埋:武漢肺炎日本疫情

神奈川縣一個有過武漢旅行史(未曾去過海鮮市場)嘅中國籍男子,喺1月3號開始發燒,1月6號去醫院睇醫生,1月10號入院治理,隨後康復咗喺1月15號出咗院。1月16號,日本嘅國立傳染病研究所測試咗呢個病患嘅樣本,確認咗有新肺炎病毒嘅存在。[155][156][157]1月24號,喺東京都嘅一間醫院確認第二個確診個案,呢個原住喺武漢嘅患者係1月19號經香港國際機場入境,1月22號睇醫生跟著入院。[158][159][160]。而日本外務省呢日開始對湖北發出傳染病第三級危險警示(勸告終止旅行)[161]日本政府亦同時決定埋,安排逗留武漢嘅日本僑民搭包機返本土。[162]。1月27號,首相安倍晉三喺國會眾議院預算委員會嘅會議度,話會將喺日本確診嘅新型肺炎感染,歸類做「指定傳染病」以預防疫病嘅傳播,呢個政策係畀當局可根據《傳染病醫學法》(《傳染病法》),可以強制病患入院。[163][164]28號嘅內閣會議度,政府再發出咗內閣令,進一步修訂傳染病法例,指定檢疫新肺炎病毒,會同厚生勞動省條例等檢疫規例,講明修訂後嘅適用變化。[165][166][167]WHO第二次開會(日本時間1月31)確認咗疫情係公共衛生緊急狀態後,眾議院預算委員會即時討論咗,決定將對應嘅政府法令同省(部長)令嘅生效執行日,由2月7號提前到2月1號。內閣搞掂咗公文嘅具體內容,亦喺同一日嘅特別公告度頒令咗。[168][169][170][171]

喺疫情爆發後,日本民間就積極咁同大陸疫區幫手抗疫,主動募集咗100萬個口罩支援,喺1月26號上晝由東京空運到咗成都。四川航空喺微博貼文,話成都雙流機場開通咗綠色通道,將啲捐贈嘅口罩由專車送咗去武漢。[172] 疫情擴大下,由日本各方向中國大陸送出嘅醫用口罩同防護服就接連不斷,一啲援助物資包裝度,仲有附埋用中文寫嘅比如「山川異域,風月同天」、「豈曰無衣,與子同裳」等打氣寄語。[173]日本一啲地方政府都主動咁,分別同各自喺大陸嘅友好城市發送咗支援嘅防疫物資。[174]日本外務省話,睇到中國大陸嘅疫情發展好快,日本政府就會同中國大陸提供啲援助,1月28號晚黑派出咗裝咗口罩、防護服等大量支援物資嘅專機,由東京羽田機場度出發飛去武漢,上邊仲搭載咗包括日本政府官員同醫療隊員等大概10人。呢個援助行動係由日本國際協力機構(JICA)全程推進嘅。[175] 日本唔少網友都話撐政府嘅決定,有網友仲話希望加運啲即食麵過去,減輕(武漢)當地食物短缺問題。有網友仲講起,日本爆發甲型流感陣,大陸都有支援物資過去,分發畀日本嘅醫療機構,所以係需要報答返去咁話。唔少留言仲同疫區打氣鼓勵。[176]

1月31號,日本國防部部長河野太郎根據政府總部對策,研究日本自衛隊對應嘅準備工作,話不可避免嘅收到咗都知事嘅救助請求,要幫助受疫情影響而返嚟嘅日本國民,會依照《自衛隊法》嘅災難派遣規定行動[177][178],將派出同國防部簽訂咗合約嘅白尾號輪渡,提供臨時收容,船隻即時就由兵庫縣相生港出發咗去東京灣。[179][180]日本外務省同日將中國大陸除湖北外地區,提高埋傳染病危險警示到第2級,要求避免非緊急需要嘅旅行。[181]

2月4號,鑽石公主號郵輪進入咗日本海域,而早喺1月25號,有喺香港落船嘅乘客畀驗出感染咗新型肺炎[182],船度後尾有20名乘客被診斷出有新型肺炎病毒 ,喺厚生勞動省指示下,郵輪同船上遊客要留喺橫濱港度隔離14日, [183][184] 大約有成3,700個未有症狀嘅船員同遊客。[185]隔離期間,人客可以唔戴口罩出入船上嘅酒吧,另外娛樂表演啲活動亦照常。[186] 截至2月7號,累計有61人確診新型冠狀病毒肺炎,當中有21個係日本人,全部確診嘅人分別送咗去日本5個都縣嘅醫院收治。[187]截至2月11號左近日本度經有161例確診嘅病例,其中鑽石公主號郵輪度佔咗135例。[188]

日本執政黨自民黨喺2月11號幹部會議後,幹事長二階俊博開記招陣話,因應中國大陸嘅疫情持續,自民黨所屬嘅國會議員每人將向中國大陸捐出五千日圓(約合318蚊人仔),以示友好。呢個係由每位國會議員嘅三月經費入邊先行扣除嘅,據統計預計會有198.5萬日圓嘅捐款。相關消息喺微信群組度熱傳,令唔少大陸網友感動,不過唔少日本網友並唔支持呢個決定,臺灣就有啲網友覺得呢個係有羞辱大陸嘅意思。[189][190]

集聚同社區爆發[編輯]

喺疫情期間,香港陸續報告有三組集聚感染,包括「打邊爐家族」、「打麻雀家族」;而喺葵青嘅長康邨康美樓,有唔同樓層嘅住戶相繼確診咗有感染新型肺炎[191][192],2月11號特區政府漏夜疏散咗啲住戶,分別送咗去北潭涌麥理浩夫人度假村、西貢保良局北潭涌度假營、鯉魚門度假村同埋翠雅山房隔離營,有病徵嘅住戶就送咗去醫院隔離同治理。[193][194] 房屋署助理署長(屋邨管理)陸慶全話懷疑係出事嘅單位嘅排氣喉有被改動過,係違反咗《建築物條例》,會要求啲住戶還原,亦會巡查其他嘅同類公屋。[195][196]

喺廣州番禺,有唔少港人居住嘅祈福新邨,截至2月8號有9人確診,其中繽紛匯3人、祈福名都5人、活力花園1人。祈福有超過20萬嘅住戶,大部分都唔係常住居民,防疫難度有啲大。區入邊就派出咗大型霧炮車同灑水車,去消毒、清潔街道。另祈福醫院度確診咗3個新病例,並安排咗107個密切接觸者集中進行咁醫學觀察。醫院宣布咗由2月10號開始,關閉發熱門診,服務全面暫停埋。[197][198]

而喺廣州河南琶洲保利天悅屋苑度,有一戶屋企係由湖北返嚟,未有申報旅遊記錄同疑似病症,同棟樓宇唔同樓層嘅兩個相同座向嘅單位住客,後邊先後確診咗(1月31號同2月9號)有新肺炎,社區人員同物管等上去排查,先至揭發咗呢戶屋企有隱瞞。而當差人過去陣,男戶主嘅老母一度走佬埋,兩日後先至搵到返嚟。海珠嘅公安分局開始咗對男戶主立案同偵查。廣州嘅疾控中心派員對成個大廈進行咗消毒,同時安排咗其他啲住戶接受咗測試,暫未見有新病例。到2月11號晚黑,啲住客被當局要求集中轉去隔離嘅江悅酒店度自己隔離,有人反應激動,認為「酒店隔離唔一定比留喺大樓更為安全」。據話成座樓有64個住戶話咗唔會自己去酒店度。至2月12號凌晨,當局安排咗多架旅遊巴去等著車啲住戶走。[199][200]

而喺廣西,亦報告有多個家族式聚集病例。其中南寧1月25號首例確診嘅患者,跟著就有六名親屬相繼確診(1月26號同2月3號),發現咗集聚病例嘅仲有柳州柳北區、欽州靈山縣、桂林、北海等地。[80]

參考[編輯]

  1. "柳葉刀披露首例新冠肺炎患者發病日期,較官方通報早7天". 27 January 2020. (原先內容喺30 January 2020歸檔). 喺30 January 2020搵到. 
  2. "2019 Novel Coronavirus (2019-nCoV) Situation Summary". US Centers for Disease Control and Prevention (CDC). 1 February 2020. 喺2 February 2020搵到. 
  3. 3.0 3.1 3.2 "Tracking coronavirus: Map, data and timeline". BNO News. 2 February 2020. 喺2 February 2020搵到. 
  4. "Confirmed 2019-nCoV Cases Globally". US Centers for Disease Control and Prevention (CDC). February 2020. 喺2 February 2020搵到. 
  5. 世衛:新型肺炎疫情列國際公共衛生緊急事件 言之尚早 RTHK 2020-01-24
  6. "湖北省内疫情扩散防疫物资短缺". 财新网. (原先內容喺2020-01-22歸檔). 喺2020-01-22搵到. 
  7. "市新型冠状病毒感染的肺炎疫情防控指挥部通告(第1号)". 武汉发布. 原先內容歸檔睇2020-01-22. 喺2020-01-23搵到. 
  8. "武汉公交地铁轮渡长途客运23日起停运". 人民网社会频道. 2019-01-23. 喺2020-01-23搵到. 
  9. 【武漢肺炎】接壤城市黃岡同「封城」 關閉離境通道戲院網吧停業 HK01 2020-01-23
  10. 武漢肺炎封城行動擴大 湖北黃岡與鄂州宣布鐵公路停運 中央通訊社(臺灣) 2020-01-23
  11. 武漢肺炎:黃岡、鄂州封城 三個城市實施「檢疫隔離」 BBC中文
  12. 【不斷更新】武漢封城!湖北共6市交通停運管制 黃岡實施「緊急蒙面法」 蘋果新聞網
  13. 13.0 13.1 武汉封城与极端政治 紐約時報中文 2020-1-31
  14. 14.0 14.1 中国各地设路障阻人员流动 湖北五百万人他乡陷困境 RFA 2020-01-27
  15. 武漢肺炎:中國第二大疫區溫州封城 RFI 2020-02-02
  16. 武漢肺炎》溫州疫情嚴峻引暴動?封城前影片流出 自由時報 2020-02-02
  17. 【武漢肺炎】疫情大爆發 南京、哈爾濱、鄭州等27市封城 上報 2020-02-05
  18. 再添一市!南京公告八條措施 進入「小區封閉式管理」 鉅亨網 編譯林薏禎 2020-02-04
  19. "南京、宁波等多地小区封闭管理!最狠这座城:每户5天只能1人外出采购1次". 中国基金报. 2020-02-05. 原先內容歸檔睇2020-02-05. 
  20. 许志永:垄断慈善罪大恶极 獨立中文筆會 2020-02-01
  21. 武漢紅會攔截捐贈物資 官員搶口罩 ntdtv 2020-01-27
  22. 武漢紅十字會遭爆攔截捐贈物資 還威脅要服務費 自由時報 2020-01-27
  23. "武汉市红十字会工作人员: "我们的职能就是收,我们没有权力去决定发"". 南方周末. 2020-02-01. 原先內容歸檔睇2020-02-01. 
  24. 为何红十字会屡遭信任危机? matters 夏冰雹
  25. "上海一架直升机将携一吨物资飞抵武汉协和医院". 中国青年网. 2020-02-01. 原先內容歸檔睇2020-02-01. 
  26. 【武汉疫情】经济或受冲击 中国高层直面敏感问题 多維新聞 2020-02-03
  27. 中国发布丨国务院:紧缺物资统一调度 优先保障武汉和湖北其他重点地区 2020-02-03 中国网
  28. 陳帆川:武漢肺炎突顯港府全面「大陸化」 明報 2020-01-30
  29. 武漢肺炎:武漢市長暗示疫情披露不及時中央有責任 BBC中文 2020-01-28
  30. "京城密語-疾控早上報-中央為保節日氣氛失良機". 明報. 2020-02-17. 原先內容歸檔睇2020-02-17. 喺2020-02-17搵到. 
  31. "中共中央政治局常务委员会召开会议 习近平主持". 新华网. 2020-01-07. 原先內容歸檔睇2020-01-29. 
  32. "习近平:在中央政治局常委会会议研究应对疫情工作时的讲话". 观察者网. 2020-02-15. 原先內容歸檔睇2020-02-15. 喺2020-02-15搵到. 
  33. 【武漢肺炎大爆發】《求是》:習近平1月7日政治局常委會就疫情防控提要求 新華社當天報道隻字未提疫情 眾新聞 2020-02-15
  34. "外交部:希望国际社会理性、冷静认识新型冠状病毒感染的肺炎疫情". 新华网. 原先內容歸檔睇2020-02-03. 
  35. "習近平對新型冠狀病毒感染的肺炎疫情作出重要指示". 央視網. 喺2020-01-20搵到. 
  36. "李克強召開國務院會議 要求有力有效遏制新型肺炎疫情". 香港電台. 喺2020-01-20搵到. 
  37. "中共中央政治局常務委員會召開會議 研究新型冠狀病毒感染的肺炎疫情防控工作 中共中央總書記習近平主持會議". 新華網. 2020-01-25. 喺2020-01-25搵到. 
  38. 最高法似为武汉8位“造谣者”正名 被指做秀 封口才是常态 希望之声 2020-01-30
  39. "李克強主持召開中央應對新型冠狀病毒感染肺炎疫情工作領導小組會議". 新華網. 2020-01-26. 喺2020-01-26搵到. 
  40. "李克強來到武漢". 中國政府網 (用中文寫). 2020-01-27. 喺2020-01-27搵到. 
  41. "【武漢肺炎】國務院總理李克強到達武漢 考察指導疫情防控工作". 香港01 (用中文寫). 2020-01-27. 喺2020-01-27搵到. 
  42. 42.0 42.1 内地高院为武汉肺炎「造谣者」平反 消息指8人均为前线医生 RFA 2020-01-30
  43. 43.0 43.1 武漢肺炎悲歌 居民因未獲通報治療自縊 中央通訊社 2020-02-16
  44. "新冠肺炎"吹哨人"李文亮:真相比平反更重要". 财新网. (原先內容喺2020-01-31歸檔). 喺2020-01-31搵到. 
  45. 中国 武漢の新型ウイルス肺炎でネット上に疑問の声. NHKニュース. 原先內容歸檔睇2020-01-21. 喺2020-01-21搵到. 
  46. 早苗, 浦上 (2020-01-18). 「新型肺炎は愛国ウイルス」中国ネットで拡散。「政府は真実教えて」投稿も. www.businessinsider.jp (用日文寫). 原先內容歸檔睇2020-01-19. 喺2020-01-21搵到. 
  47. "春節在即,中國會否再現"非典恐慌"?". w韓國東亞日報 (用中文寫). 2020-01-21. 
  48. "赴武漢醫院採訪肺炎疫情 無綫等港媒遭公安扣查 要求刪除攝錄片段 | 立場報道 | 立場新聞". 立場新聞 Stand News. 原先內容歸檔睇2020-01-15. 喺2020-01-17搵到. 
  49. "多名本港記者武漢採訪被帶到派出所". 信報財經新聞. 2020-01-14. 原先內容歸檔睇2020-01-14. 喺2020-01-14搵到. 
  50. 武汉致命病毒大爆发,中国却要批评者噤声 NY TIMES 中文 2020-01-23
  51. "独家 同济医生感染武汉肺炎去世系谣言 武汉医护人员感染料已超15人". 财新网. (原先內容喺2020-01-22歸檔). 喺2020-01-22搵到. 
  52. 萧辉 包志明 高昱 (2020-02-15). "特别报道 艰难的"清零"". 财新网. 原先內容歸檔睇2020-02-16. 
  53. "深圳政务短信平台区总值班室报告:11日... 来自深圳RAY - 微博". 2020-01-12. 原先內容歸檔睇2020-01-13. 喺2020-01-13搵到. 【深圳政务短信平台】区总值班室报告:11日15:30接公安报,招商街道蛇口医院收治一外籍病人。经卫健核实,患者MAHE SHWARI(女,41岁,印度籍)系深圳科爱赛国际学校老师,一周前出现间断性咳嗽和呼吸苦难,11日8:00,前往蛇口医院急诊科就诊,被诊断为重症肺炎(原因不明)一型呼吸衰竭,病情危重,已转南山医院救治。目前该女子密切接触者均未发现类似等症状。卫健局、公安、招商办正跟进处置,已协调南头办跟进。[南山区总值班室] 
  54. "深圳卫健委:南山区人民医院收治一例重症肺炎病例与武汉肺炎疫情没有关联". 深圳新闻网. 2020-01-12. 原先內容歸檔睇2020-01-12. 喺2020-01-12搵到. 
  55. "网传南山区人民医院收治一重症肺炎病例 南山疾控:与武汉肺炎疫情无关联". 深圳新闻网. 2020-01-12. 原先內容歸檔睇2020-01-13. 喺2020-01-12搵到. 
  56. 许雯 (2020-01-20). "深圳另有8例新型冠状病毒肺炎观察病例在隔离治疗". 新京报. 原先內容歸檔睇2020-01-20. 喺2020-01-20搵到. 
  57. "我省积极应对新型冠状病毒感染的肺炎疫情". 广东省卫生健康委员会. 2020-01-20. 原先內容歸檔睇2020-01-20. 喺2020-01-20搵到. 
  58. 李秀婷 朱晓枫 (2020-01-21). "广东新型冠状病毒感染肺炎省级定点救治医院名单". 南方网. 
  59. 裴剑飞 (2020-01-21). "广州地铁明起全线网启动体温检测". 新京报. 
  60. 廣東省啟動重大突發公共衛生事件一級回應 應對疫情 RTHK 2020-01-23
  61. "通 告". 粤防疫指办通〔2020〕1号 广东省卫生健康委员会. 2020-01-26. (原先內容喺2020-01-31歸檔). 
  62. "广州市防控新型冠状病毒感染的肺炎疫情工作指挥部通告 (第1号)". 广州市卫生健康委员会. 2020-01-26. (原先內容喺2020-01-31歸檔). 
  63. 武漢肺炎:廣州市民拒戴口罩乘車 被公安噴辣椒水,on.cc 東網 2020-01-31
  64. 广东率先启动三项大排查 2020-01-31 南方日报
  65. "广东最新通知!小区封闭管理,外卖员/快递员不能进". 南方都市报. 2020-02-05. (原先內容喺2020-02-05歸檔). 
  66. 武漢肺炎下公安廳停批港澳簽注 包括個人遊一周一行 東網 2020-02-05
  67. 67.0 67.1 "【武漢肺炎】上下船逾4000客 廣州出發「世界夢號」郵輪3人確診". 香港01. 2020-02-04. 喺2020-02-05搵到. 
  68. "世界夢號三內地人確診 三名船員發燒需隔離". 香港01. 2020-02-05. 喺2020-02-05搵到. 
  69. 武肺第二大省广东首例死亡个案确诊当天不久即不治 RFI 2020-02-07
  70. 广州疾控中心一副主任医师倒卖医用外科口罩 被处分 2020-02-12 中国新闻网
  71. 【武漢肺炎】廣深緊急立法 政府可徵用私人財產抗疫 am730 2020-02-11
  72. 廣東省緊急立法授權政府可徵用私人財產抗疫RTHK 2020-02-11
  73. 廣東緊急立法授權 廣州深圳可徵用私人財產抗疫 中央通訊社(臺灣) 2020-02-11
  74. "广西北海市发现1例疑似新型冠状病毒感染的肺炎病例". 中新网. 2020-01-21. 喺2020-01-21搵到. 
  75. "习近平对新型冠状病毒感染的肺炎疫情作出重要指示". 中国政府网. 原先內容歸檔睇2020-01-20. 
  76. "广西今日新增1例新型冠状病毒感染的肺炎疑似病例". 广西壮族自治区卫生健康委员会. 2020-01-21. 喺2020-01-21搵到. 
  77. "广西确诊2例新型冠状病毒感染的肺炎病例". 廣西壯族自治區衛生健康委員會. 2020-01-22. 喺2020-01-22搵到. 
  78. "广西新增新型冠状病毒感染的肺炎确诊病例8例". 廣西壯族自治區衛生健康委員會. 2020-01-23. 
  79. "进得去出得来"广西施行省际市际客运旅客实名登记 2020-02-01 广西新闻网
  80. 80.0 80.1 广西出现多例家族式聚集病例 南宁盯防传销人员非法聚集 2020-02-06 中国新闻网
  81. 南寧衛健委官員因發布不實疫情被撤黨內和政務職務 RTHK 2020-02-12
  82. 南宁卫健委办公室主任擅自散布不实疫情信息被撤职 2020-02-11 中国新闻网
  83. "海南一例疑似新型冠状病毒感染肺炎病例正待国家確認". 新京報. 2020-01-21. 喺2020-01-21搵到. 
  84. "海南確诊4例新型肺炎病例:患者均从武汉抵达海南_绿政公署_澎湃新闻". m.thepaper.cn. 喺2020-01-22搵到. 
  85. "武漢不明肺炎 袁國勇:與禽流感SARS有相似,必須提高警覺". 眾新聞 (用中文寫). 原先內容歸檔睇2020-01-02. 喺2020-01-02搵到. 
  86. "香港一女子疑似感染武漢肺炎被醫院隔離". 聯合早報 (用中文寫). 喺2020-01-02搵到. 
  87. "武漢27宗不明原因肺炎 本港衞生防護中心密切監察 - RTHK". news.rthk.hk (用中文寫). 原先內容歸檔睇2020-01-02. 喺2020-01-02搵到. 
  88. "【武漢肺炎】曾訪武漢女病人往將軍澳醫院求醫 消息:病人無發燒". 香港01 (用中文寫). 原先內容歸檔睇2020-01-02. 喺2020-01-02搵到. 
  89. "公立醫院接收多2名到訪武漢後發燒女病人". 香港電台. 2020-01-03. 原先內容歸檔睇2020-01-03. 喺2020-01-03搵到. 
  90. "林鄭月娥到高鐵西九龍站視察防控措施". Now新聞台. 2020-01-03. 原先內容歸檔睇2020-01-03. 喺2020-01-03搵到. 
  91. "政府公布對公共衞生有重要性的新型傳染病準備及應變計劃". 政府新聞處. 2020-01-04. 原先內容歸檔睇2020-01-04. 喺2020-01-04搵到. 
  92. "港府拒減往來武漢航班同高鐵". Apple Daily 蘋果日報. 2020-01-05. 
  93. "香港再增6宗武漢肺炎懷疑個案 至今累計67宗". 东网. 原先內容歸檔睇2020-01-14. 喺2020-01-14搵到. 
  94. "【武漢肺炎】食衞局副局長率團訪武漢 本港再新增一宗懷疑個案". 立場新聞. 2020-01-13. 原先內容歸檔睇2020-01-13. 喺2020-01-14搵到. 
  95. "曾到湖北省後出現感染徵狀患者須呈報衞生防護中心". Now新聞台. 2020-01-20. 喺2020-01-20搵到. 
  96. "【武漢肺炎】港增12懷疑個案累計118宗 一留醫病人因自身疾病離世". 明報新聞網. 
  97. "【武漢肺炎】港鐵:一內地乘客高鐵抵港時發燒 據悉曾到武漢". 香港01. 2020-01-22. 喺2020-01-22搵到. 
  98. "陳漢儀稱高度懷疑個案是否確診明日有結果 - RTHK". news.rthk.hk (用中文寫). 
  99. "高度懷疑感染個案家人昨入住尖沙咀皇悦酒店". 香港電台. 2020-01-22. 
  100. "【武漢肺炎】香港確診患者同行家人入住尖沙咀酒店一晚 已飛大馬". 香港01. 2020-01-22. 
  101. "香港現兩宗高度懷疑武漢肺炎個案 內地男搭高鐵抵西九". 东网. 
  102. "衛生防護中心調查第二宗輸入新型冠狀病毒感染高度懷疑個案". 香港政府新聞網. 
  103. "嚴重新型傳染性病原體呼吸系統病的最新情況" (PDF). 香港衛生署. 
  104. "本港疑似個案三名密切接觸者安排到隔離營". NOW新聞. 
  105. "港鐵即時停售來往武漢高鐵車票". NOW新聞. 
  106. "中大醫學院促政府擴大限制入境範圍至湖北省以外地區". 香港電台. 2020-01-28. 原先內容歸檔睇2020-01-28. 喺2020-01-28搵到. 
  107. 引用錯誤 無效嘅<ref>標籤; 無文字提供於名為mp200128-efbc89嘅參照
  108. "【武漢肺炎】15護士請病假促全面「封關」 東區醫院:已調配人手維持服務". 明報. 2020-01-28. 原先內容歸檔睇2020-01-29. 喺2020-01-29搵到. 
  109. "【武漢肺炎】「局部封關」後訪港內地人跌29.6% 遜政府預期". 明報. 2020-01-31. 原先內容歸檔睇2020-01-31. 喺2020-01-31搵到. 
  110. "【武漢肺炎】普通科醫護界382人實名聯署 促政府馬上全面封關". 蘋果日報. 2020-02-01. 
  111. "【武漢肺炎】醫管局員工陣線表決通過罷工 醫管局:盡量調配人手按需要調整服務". 明報. 01-02-2020. 喺03-02-2020搵到.  檢查日期值喺: |access-date=, |date= (詳情)
  112. "醫管局員工陣線宣布談判破裂 明發動首階段罷工". 立場新聞. 02-02-2020. 喺2020-02-03搵到.  檢查日期值喺: |date= (詳情)
  113. [專業組織人士聯署-港府管治失效%E1%85%A0要求尊重專業-全面封關/ "專業組織人士聯署:港府管治失效ㅤ要求尊重專業、全面封關"] 檢查|url=值 (詳情). 立場新聞. 2020-02-02. 
  114. "林鄭明起僅停羅湖皇崗等口岸 仍拒封機場深圳灣港珠澳橋". 蘋果日報. 2020-02-03. 喺2020-02-03搵到. 
  115. "【最新】林鄭:口岸關閉與醫管局員工罷工完全無關 以極端手法威迫政府不會得逞". Now 新聞. 2020-02-03. 喺2020-02-03搵到. 
  116. "消息:39歲新型冠狀病毒肺炎患者死亡". 香港電台 (用中文寫). 2020-02-04. 原先內容歸檔睇2020-02-04. 
  117. 2月8日凌晨開始内地入境者需強制接受檢疫14日 RTHK 2020-02-05
  118. 世界夢號載確診者後5000人在港下船 206同船客高危 船方稱衛署昨午方索電話追蹤 明報 2020-02-07
  119. "今天起對來自武漢航班乘客進行體温篩查 衛生局與國家衛生健康委員保持密切聯繫". 澳門衛生局 (用中文寫). 原先內容歸檔睇2020-01-02. 喺2020-01-02搵到. 
  120. "特區政府提昇對"武漢不明原因肺炎"的預警級別至第III級(較重) 衛生局呼籲市民提高防範意識". 澳門衛生局. 2020-01-05. 原先內容歸檔睇2020-01-11. 喺2020-01-11搵到. 
  121. "口罩充足毋恐慌 應對肺炎及早防". 澳门日报. 2020-01-10. 
  122. "本澳未有武漢新型冠狀病毒肺炎個案". 新型冠狀病毒感染應變協調中心. 2020-01-16. 
  123. "特區政府提昇對"武漢不明原因肺炎"的預警級別至第III級(較重) 衛生局呼籲市民提高防範意識". 澳門衛生局. 2020-01-21. 原先內容歸檔睇2020-01-21. 喺2020-01-11搵到. 
  124. "政府全力應對加強防控疫情". 新型冠狀病毒感染應變協調中心. 2020-01-22. 
  125. "六旬漢經珠海入境現武漢肺炎徵狀 與4友人被送院隔離". 东网. 2020-01-22. 
  126. "【武漢肺炎】澳門所有口岸實施健康申報 乘金巴入境須填表". 星島日報. 2020-01-22. 喺2020-01-23搵到. 
  127. 新型冠狀病毒感染應變協調中心 (2020-01-22). "政府全力應對加強防控疫情". 澳門特別行政區政府入口網站 (用中文寫). 喺2020-01-23搵到. 
  128. "衛生局將推出保障口罩供應澳門居民計劃 確保居民可購買到所需口罩". 新型冠狀病毒感染應變協調中心. 2020-01-22. 
  129. "澳门确诊第2例新型肺炎病例". 凤凰网. 2020-01-23. 
  130. "旅遊局宣布取消所有農曆新年慶祝活動". 澳廣視. 2020-01-23. 
  131. "澳門特首賀一誠宣布 任何人有發燒癥狀不得離境". 
  132. "【武漢肺炎】澳門賀一誠:珠海出入境要測體溫 已訂二千萬口罩". 香港01. 2020-01-23. 
  133. 【武漢肺炎】澳門今午起所有人必須佩戴口罩才可乘搭巴士 HK01
  134. 澳門41間娛樂場所凌晨起關閉15日 博企向員工支薪 RTHK 2020-02-04
  135. "防肺炎疫情 疾管署:登機檢驗一人輕微發燒". 中央社 (用中文寫). 2020-01-02. 原先內容歸檔睇2020-01-02. 喺2020-01-02搵到. 
  136. "2019新型冠狀病毒 台灣專家抵武漢查訪疫情". 中央社. 原先內容歸檔睇2020-01-14. 喺2020-01-14搵到. 
  137. "陸證實 台灣疫情專家已到武漢實地考察 下午返台". 聯合新聞網. 喺2020-01-15搵到. 
  138. "嚴重特殊傳染性肺炎". 衛生福利部疾病管制署. 
  139. 陳偉婷 (2020-01-17). "武漢肺炎感染源未釐清 疾管署提升旅遊警示". 中央社 (用中文寫). 原先內容歸檔睇2020-01-16. 喺2020-01-18搵到. 
  140. "LIVE/花蓮、新竹接連爆「疑似武漢肺炎病例」!疾管署下午2點說明" (用中文寫). 2020-01-21. 喺2020-01-21搵到. 
  141. "肺台商返台確診武漢肺炎 全球首例非中國籍病患". 中央社 (用中文寫). 2020-01-21. 喺2020-01-21搵到. 
  142. "我國藉由登機檢疫即時發現首例中國大陸武漢移入之嚴重特殊傳染性肺炎個案,指揮中心提升中國大陸武漢之旅遊疫情建議至第三級警告(Warning)" (用中文寫). 2020-01-21. 原先內容歸檔睇2020-01-21. 喺2020-01-21搵到. 
  143. 趙于婷. "女台商背景曝!「發燒9天」沒就醫...回台確診武漢肺炎 成全球首例非陸籍感染 | ETtoday健康雲". ETtoday新聞雲 (用中文寫). 原先內容歸檔睇2020-01-21. 喺2020-01-21搵到. 
  144. "肺炎疫情蔓延 陆委会提升武汉为橙色旅游警示区". 中央社 (用中文寫). 2020-01-21. 喺2020-01-21搵到. 
  145. "因應武漢肺炎 觀光局發函即日起停止出團湖北". 中央社. 喺2020-01-22搵到. 
  146. "移民署:即日起停發武漢團入境許可". 中央社. 喺2020-01-22搵到. 
  147. 溫州昨也封城 陸委會:滯留台商約百人 中時電子報 2020-02-03
  148. 快訊/買口罩2/6起實名制!每人「7天限購2片」 ETtoday新聞雲 2020-02-03
  149. 拒絕外國旅客入境還不夠 北韓嚴防武漢肺炎疫情傳入 中央社 + 追蹤 2020-01-28
  150. 武漢肺炎》官員說溜嘴? 北韓境內恐已有確診病例 自由時報 2020-02-03
  151. [단독] 북한에서 우한폐렴 확진자 7명 발생! 북한군 동계기동훈련도 전면 중단!!! (用韓文寫). 2020-02-05. 喺2020-02-05搵到. 
  152. 英媒:中國曾三度拒絕 美國援助應對新型冠狀病毒疫情 2020-01-29 香港經濟日報
  153. 美派疾病防疫專家協助 中國三度拒絕 華視 2020-01-29
  154. 美国现首个本土传染病例 美国抗疫与中国有何不同? RFA 2020-01-30
  155. 日本放送協会(NHK NEWS WEB) (2020年1月16日). "中国 武漢の肺炎 国内で初確認 武漢に渡航した男性から 厚労省". NHKニュース. 喺2020-01-16搵到.  檢查日期值喺: |date= (詳情)
  156. 聯合新聞網 (2020-01-16). "日本出現武漢肺炎首例!患者為中國籍曾前往湖北". 聯合新聞網 (用中文寫). 喺2020-01-16搵到. 
  157. 日本放送協会(NHK NEWS WEB) (2020年1月17日). "新型ウイルス肺炎 感染の男性 武漢の父親から感染した可能性". NHKニュース. 喺2020-01-18搵到.  檢查日期值喺: |date= (詳情)
  158. "新型コロナウイルスに関連した肺炎の患者の発生について". 厚生労働省 (用日文寫). 令和2年1月24日. 喺2020-01-24搵到.  檢查日期值喺: |date= (詳情)
  159. 日本放送協会(NHK NEWS WEB) (2020/01/24). "新型ウイルス肺炎 日本で2人目 武漢から観光で東京訪問の男性". NHKニュース. 喺2020-01-24搵到.  檢查日期值喺: |date= (詳情)
  160. "本港多兩宗新型肺炎懷疑個案初步呈陽性反應 - RTHK". news.rthk.hk (用中文寫). 2020/01/24. 喺2020-01-24搵到.  檢查日期值喺: |date= (詳情)
  161. 日本放送協会(NHK NEWS WEB) (2020年1月24日). "武漢含む湖北省全体への渡航中止 外務省が勧告 新型肺炎で". 喺2020-01-24搵到.  檢查日期值喺: |date= (詳情)
  162. 日本放送協会(NHK NEWS WEB). "新型肺炎 現地の日本人 希望者全員帰国させる方針 首相". NHKニュース. 喺2020-01-26搵到. 
  163. 日本放送協会(NHK NEWS WEB). "新型肺炎「指定感染症」に 国内感染確認の場合 強制措置可能に". NHKニュース. 喺2020-01-27搵到. 
  164. 《補正予算案の実質的審議》【国会中継】衆議院 予算委員会 ~令和2年 1月27日~ - ニコニコ生放送アーカイブ
  165. 日本放送協会(NHK NEWS WEB) (2020-1-28). "新型肺炎を「指定感染症」に 閣議決定". NHKニュース. (原先內容喺2020-1-28歸檔). 喺2020-1-28搵到.  檢查日期值喺: |access-date=, |date=, |archive-date= (詳情)
  166. 「新型コロナウイルス感染症を指定感染症として定める等の政令」(令和二年政令第十一号) 厚生労働省PDF
  167. "検疫法施行令の一部を改正する政令(令和二年政令第十二号)、新型コロナウイルス感染症を指定感染症として定める等の政令第三条の規定により感染症の予防及び感染症の患者に対する医療に関する法律施行規則の規定を準用する場合の読替えに関する省令(令和二年厚生労働省令第九号)、検疫法施行規則の一部を改正する省令(令和二年厚生労働省令第十号)". インターネット版官報(特別号外第4号). 国立印刷局. 2020-1-28. (原先內容 (PDF)喺2020-1-28歸檔). 喺2020-1-28搵到.  檢查日期值喺: |access-date=, |date=, |archive-date= (詳情)
  168. "新型肺炎「指定感染症」2月1日施行 WHO緊急事態宣言". 日本経済新聞. 2020-1-31. 喺2020-1-31搵到.  未知參數|wrk=已忽略 (詳情); 檢查日期值喺: |access-date=, |date= (詳情)
  169. 日本放送協会(NHK NEWS WEB) (2020-1-31). "新型肺炎「指定感染症」政令 施行日をあすに前倒し 閣議決定". NHKニュース. (原先內容喺2020-1-31歸檔). 喺2020-1-31搵到.  檢查日期值喺: |access-date=, |date=, |archive-date= (詳情)
  170. "新型コロナウイルス感染症を指定感染症として定める等の政令の一部を改正する政令(令和二年政令第二二号)、検疫法施行令の一部を改正する政令の一部を改正する政令(令和二年政令第二三号)". インターネット版官報(特別号外第5号). 国立印刷局. 2020-1-31. (原先內容 (PDF)喺2020-1-31歸檔). 喺2020-1-31搵到.  檢查日期值喺: |access-date=, |date=, |archive-date= (詳情)
  171. "新型コロナウイルス感染症を指定感染症として定める等の政令第三条の規定により感染症の予防及び感染症の患者に対する医療に関する法律施行規則の規定を準用する場合の読替えに関する省令の一部を改正する省令(令和二年厚生労働省令第二二号)、検疫法施行規則の一部を改正する省令の一部を改正する省令(令和二年厚生労働省令第二三号)". インターネット版官報(特別号外第5号). 国立印刷局. 2020-1-31. (原先內容 (PDF)喺2020-1-31歸檔). 喺2020-1-31搵到.  檢查日期值喺: |access-date=, |date=, |archive-date= (詳情)
  172. 〈疫火燎原〉日本民間捐口罩100萬個 網疑共黨轉手高價賣...另類「反送中」 壹周刊 2020-01-27
  173. 中国外務省 新型肺炎で日本の支援に感謝を表明NHK 2020-02-04
  174. 聚焦:日本地方政府紛紛送出醫用物資為中國加油 共同社, 2020-02-01
  175. 日本送口罩物資支援中國 日本網友:當年中國也是這樣支持我們的….. 巴士的報 2020-01-30
  176. 日本包機赴武漢支援醫療物資 日本網友:中國也曾幫過我們! yahoo香港新聞 現代電視 2020-01-29
  177. 河野太郎 [@konotarogomame] (2019-1-31). "命令の概要は、新型コロナウイルス感染症対策本部の方針を踏まえ、同感染症の感染拡大の防止が、特に緊急を要し、都道府県知事等の要請を待ついとまがないと認められることから、自衛隊法第83条第2項に規定する災害派遣により、感染症拡大の影響により帰国した邦人等に対し、救援活動を実施せよ。" (推文). 喺2019-1-31搵到 –通過Twitter.  檢查日期值喺: |access-date=, |date= (詳情)
  178. "新型コロナウイルス感染症の感染拡大防止のための帰国邦人等の救援に係る災害派遣の実施について" (PDF). 防衛省・自衛隊. 2020-1-31. 喺2020-1-31搵到.  檢查日期值喺: |access-date=, |date= (詳情)
  179. 河野太郎 [@konotarogomame] (2019-1-31). "命令の概要は、新型コロナウイルス感染症対策本部の方針を踏まえ、同感染症の感染拡大の防止が、特に緊急を要し、都道府県知事等の要請を待ついとまがないと認められることから、自衛隊法第83条第2項に規定する災害派遣により、感染症拡大の影響により帰国した邦人等に対し、救援活動を実施せよ。" (推文). 喺2019-1-31搵到 –通過Twitter.  檢查日期值喺: |access-date=, |date= (詳情)
  180. "新型コロナウイルス感染症の感染拡大防止のための帰国邦人等の救援に係る災害派遣の実施について" (PDF). 防衛省・自衛隊. 2020-1-31. 喺2020-1-31搵到.  檢查日期值喺: |access-date=, |date= (詳情)
  181. "新型コロナウイルスの感染症危険情報". 2020年1月31日. 喺2020-01-31搵到.  檢查日期值喺: |date= (詳情)
  182. 新型コロナウイルスへの対応について(2020年2月4日付 10:00) 互聯網檔案館歸檔,歸檔日期2020年2月6日,. - プリンセス・クルーズ 2020年2月4日
  183. McCurry, Justin; Ratcliffe, Rebecca (5 February 2020). "Coronavirus: cruise ship carrying 3,700 quarantined in Japan after 10 test positive". The Guardian. 
  184. "「鑽石公主號」增至20例確診 2例美國人 1例台灣女性". 
  185. クルーズ船、新たに10人感染 食料補給のため着岸―乗客ら検査続く・新型肺炎 - 時事通信 2020年2月6日
  186. 乗客が語るクルーズ船内…イベントは通常開催 マスクなし、接触は制限されず - 産経新聞 2020年2月4日
  187. 鑽石公主號郵輪新增41人確診 包括21名日本人 RTHK 2020-02-07
  188. 支援中國抗疫 自民黨議員每人捐款「5000日圓」 ETtoday新聞雲 2020-02-11
  189. 武漢肺炎》日自民黨議員「每人捐中國5千圓」 被網友罵翻 自由時報 2020-02-11
  190. 反日民族主义急降温 山西电视台停播抗日剧 RFA 2020-02-12
  191. 糞渠排氣管出事 公屋上下層感染 居民凌晨急疏散 同廈3人現病徵送
  192. 【武漢肺炎】本港新增7宗確診個案 康美樓低層患者同住的兒子及媳婦也感染
  193. "康美樓A07室逾30單位百人隔離 2戶未現身". on.cc. 2020-02-11. 喺2020-02-12搵到. 
  194. 【淘大2.0】青衣康美樓疑糞渠播毒!樓上樓下07室連環確診 逾百人漏夜疏散
  195. "【武漢肺炎】房署將要求戶主還原排氣管 5名康美樓居民檢驗呈陰性". 明報. 2020-02-11. 喺2020-02-12搵到. 
  196. "房屋署將檢查另外三個一柱式渠管屋邨 指擅自改渠屬違例". 頭條日報. 2020-02-11. 喺2020-02-12搵到. 
  197. 新冠肺炎:番禺祈福新村9人確診 暫未現本地傳染 東網cc 2020-02-11
  198. 報道指番禺有34宗新型肺炎病例 祈福新邨佔9宗 RTHK 2020-02-11
  199. 【武漢肺炎】長康邨翻版 廣州同座向不同樓層3戶確診 全棟撤離 HK01 2020-02-12
  200. 新冠肺炎:廣州某屋苑3業主確診 物管撤離所有住戶 東網cc 2020-02-12

睇埋[編輯]

出面網頁[編輯]

臺灣

世界衛生組織(WHO)

日本

歐洲