武漢肺炎

出自維基百科,自由嘅百科全書
Jump to navigation Jump to search
Disambig.svg
呢篇文章講嘅係一種新型冠狀病毒引發嘅傳染病。想搵呢隻病喺2019年年底起引發嘅肺炎疫情,睇吓「武漢肺炎大爆發」。想搵引發呢隻病嘅病毒,睇吓「沙士病毒2型」。
武漢肺炎病徵

武漢肺炎英文Wuhan pneumonia),世衞正式定名2019冠狀病毒病英文COVID-19),係由沙士病毒2型(俗稱武漢冠狀病毒)引發嘅傳染病,係非典型肺炎嘅一種。2019年,隻病喺中華人民共和國湖北武漢爆發,並擴散到東南亞甚至全球,叫做武漢肺炎大爆發

武漢肺炎」(簡稱武肺)係呢隻病喺粵語圈同埋中國大陸以外嘅中文用者最常用嘅稱呼。香港官方將呢隻病叫「嚴重新型傳染性病原體呼吸系統病[1],亦有用「內地新型冠狀病毒感染肺炎[2];而香港坊間有啲人會叫「武漢急性呼吸綜合症[3]英文Wuhan Acute Respiratory Syndrome,簡稱WARS[4])。中國大陸官方早期叫「新型冠狀病毒感染肺炎」(簡稱新型肺炎),之後改叫「新型冠狀病毒肺炎」(英文Novel Coronavirus Pneumonia,簡稱新冠肺炎,英文簡稱NCP);臺灣官方就叫「嚴重特殊傳染性肺炎[5]

1月30號,世衞組織建議叫「2019-nCoV急性呼吸疾病」(英文2019-nCoV acute respiratory disease[6],2月11號正式定名 「2019冠狀病毒病」(英文Coronavirus Disease 2019,簡稱COVID-19[7]

據社交網路3月25號左右發覺,中國大陸當局開始咗大規模嘅「修改」武漢肺炎疫情史,環球時報英文網、新華網(英文)等陸續將舊嘅報導入邊嘅「武漢肺炎」改成第個名,或者直接鏟走咗個「武漢肺炎」[8][9]

病原體

內文: 沙士病毒2型

武漢肺炎嘅病原體係一隻新發現嘅冠狀病毒,由於係喺2019年發現,世界衞生組織暫時叫佢做「2019-nCoV」,意思係「2019新型冠狀病毒」。2020年2月11號,國際病毒分類委員會正式定名做「沙士病毒2型」(SARS-CoV-2)。

病徵

武漢肺炎病徵主要係發燒、無力、乾咳,病情嚴重嘅會呼吸困難,甚至死亡。可能感染呢個病嘅特有症状,就有喪失嗅覺,味覺減退[10]

傳播途徑

武漢肺炎主要係透過呼吸道飛沫傳播,亦可以通過接觸傳播,潛伏期介乎兩到十四日,最多去到26日。

治理

暫時無專門醫治武漢肺炎,主要靠一啲抗病毒藥同埋支援性治療去紓緩病情。

預防

暫時無疫苗預防到武漢肺炎,主要靠保持個人衛生同埋避免近距離接觸病人。由於研究發現嗅覺喪失,都會係受感染嘅特徵之一,英國鼻科學會(British Rhinological Society)主席嘉莉兒霍普金斯(Claire Hopkins)教授,同耳鼻喉英國(ENT UK)主席尼瑪律·庫馬爾(Nirmal Kumar),就發表咗聯合聲明,敦促醫護治理失去嗅覺嘅病患時都要著防護裝備,仲建議唔好同任何人做不必要嘅鼻竇內窺鏡診療,因為病毒可以喺鼻腔同喉入邊複製,做檢查搞到病患咳或打乞嗤就弊傢伙[10]

源頭

呢隻病被普遍認為喺中國湖北武漢江漢區華南海鮮批發市場首先爆發。不過由一班大陸醫療專家聯名嘅論文,早喺1月24號就喺國際著名醫學雜誌《刺針》發表,披露咗由2019年12月16號至2020年1月2號喺武漢金銀潭醫院收治嘅首批41例確診病例分析同研究,顯示當中27例有去過華南海鮮市場,另外14例就冇。由此研究認為新型冠狀病毒嘅起源地唔係海鮮市場,而且病毒出現嘅時間應早過2019年11月左右[11][12]。亦有人[邊個? ]提出源頭可能源於中國武漢P4實驗室[13]

醫治研究

抗愛滋病藥

泰國衛生部2020年2月2號有話搵到咗治愈方法,係喺曼谷一間醫院收治嘅70歲中國籍女病患度,混合咗抗愛滋病毒利托那韋洛匹那韋、抗流感藥奧司他韋(oseltamivir)、達菲等幾種藥來到醫,藥後48個鐘入邊個病毒話係消失咗[14][15][16]

抗伊波拉藥

測試咁針對伊波拉病毒嘅美國藥廠生產嘅瑞德西韋,畀指係可以抵抗呢種肺炎嘅病毒,正做咁臨床試驗。

睇埋

參考

  1. "衞生防護中心 - 嚴重新型傳染性病原體呼吸系統病". 原著喺2020年2月4號歸檔. 喺2020年2月6號搵到. 互聯網檔案館歸檔,歸檔日期2020年2月4號,.
  2. 衞生防護中心就內地新型冠狀病毒感染肺炎個案提供最新資訊
  3. 武漢現肺炎病例 何栢良稱本港應假設病毒可「人傳人」
  4. 受困WARS 首季樓價恐跌5%[失咗效嘅鏈]
  5. 嚴重特殊傳染性肺炎-衛生福利部疾病管制署
  6. "世卫组织建议新冠肺炎命名为"2019-nCoV急性呼吸疾病"". 鳯凰網. 2020-01-31. 原著|archive-url= requires |archive-date= (help)歸檔. 喺2020-02-05搵到. Unknown parameter |dead-url= ignored (help)
  7. 世卫组织总干事在2020年2月11日举行的2019新型冠状病毒新闻通报会上的讲话
  8. 武漢肺炎一詞被消失 中國官媒竄改過往新聞報導 中央通訊社(台灣) 2020-03-26
  9. 抓到!「武漢肺炎」一詞被中國官媒竄改、消失 新頭殼newtalk 2020-03-26
  10. 10.0 10.1 丧失嗅觉可能是感染新冠病毒的特有症状 紐約時報中文 2020-03-25
  11. "柳叶刀披露首例新冠肺炎患者发病日期,较官方通报早7天". 2020-01-27. 原先內容歸檔喺2020-01-30. 喺2020-01-30搵到.
  12. 病毒疑11月爆發 疫源或非海鮮市場 星島日報 2020-01-28
  13. "納瓦羅堅稱病毒可能來自武漢P4實驗室 並指中國只花60天就摧毀美國經濟". 法國國際電台(中文). 2020-05-11.
  14. "インフルとエイズの薬でコロナが消えた…タイ保健省". テレビ朝日. 2020-02-03. 喺2020-02-03搵到.
  15. "タイ政府「新型肺炎、エイズ・インフル薬で治癒」と発表". 日本経済新聞. 2020-02-02. 喺2020-02-03搵到.
  16. Watsana (@ohwatsana) - Twitter

出面網頁

臺灣
世界衛生組織(WHO)
日本
美國
歐洲