跳去內容

武漢肺炎北韓疫情

出自維基百科，自由嘅百科全書

武漢肺炎北韓疫情係介紹「武漢肺炎」喺北韓嘅爆發情形。截至2022年5月20號，北韓夾埋有2,241,610單病例，死咗65個人。

情況

[編輯]

2020～2022年：全程零感染

[編輯]

北韓係比較神秘嘅國家之一，好少有對外交流，即使係普通民眾都好難批到簽證出國。喺中國湖北爆發武漢肺炎時，佢哋第一時間關注咗中國大陸啲新聞消息。後嚟得知武漢肺炎係個好嚴重嘅疾病後，喺湖北武漢宣佈封城之時，北韓政府亦喺1月21號宣佈禁止任何形式嘅出入境[1][2]兼停晒海陸空嘅出入境通道[3][4]。即使係喺封城之前入境留喺北韓啲人，都要接受為期30日嘅隔離調查[5]；期間甚至唔畀北韓公民出國[6][7]。1月28號朝鮮勞動黨機關報「勞動新聞」報導，北韓保健省派晒啲人員去咗各地，衛生防疫部門喺邊境、港口、機場等地都有展開嚴格嘅防疫工作，對出境、出差嘅人士做埋檢測，重同疑似病例提前設置咗隔離設施。報導重話各地家庭醫生同啲有發燒、醫肺炎冇醫好嘅人做噉確診，藥品生產單位加緊生產咁抗病毒藥物[8]。

影響

[編輯]
馬息嶺滑雪場喺疫情期間，試過因防疫政策而閂檔。

事件唔單止令北韓部隊嘅冬季訓練全面停止[9]，甚至貨物入境北韓時都要搞隔離10日同嚴格病毒消殺先至得[10]。由於北韓境內都要上下嚴格搞超特級防疫措施，期間咪話細路唔畀入商場或超市等人員密集性場所玩[11]；連聚餐同聚會都唔畀[12]；全國各地嘅學校都閂埋，甚至公民都唔畀出平壤到其它地方[13][14]；連境外同國際組織駐北韓嘅機構人員流動範圍都縮水到唔畀擅自同當地人互動交流、入餐館、商舖、酒店等服務場所；同埋喺同年2月22號發佈新規定，喺野外或公共場所等唔戴口罩將被睇成違反刑法處理[15]。聯合國安理會喺同年2月底宣佈批准無國界醫生向北韓提供抗疫物資。

受到北韓封國嘅影響，有部份西方國家嘅外交官頂唔順咁嚴格嘅防疫措施，陸續有國家閂晒駐北韓嘅使館兼撤走外交人員[16][17]。尤其喺2021年2月26號，有8位俄羅斯駐北韓嘅外交官同家屬推住軌道車仔，經過一眼望三國景區附近[註 1]嘅朝俄國境友誼橋（俄文：Мост Дружбы (Приморье)）入境俄羅斯，去海參崴國際機場搭飛機走[18]。

2022年1月17號，停運咗將近兩年嘅往返中朝火車正式恢復營運，不過淨限貨運業務，入境啲貨物重係好似啱封國時都要搞隔離10日同嚴格病毒消殺處理[19][20][21]。當日開出嘅頭班貨運列車係從中國遼寧丹東開去邊境，經鴨綠江過河，最後到北韓平安北道新義州市內嘅義州機場（韓文：의주비행장）卸貨[22]。

有假消息傳言

[編輯]

北韓據話係嚴密監視著由1月13號後入境嘅人，同中國接壤嘅平安北道、咸鏡北道同南浦等港口嘅防疫就好嚴格咁話，而北韓保健省局長宋仁範2月2號接受朝鮮中央電視台採訪，宋話北韓境內未有出現新肺炎嘅病例；而平安北道嘅一個官員就話，衹要係接觸過出過差嘅人嘅，啲有過接觸嘅人包括埋屋企人，都要搵晒出嚟兼嚴格隔離，暗示北韓度經已有確診病例同人傳人嘅出現[23]，後嚟證實係假消息。

退出奧運同其它足球賽事

[編輯]

2021年4月6號，北韓代表團爲防隊員玩完奧運會返到北韓後感染武漢肺炎，而宣佈退出喺同年7月舉辦嘅夏季奧運賽事[24]；佢亦繼杯葛1984年夏季奧運會同埋放棄1988年夏季奧運會之後，第二次退出兼第三次抵制夏季奧運嘅事[24][25]。雖然奧組委官方喺舉辦所在地（東京都東京）一度保證奧運會以閉環形式嚟舉辦，重會向北韓嘅運動員提供疫苗，保證運動員「唔會感染武漢肺炎」[26]，但係因北韓未同日本建交（日文：日朝関係）而冇理到[24][25]。正因爲噉嘅事激嬲咗奧組委，同年9月8號話違反《奧林匹克憲章》，而禁咗參加2022年冬季奧林匹克運動會賽事[25][27]。到2022年1月7號，北韓奧委會同體育省向北京奧組委發信，話「因擔心外國勢力陰謀活動[註 2]同武漢肺炎大爆發，雖然北韓嚟唔到參加運動會，但係北韓會全方位支持同聲援北京舉辦咁隆重精彩嘅奧運盛會啲事。」而宣佈唔參加冬奧[註 3][29][30][26]。

2021年5月16號，北韓足協應上級要求，北韓國家男子足球代表團爲防隊員踢完世界盃亞洲區資格賽（24強）嘅作客賽事，返到北韓後證實感染武漢肺炎，而宣佈退出淨低嘅賽事[31]，正因為噉而無緣2022年FIFA世界盃同埋2023年男足亞洲盃。雖然亞足協話會繼續保證到作客球隊嘅安全同利益，但係北韓喺2021年3月19號同馬來西亞斷交（韓文：말레이시아-조선민주주의인민공화국 관계）[32][33][34][35][36]而冇理到[註 4][37]。同年7月29號，北韓國家女子足球代表團爲防隊員踢完亞洲盃資格賽（28強）嘅中立場賽事，返到北韓後證實感染武漢肺炎，而宣佈退出賽事[38]，正因為噉而無緣2022年女子亞洲盃同埋2022年女子U23亞洲盃。

有懷疑個案

[編輯]
開城喺2020年7月19號懷疑過有武漢肺炎患者，後證實虛驚一場[39]。

2020年7月19號，喺黃海北道開城發現咗一單懷疑武漢肺炎個案，患者係位北韓難民，從南韓以人蛇形式游水返入北韓[40]。事發後第五日晏晝因當地政府收到料後，將開城實行封城處理兼採取隔離措施，重將國家緊急防疫體系轉成「最大緊急體制」[40][41][42]。朝鮮勞動黨喺事發後第六日開咗政治局緊急擴大會議，宣佈喺開城實施緊急狀態[40]。經檢查，發現呢位人蛇懷疑感染武漢肺炎而採取徹底隔離措施，重同有關衛生部門聯繫，查下呢5日內有冇人同嗰位感染疑似武漢肺炎嘅北韓難民接觸過，或期間去過開城啲人都搞檢測同埋隔離措施[40]。後嚟喺同年8月5號，原先被叉住嗰位北韓難民證實係虛驚一場[39]，佢曾經喺2017年偷渡走咗去南韓打工直到2020年7月19號以人蛇形式游水返入北韓[43]。封鎖禁令直到同年8月14號先至解除[44]。

出現確診個案

[編輯]

從2020年1月21號封國開始，北韓一直未出現確診武漢肺炎個案。直到2022年4月底陸續喺境內大量出現不明原因嘅發燒癥狀而一度懷疑有冇武漢肺炎發生[45]。2022年5月12號，因朝鮮勞動黨召開咗第八屆中央委員會第八次政治局會議，話國家應急防疫指揮部同相關單位就5月8號喺平壤某團體嘅發熱人群入面採集咗DNA樣本[46]，結果發現咗第一單感染武漢肺炎個案[47][48][49]，而患者感染嘅係武漢肺炎嘅Ο變種BA.2分支[47][48]。雖然第二日，北韓政府通過朝鮮中央通訊社話從2022年4月底有超過35萬單不明發燒個案，有162200單好返出院，但喺5月12號新增1.8萬單不明發燒個案，重有約187800單隔離緊；同日出咗6單死亡個案，而證實感染武漢肺炎個案一患者（BA.2分支）喺當日死咗[50]。

因北韓喺2022年5月12號發現兼確診咗第一單武漢肺炎患者，當日舉辦嘅朝鮮勞動黨召開咗第八屆中央委員會第八次政治局會議決定，將防疫措施提升到最高級別[48][49]。目的係遏制兼管控喺北韓入面嘅武漢肺炎嘅輸入性病例兼快啲醫返好不明原因嘅發燒癥狀患者，重喺最短時間內消除瘟疫[51]。至於病毒係點入北韓，據估計係同年4月25～26號，有反北韓勢力團體成員（尤其係朴尚學[52][53]）喺南韓京畿道金浦嗰邊向北韓發出12米長嘅圓柱體氦氣球或氫氣球傳單約一百萬份，飄入北韓後爆炸有關[註 5][54][53][56][52]；重有講法係喺公海入面搞秘密嘅必要貿易物資運輸或貨物病毒消殺得唔徹底乾淨而引發感染[56]。金正恩重強調，緊急部署同埋開展科學集中檢測同醫返好嘅必要性，重決定發放勞動黨同政府為應對緊急時期而儲備嘅備用醫療品（例如口罩）[51]。重要求境內冚唪唥市、郡都封城，衛生部門同應急檢疫部門都要嚴格對冚唪唥居民搞密集篩查，積極採取醫學觀察同埋治療措施[51]。重加強咗對工作、作業、生活等空間每角落嘅消毒工作，切斷兼消滅病毒傳播根源[51]。會議結束後，重見到金正恩第一次出現戴口罩嘅事[53]。同月15號重主持再開緊急協商會嚟傾防疫問題[57]。

確診形勢

[編輯]
  • 2022年5月13號，發現有174400單武漢肺炎個案，死21人[58][59]。
  • 2022年5月14號挨晚（UTC+8.5），發現有296180單不明發燒個案，死15人[60]。
  • 2022年5月15號，發現有392920單不明發燒個案，死8人[61][57]。
  • 2022年5月16號，發現有269510單不明發燒個案，死6人[62][63]。
  • 2022年5月17號，發現有262,270單不明發燒個案，死1人[64]。
  • 2022年5月18號，發現有263,370單不明發燒個案，死2人[65]。
  • 2022年5月19號，發現有219,030單不明發燒個案，死1人[66]。尤其喺咸鏡南道同平安南道出現大規模爆發感染跡象[67]。
  • 2022年5月20號，發現有186,090單不明發燒個案，死1人[68]。

註同攷

[編輯]
註
  1. ↑ 呢度講嘅「一眼望三國景區」係中國、北韓同俄羅斯三國交界附近嘅圖們江上空，不過一眼望三國景區係屬中國吉林延邊琿春敬信鎮，唔屬北韓同俄羅斯。
  2. ↑ 北韓所謂擔心嘅「外國勢力」陰謀活動，指嘅係美國、南韓同日本、國際人權觀察呢三國同一大組織。因為嗰時佢哋有份準備派代表團同駐地記者去出席或採訪2022年冬奧會，期間美國部份政客同部份盟國試過抵制奧運[26]。
  3. ↑ 因爲北韓代表團從2021年9月8號開始俾奧組委禁咗兩年參賽資格而冇得參賽[27]。雖然奧組委保留咗以個人名義去參加奧運，但係北韓早喺2020年1月21號封國[1][2]，期間任何公民咪話出國，甚至連道、市都唔畀出。即使係喺境外返唔到北韓啲榮譽人士、打工仔、從事商貿啲人士，都要接受北韓法律管制。未經批准，一旦有北韓嘅運動員「以個人名義代表北韓」嚟擅自出國參加奧運，會俾北韓政府睇成以敵對做目的接觸過外國勢力而變成難民。返到北韓後，會按北韓刑法第69條[28]要接受坐至少7年監或入集中營內接受加重勞動改造；情節嚴重嘅甚至達到死刑兼没收冚唪唥財產。
  4. ↑ 亞足協嘅總部喺馬來西亞聯邦直轄區吉隆坡。
  5. ↑ 根據結合南韓KBS同埋今日俄羅斯兩家媒體播報嘅發佈時間，佢哋都講喺「呢個禮拜一、二都放12米長嘅圓柱體氦氣球或氫氣球」[54][52]，再查日曆，可以得知喺2022年4月25～26號發生嘅事。繼續結合北韓當地公佈第一單武漢肺炎患者嘅日期（2022年5月12號）[47][48][49]，之後計算可以得出，完全符合感染武漢肺炎嘅正常發病時長。而嗰啲發出嘅氦氣球或氫氣球唔係普通嘅氣球，可以靠GPS嚟遙控定位引爆[55]。
攷
  1. ↑ 1.0 1.1 〈朝鲜暂禁外国游客入境防控新型冠状病毒肺炎〉。韩联社。2020-01-22。喺2020-01-22搵到。
  2. ↑ 2.0 2.1 "North Korea closes border to prevent coronavirus outbreak". BNO News. 2020-01-21.{{cite news}}: CS1 maint: url-status (link)
  3. ↑ 〈朝鲜停运朝中旅客列车防范新冠病毒流入〉。韓聯社。原先內容歸檔喺2020-02-06。喺2020-02-23搵到。
  4. ↑ 〈朝鮮明起全面叫停出入境交通工具〉。韓聯社。原先內容歸檔喺2020-01-30。喺2020-02-23搵到。
  5. ↑ 〈北韓要求 所有經中國入境的外國人隔離1個月〉。中國時報。原先內容歸檔喺2020-02-19。喺2020-02-23搵到。
  6. ↑ "North Korea Bars Foreign Tourists Amid Virus Threat, Groups Say". Bloomberg.com (英文). 22 January 2020. 喺21 March 2020搵到.
  7. ↑ "Pandemics and Preparation the North Korean Way". 38 North (英文). 20 February 2020. 喺21 March 2020搵到.
  8. ↑ 拒絕外國旅客入境還不夠　北韓嚴防武漢肺炎疫情傳入 中央社 + 追蹤 2020-01-28
  9. ↑ [단독] 북한에서 우한폐렴 확진자 7명 발생! 북한군 동계기동훈련도 전면 중단!!! (韓文). 2020-02-05. 喺2020-02-05搵到.{{cite news}}: CS1 maint: url-status (link)
  10. ↑ 〈북한, 코로나19 검역강화…"수입물자, 10일 격리 뒤 소독해야"〉 (韓文)。TBS。{{cite web}}: CS1 maint: url-status (link)
  11. ↑ 〈북한 "식당서 식사·대화도 위험"…공공장소 출입 자제 독려〉 (韓文)。NEWS1。{{cite web}}: CS1 maint: url-status (link)
  12. ↑ 〈朝鲜禁止聚会聚餐严防新冠疫情〉 (中國中文)。韓聯社。{{cite web}}: CS1 maint: url-status (link)
  13. ↑ Joo, Jeong Tae (18 March 2020). "Sources: N. Korea extends school closures until April 15". Daily NK. 喺21 March 2020搵到.
  14. ↑ Joo, Jeong Tae (21 February 2020). "N. Korea closes schools throughout the country for one month". Daily NK. 喺21 March 2020搵到.
  15. ↑ 〈"마스크 미착용은 죄" 북한, 남한 코로나19 확산세에 촉각〉 (韓文)。韓國日報。{{cite web}}: CS1 maint: url-status (link)
  16. ↑ "Embassies close in North Korea as diplomats evacuated over coronavirus". The New Indian Express. 2020-03-09.
  17. ↑ "Russia Delivers Coronavirus Test Kits to North Korea". 12 March 2020. 喺21 March 2020搵到.
  18. ↑ 〈北韓防疫關邊境 俄外交官只好手推台車返國〉。《中央社》。原先內容歸檔喺2021-08-22。喺2021-02-26搵到。
  19. ↑ 〈时隔一年，朝鲜货运列车再次驶抵丹东，外交部：中朝铁路口岸货运已经重启〉。《环球网》。2022-01-18。喺2022-05-12搵到。
  20. ↑ "North Korea train makes first crossing into China since COVID-19 border lockdown: Reports". CNA (英文). 原著喺2022年5月15號歸檔. 喺19 January 2022搵到.
  21. ↑ "China and North Korea reopen rail link after 2-year coronavirus closure". South China Morning Post (英文). 17 January 2022. 喺19 January 2022搵到.
  22. ↑ 〈消息：朝鮮貨運列車在義州機場卸貨〉。《韓聯社》。2022-01-23。喺2022-05-12搵到。
  23. ↑ 武漢肺炎》官員說溜嘴？ 北韓境內恐已有確診病例 自由時報 2020-02-03
  24. ↑ 24.0 24.1 24.2 William Gallo (2021-04-06). "North Korea Withdraws from Tokyo Olympics, Citing Pandemic". VOA.
  25. ↑ 25.0 25.1 25.2 "North Korea banned from Beijing Winter Olympics, other IOC benefits". OlympicTalk. NBC Sports. 2021-09-08.
  26. ↑ 26.0 26.1 26.2 〈平壤受制裁无权参加北京冬奥会但批抵制是侮辱 北京说理解并称谢〉。rfi。2022-01-07。
  27. ↑ 27.0 27.1 〈北韓被暫停國際奧委會資格 意味不能參加北京冬奧〉。《香港電台》。2021-09-09。喺2022-05-12搵到。
  28. ↑ 李宝奇等 (2016)。《朝鲜民主主义人民共和国法律汇编》 (中文)。北京：法律出版社。ISBN 9787511884718。 {{cite book}}: |access-date= requires |url= (help)
  29. ↑ 〈朝鲜宣布退出北京冬奥会 全方位支持和声援中国〉。網易。2022-01-07。
  30. ↑ 〈疫情与政治因素 朝鲜退出北京冬奥〉。《新华网》。星洲网。2022-01-07。
  31. ↑ "North Korea withdraws from 2022 Qatar World Cup". ESPN. ESPN. 2021-05-16.
  32. ↑ Jon Herskovitz; Jessica Park (2021-03-19). Yantoultra Ngui; Hadi Azmi; Ravil Shirodkar (編). "North Korea Cuts Malaysia Ties After Citizen Extradited to U.S." (英文). Bloomberg. 原先內容歸檔喺2021-03-21. 喺2021-03-19搵到.
  33. ↑ 張, David。〈朝鲜宣布与大马断绝外交关系〉。《马来西亚诗华日报新闻网》 (中國中文)。喺2021-03-19搵到。
  34. ↑ 陈慧璋 (2021-03-19)。〈朝鲜因引渡风波宣布与马来西亚断交〉。《聯合早報》。喺2021-03-19搵到。
  35. ↑ "Malaysia Deeply Regrets The Dprk's Decision To Sever Ties 19 March 2021" (英文). 马来西亚外交部. 2021-03-19. 原先內容歸檔喺2021-03-19. 喺2021-03-19搵到.
  36. ↑ 侯姿瑩 (2021-03-19)。陳惠珍 (編)。〈馬來西亞譴責北韓斷交 要求使館人員2天內離境〉 (繁體中文)。新加坡：中央通訊社。原先內容歸檔喺2021-03-21。喺2021-03-19搵到。
  37. ↑ Jeongmin Kim (2022-05-17). "North Korea withdraws from World Cup, but may still attend Beijing Olympics". NK NEWS.
  38. ↑ "Latest update on the AFC U23 Asian Cup Uzbekistan 2022™ - Qualifiers". Asian Football Confederation. 29 July 2021. 原先內容歸檔喺2021-10-23. 喺2021-09-04搵到.
  39. ↑ 39.0 39.1 Farge, Emma; Smith, Josh (5 August 2020). "WHO says North Korea's COVID-19 test results for first suspected case 'inconclusive'" 互聯網檔案館嘅歸檔，歸檔日期21 August 2020. Reuters.
  40. ↑ 40.0 40.1 40.2 40.3 〈朝鲜开城发现新冠疑似病例并实施紧急状态〉。《新华网》。即时。2020-07-26。原著喺2020-08-05歸檔。喺2022-05-15搵到。
  41. ↑ Sang-Hun, Choe (25 July 2020). "North Korea Declares Emergency After Suspected Covid-19 Case" 互聯網檔案館嘅歸檔，歸檔日期28 August 2020. The New York Times
  42. ↑ Cha, Sangmi; Smith, Josh (25 July 2020). "North Korea declares emergency in border town over first suspected COVID-19 case". Reuters. 原先內容歸檔喺29 July 2020. 喺25 July 2020搵到.
  43. ↑ "Coronavirus: Swimming defector was not infected, says S Korea". BBC. 27 July 2020. 原先內容歸檔喺31 August 2020. 喺27 July 2020搵到.
  44. ↑ Cha, Sangmi (14 August 2020). "North Korea lifts lockdown in border town after suspected COVID-19 case 'inconclusive'" 互聯網檔案館嘅歸檔，歸檔日期20 August 2020. Reuters.
  45. ↑ 〈朝鲜新增1.8万例发热病例〉。科技日报。2022-05-12。原著喺2022-05-13歸檔。喺2022-05-15搵到。
  46. ↑ 〈朝鲜劳动党第八届中央委员会第八次政治局会议举行〉。朝中社。原著喺2022年5月26號歸檔。喺2022年5月15號搵到。
  47. ↑ 47.0 47.1 47.2 〈詳訊：朝鮮出現首例感染新冠病毒確診病例〉。韓聯社。
  48. ↑ 48.0 48.1 48.2 48.3 〈朝鲜首次报告新冠确诊病例〉。《科技日报》。新浪。2022-05-12。
  49. ↑ 49.0 49.1 49.2 〈北朝鮮で初のコロナ感染者、公式に認める…正恩氏「拡散を完璧に遮断するように」〉。《読売新聞》。2022年5月12日。原著喺2022年5月12日歸檔。喺2022年5月12日搵到。
  50. ↑ 〈敬爱的金正恩同志访问国家紧急防疫司令部了解全国疫情防控情况〉。朝中社。原著喺2022年5月24號歸檔。喺2022年5月15號搵到。
  51. ↑ 51.0 51.1 51.2 51.3 〈首次报告新冠肺炎病例，朝鲜将国家防疫体系转为最大紧急防疫体系〉。《环球网》。新浪。2022-05-13。
  52. ↑ 52.0 52.1 52.2 〈韩脱北者团体向北韩散播印有尹锡悦照片传单〉。KBS WORLD。2022-04-28。
  53. ↑ 53.0 53.1 53.2 美第奇效应 (2022-05-13)。〈气球破功朝鲜金身，韩国五十年努力歪打正着〉。北美生活引擎。
  54. ↑ 54.0 54.1 〈媒体：韩国激进分子向朝鲜空飘百万份传单〉。RT。俄罗斯卫星通讯社。2022-04-29。
  55. ↑ 文子稻 (2022-05-18)。〈朝鲜为何突发疫情？看了韩国新闻恍然大悟！〉。崑崙策。原著喺2022-06-26歸檔。喺2022-05-18搵到。
  56. ↑ 56.0 56.1 陳佳鈴 (2022-05-13)。〈破北韓0感染防線！疫情感染源曝陰謀論「來自20顆氣球」〉。三立新聞。
  57. ↑ 57.0 57.1 〈朝鲜新增39.3万发烧病例！金正恩主持政治局紧急协商会〉。《环球网》。新浪。2022-05-16。
  58. ↑ 〈朝鲜新增17.44万发热病例，新增死亡21例〉。澎湃新闻。
  59. ↑ "North Korea confirms 21 new deaths as it battles COVID-19". AP. 14 May 2022.
  60. ↑ 〈国家紧急防疫司令部：全国疫情传播及治疗状况〉。朝鲜中央通讯社。{{cite web}}: CS1 maint: url-status (link)
  61. ↑ 〈国家紧急防疫司令部：全国疫情传播及治疗状况(主体111.5.16.)〉。朝中社。原著喺2022年5月16號歸檔。喺2022年5月16號搵到。
  62. ↑ 〈전국적인 전염병전파 및 치료상황 통보〉。조선 중앙통신。2022-05-16。
  63. ↑ 〈北朝鮮、1日の発熱者39万人超す　コロナ感染拡大か〉。毎日新聞。2022年5月16日。喺2022年5月17日搵到。 {{cite web}}: Cite has empty unknown parameter: |1= (help)
  64. ↑ 〈国家紧急防疫司令部：全国疫情传播及治疗状况(主体111.5.19.)〉。朝中社。{{cite web}}: CS1 maint: url-status (link)
  65. ↑ 〈国家紧急防疫司令部：全国疫情传播及治疗状况(主体111.5.20.)〉。朝中社。{{cite web}}: CS1 maint: url-status (link)
  66. ↑ 〈国家紧急防疫司令部：全国疫情传播及治疗状况(主体111.5.21.)〉。朝中社。{{cite web}}: CS1 maint: url-status (link)
  67. ↑ "North Korean COVID-19/Fever Data Tracker". 38 North (英文). 喺2022-05-20搵到.
  68. ↑ 〈国家紧急防疫司令部：全国疫情传播及治疗状况(主体111.5.22.)〉。朝中社。原著喺2022年5月25號歸檔。喺2022年5月22號搵到。
由「https://zh-yue.wikipedia.org/w/index.php?title=武漢肺炎北韓疫情&oldid=2099620」收