武漢肺炎格陵蘭疫情

武漢肺炎格陵蘭疫情，係講武漢肺炎喺丹麥屬地格陵蘭爆發嘅情況。截至2022年1月5號，格陵蘭夾埋有3134單確診病例，有1人死咗。

境內疫情同反應

格陵蘭喺2020年3月16號確診第一單武漢肺炎個案，屬輸入性病例。嗰時有位患者從丹麥返到努克而確診。事發之後，格陵蘭總統宣佈取消冚唪唥抵達格陵蘭嘅非必要航班。若果早前喺格陵蘭以外嘅高風險國家返嚟嘅，必須要自行隔離14日先至得；期間連同超過100人嘅大型活動都取消咗舉辦。