武漢肺炎荷蘭疫情

出自維基百科,自由嘅百科全書
Jump to navigation Jump to search

武漢肺炎荷蘭疫情係介紹「武漢肺炎」2020年喺荷蘭嘅爆發情形。截至4月7號,荷蘭累計有19580單確診病例,死咗2101個人。

情況[編輯]

荷蘭喺2020年2月27號出現第一單感染個案,嗰時有位沙上洛恩籍嘅男仔喺意大利倫巴第大區玩完之後返到荷蘭北布拉班蒂爾堡時被確診有武漢肺炎[1][2]。第二日又出第二單感染個案,患者係北荷蘭阿姆斯特丹籍嘅女仔,曾經去過意大利[3]。到2月29號深夜為止又出四單感染個案。喺2月份嗰七單感染個案當中,未出過單死亡個案。

踏入三月上旬,單純喺3月1號確診咗三單武漢肺炎個案。之後感染案例開始直線上升。到3月6號,感染個案破咗三位數大關,亦出現第一單死亡個案,死者係位86歲嘅老坑,喺南荷蘭鹿特丹感染咗武漢肺炎後直接瓜老襯[4]。到3月9號爲止,感染個案馬上破咗三百大關,死亡個案上升到4單。而且有⅓嘅總感染個案都喺北布拉班入面發生[5][6]。北布拉班州長馬克呂特宣佈市民出街或社交接觸時都要避免握手,重提醒冇乜事都暫時唔好嚟北布拉班,若果喺北布拉班地區開工嘅盡量居家辦公[7]。第二日,感染個案去到382單。北布拉班政府出台一系列政策:停辦包括足球、籃球、排球、舞蹈節、嘉年華同音樂會等等冚唪唥嘅大型活動[8]。喺燕豪芬,原先諗住喺燕豪芬科技大學舉辦嘅學術交流會都要被逼停辦。連蒂爾堡市長都出面話限制公民嘅社交活動一個禮拜[9]

2020年3月15號,受疫情影響,喺南荷蘭德爾夫特一超市賣生活用品嘅貨架俾民眾搶嗮。

踏入三月中旬,到3月12號,感染個案打破咗五百同六百大關;死亡個案又多出一單。政府宣佈冚唪唥體育賽事同音樂會都要唔畀舉辦,國內冚唪唥博物館都要閂檔,重建議盡量居家辦公。喺教育界,冚唪唥大學都必須要停止線下教學[10]。3月13號,感染個案突破八百大關,死亡個案達到兩位數。政府隨即宣佈取消往返中國大陸意大利南韓伊朗境內嘅航班[11]。喺國際消費者權益日,總感染個案達到四位數,死亡個案達到廿單。連公開衛生服務總部話荷蘭境內可能有6000人成為感染個案,但需要做進一步檢測先至得[12]。當日冚唪唥中小學同幼稚園都要停課[13]。正因為咁多感染個案,有好多超市啲生活用品俾民眾一搶而空。到3月18號爲止,感染個案破咗二千大關,死亡個案達到50單。由於當地醫療條件就快去到極限,令荷蘭衛生大臣——布魯諾布魯恩斯喺3月19號話劈炮唔撈[14]

踏入三月下旬,到3月22號為止,感染個案破咗四千大關,死亡個案去到179單。荷蘭奧林匹克體育委員會發咗封信畀國際奧委會,話到今年喺日本東京舉辦嘅奧運淨喺確保武漢肺炎疫情得到有效控制嘅情況下先至有得舉辦[15][16]。兩日後,感染個案破咗五千大關,死亡個案去到276單。荷蘭中小學教學委員會宣佈今年嘅荷蘭中學期末考都要取消舉辦[17]。感染個案重喺3月29號打破埋一萬大關,死亡個案嚟到月底最後一日深夜打破咗一千大關。

踏入4月之後,感染同死亡個案重係持續上升趨勢。嚟到4月3號,感染個案去到15723單,死亡個案達到1423單。其中歌手古斯史美特斯都成為武漢肺炎嘅死者[18]

註同攷[編輯]

  1. "Patient with novel coronavirus COVID-19 in the Netherlands". rivm.nl. 27 February 2020. 喺6 March 2020搵到.
  2. "RIVM: Eerste coronageval in Nederland". De Telegraaf (荷蘭文). 27 February 2020. 喺6 March 2020搵到.
  3. "Tweede patient in Nederland met COVID-19". rivm.nl (荷蘭文). 28 February 2020. 喺6 March 2020搵到.
  4. "First coronavirus fatality in Netherlands: Rotterdam patient dead at 86". nltimes.nl. 6 March 2020. 喺6 March 2020搵到.
  5. "Aantal met coronavirus besmette personen in Nederland stijgt naar 321". nu.nl (荷蘭文). 9 March 2020. 喺9 March 2020搵到.
  6. "Geen nieuwe besmettingen met coronavirus in Gooi, Vechtstreek en Eemland; aantal zieken blijft op 22". noordhollandsdagblad.nl (荷蘭文). 9 March 2020. 喺9 March 2020搵到.
  7. "Rutte: stop met handen schudden en werk thuis". nos.nl (荷蘭文). 9 March 2020.
  8. "Brabant scherpt maatregelen rondom coronavirus aan". NRC (荷蘭文). 喺10 March 2020搵到.
  9. "Brabant scherpt maatregelen rondom coronavirus aan". NRC (荷蘭文). 喺10 March 2020搵到.
  10. "Events with 100+ visitors forbidden, cabinet calls for working from home".
  11. "Kabinet schrapt vluchten uit China, Italië, Iran en Zuid-Korea". nu.nl (Dutch). 13 March 2020.CS1 maint: unrecognized language (link)
  12. "Acht nieuwe coronadoden, 162 mensen opgenomen in ziekenhuis". nos.nl (荷蘭文). 15 March 2020. 喺15 March 2020搵到.
  13. "Alle scholen, cafés en restaurants tot en met 6 april dicht om coronavirus". NOS (Dutch). 15 March 2020. 喺16 March 2020搵到.CS1 maint: unrecognized language (link)
  14. "Exhausted Dutch minister leading coronavirus fight quits". 2020-03-19. Unknown parameter |p[ublisher= ignored (help)
  15. https://nocnsf.nl/media/2511/brief-nocnsf-aan-ioc_os-tokyo-2020.pdf
  16. "Meeste sportbonden steunen brief NOC*NSF aan IOC". Algemeen Dagblad (荷蘭文). 23 March 2020.
  17. "Centrale eindexamens middelbare scholieren gaan niet door". nos.nl (荷蘭文). 喺24 March 2020搵到.
  18. Empty citation (help)