武漢肺炎法國疫情

唔同地區確診嘅病例（截至2020年4月6號）

武漢肺炎法國疫情係介紹「武漢肺炎」2020年喺法國嘅爆發情形。截至2020年11月7號，法國夾埋有1,661,853單確診病例，死咗39,865個人。

情況

初期

法國喺2020年1月24號出現第一單武漢肺炎個案，嗰時有位48歲嘅公民喺中國湖北武漢搭飛機返到新亞奎丹波爾多時被確診；好快當日喺巴黎又收到兩單同武漢肺炎有關嘅輸入性病例，分別都係最近喺中國湖北武漢搭飛機返嚟，喺1月18號當日返到法國。喺嗰時淨得3單感染武漢肺炎個案。一個禮拜後總感染個案上升到5單，其中喺巴黎有位醫生因為曾經喺中國湖北武漢玩時，接觸過中國大陸導遊，返到法國後而感染咗武漢肺炎。

踏入2月，喺8號當日，上薩華萊干達米納－蒙祖華出現確診5單感染武漢肺炎個案，據悉嗰5位患者屬輸入性病例，曾經喺星加坡接觸過感染咗武漢肺炎嘅英國患者。由於嗰時疫情主要喺武漢地區爆發，所以1月31號到2月9號間，喺上法蘭西伊斯特勒同普羅旺斯－阿爾卑斯－蔚藍海岸華茲當地嘅機場亦出現接近550位喺中國湖北武漢嚟嘅遊客俾海關禁止入境兼遣返。不過嗰時法國重未出現死亡病例，直到情人節出現第一單死亡個案，患者係80歲嘅法籍華裔導遊，呢單既係歐洲地區第一單感染武漢肺炎嘅死亡個案，又係亞洲以外第一單感染武漢肺炎嘅死亡個案。同月18號，法國衛生大臣奧利維耶·維朗話家下國內淨得返四位確診武漢肺炎嘅患者，都係英國籍，家下喺醫院入面隔離緊。嗰4位英國患者喺六日後先至全部出院。

至此，嗰時冚唪唥感染咗武漢肺炎嘅患者出嗮院，法國總確診個案係12單，其中死亡1單，好返11單。

再次爆發

法國當地以為個疫情結束咗，點知疫情喺2月25號當日開始出現第二輪爆發。喺2月25號開始出現新感染武漢肺炎個案，嗰時又喺上薩華地區出現2位感染患者，都喺意大利倫巴第大區滑完雪返到法國入面而確診，第二日又再確診5單。到2月29號深夜為止，總感染個案即刻上升到100單。

踏入三月上旬，有越嚟越多法國政區相繼出現武漢肺炎感染個案，單純喺國際婦女節深夜，疫情個案破一千大關，死亡個案亦上升到21單。到10號當日，感染個案去到1784單，死亡總個案去到33單。喺航空界，俄羅斯航空已經宣佈減少飛去法國當地嘅航班。喺政界，法國文化部長方克里耶斯特感染咗武漢肺炎。受疫情影響，好多場體育賽事要推遲或空場搞；重停止一切藝術節目同展覽活動。踏入中旬之後，感染案例重越來越多，喺12號當日，由於確診案例去到2876單，法國教育部門宣佈冚唪唥學校必須要喺同月16號開始停課。第二日，由於感染個案破咗三千大關，死亡個案去到75單。喺體育界，場地障礙大賽同當地足協屬下嘅冚唪唥嘅足球聯賽同超級盃都停辦。由於政府宣佈國內唔畀超過100人嘅聚集，所以喺巴黎，當地嘅巴黎鐵塔、凱旋門、盧浮宮三大旅遊景區都要閂門大吉。一日後，連托耶足球會屬下嘅前鋒——石現俊都成為武漢肺炎患者一員，佢既係法國職業足壇感染武漢肺炎第一人，又係南韓足球界第一位感染武漢肺炎嘅職業足球員；喺教育界，由於疫情越嚟越犀飛利，所以好多大中小學同幼稚園都提早兩日停課。不過由於法國當地啲人對口罩嘅意識非常之差，以為戴口罩係病咗或有傳染病啲人嘅專利，所以街頭冇乜人戴口罩而導致疾病傳播嘅原因。喺政壇界，生態轉型團結部秘書布魯尼都成為武漢肺炎患者。到3月15號爲止，由於確診案例達到5423單，死亡案例破百，法國政府宣佈國內防疫入到最高警戒狀態，期間連監倉都有人出現感染武漢肺炎。

由於嗰時病例數每三日多一倍，當地嘅汽車廠商雷諾同標緻喺3月16號當日宣佈閂埋國內冚唪唥工廠而停產。喺3月17號，巴黎政府宣佈可能派軍隊嚟維持秩序，出街都要有通行證先至得，話抗疫已經入咗戰爭狀態兼實施封城措施；同時總統宣佈閂埋邊境接壤地區嘅關卡。喺普羅旺斯－阿爾卑斯－蔚藍海岸尼斯，市長基斯迪安埃斯特羅斯都成為武漢肺炎患者。喺國內嘅LVMH、CHANEL、Dior、LV等奢侈品同化妝品生產商都開始改行出消毒酒精產品，交畀法國醫療部門同巴黎公立醫院救助機構嚟對抗國內疫情；連空中巴士廠商都唔向當地生產客機業務；甚至一年一度嘅法網都宣佈延期舉辦。由於感染案例直線上升，到同月20號爲止，感染武漢肺炎案例去到12612單，死亡個案上升到450單。喺體育界，意甲踢波嘅布萊斯·馬度迪（祖雲達斯）同馬迪亞·扎卡尼（維羅納）、男排球手艾雲尼格比都唔例外成爲武漢肺炎患者。疫情亦向法國樂壇插手，爵士樂歌手曼奴·狄邦哥喺當日感染武漢肺炎，6日後瓜老襯；連尚勒伯都唔例外。CHANEL同GUCCI都宣佈閂工廠停產。重出現法國當地啲人因度假式隔離而引起反感嘅情況同埋無人機喺街頭嗌民眾快啲返屋企都有。喺普羅旺斯－阿爾卑斯－蔚藍海岸尼斯，當地政府重宣佈宵禁。隨後，由於法東地區嘅醫療系統瀕臨崩潰邊緣，連德國啲醫療團隊都實行跨國救助；重出過有醫生感染武漢肺炎死咗都有。

同月22號，當日感染武漢肺炎案例去到16689單，死亡個案上升到674單。喺大東部米盧斯都借鑒尼斯噉實行宵禁；當日又有兩間奢侈品廠商（Balenciaga同埋Yves Saint Laurent）夾手出口罩嚟對抗呢單疫情；喺生態轉型團結部，官員伊曼紐華岡亦成為武漢肺炎患者；喺亞馬遜法國官網都宣佈暫停接收冇必要嘅商品訂單；甚至有經濟部長話呢單疫情同1929年嘅經濟大蕭條相提並論。第二日，法國衛生部長話家下唔會派運動員去日本東京參加奧運。一日後，由於確診個案破咗二萬大關，死亡個案亦破千。喺伊拉克駐地嘅法國軍隊亦都宣佈撤軍；連農業部長話有廿萬農業崗位出現人手緊缺嘅問題；喺斯特拉斯堡火車站，有部高鐵列車改裝成醫用車輛嚟運輸感染咗武漢肺炎而一定要入ICU啲患者。由於法國當地嘅醫療條件差唔多去到極限，當地政府希望通過軍事同外交途徑搵德國嚟搞國際援助。

兩日後，總感染個案破咗三萬大關，去到32964單；死亡個案去到1995單。喺大巴黎地區一位16歲女仔感染武漢肺炎死咗受到國內輿論高度關注。同日法國總理喺當日晏晝（UTC+1）繼續延長嚴格嘅管制同封城措施。喺同年3月17號開始實施嚴格嘅管制同封城措施後，法國警方已經出咗26萬單因為違反嚴格嘅管制同封城措施個案啲民眾。當日連獸醫都開始加入抗疫行列。

2020年3月29號，總感染個案破咗四萬大關，去到40704單；死亡個案破咗二千大關，去到2609單。其中，做過經濟財政部同工業部嘅部長、法蘭西島大區上塞納省議會主席——帕德烈德維疆都成爲武漢肺炎嘅死者。喺體育界，法國全國籃球聯賽委員會宣佈因為疫情原因，將原先暫停緊嘅A同B級籃球聯賽賽季腰斬。重有政府官員話呢單疫情令成個歐盟失信。

第二日，總感染個案去到44550單；死亡個案破咗三千大關，去到3024單。當日有一批喺中國大陸整嘅口罩送到法國嚟抗疫。嚟到月尾最後一日，總感染個案破咗五萬大關，去到52128單；死亡個案破咗三千大關，去到3523單。連總統都睇咗口罩生產廠家要求加速生產口罩嚟對抗疫情。單疫情甚至有法國軍隊派團隊送病人到德國醫都有。

踏入4月初，感染案例重係持續上升趨勢，單純第一日死亡個案破咗四千大關。喺巴黎，當地嘅醫院負荷已經達到極限；重有商場攞嚟改造成太平間嚟收留武漢肺炎死者。重有法國媒體批評美國政府話佢趁火打劫搶走喺海外訂購嘅口罩。兩日後，感染個案突破咗五萬同六萬大關，死亡個案去到6507單。全國境內嘅敬老院夾埋有884人死咗。

4月4號，感染個案去到68605單，死亡個案極速加到7560單。當地差唔多午餐時間（UTC+1），喺奧文尼－隆河－阿爾卑斯伊澤河畔羅芒發生咗比較得人驚嘅殺人案，當時有疑犯用刀造成當地市民2死7傷嘅慘劇。有里昂足球會隊醫話喺2020年2月27號舉辦嘅2019/20賽季歐冠十六強——里昂主場對陣祖雲達斯，有意大利球員將武漢肺炎帶入法國境內。當日凌晨（UTC+1）BFM向法國全境直播中國大陸嘅悼念武漢肺炎死難者儀式時，記者Emmanuel Lechypre講咗反華言論，事後法國BFM即刻發佈道歉聲明，重將主播Emmanuel Lechypre禁播咗一個禮拜。當日《費加羅報》都教法國佬點樣拋棄「口罩無用論」。

部份法國政客喺疫情期間淨識諗住點推卸責任嘅同時，結果有口話人唔識話自己。4月5號，感染個案突破咗七萬大關，去到70478單。死亡個案突破八千大關，去到8078單。由於越嚟越少海外公民去法國做上山下鄉啲嘢，加上好多農場出現人手唔夠嘅情況，令當地生產嘅士多啤梨同蘆筍等季果蔬到收成期時出現大批腐爛嘅情況。第二日，感染個案去到74390單，死亡個案去到8911單。喺大東部聖路易，連市長尚－馬里·佐勒（Jean-Marie Zoellé）都成為武漢肺炎患者兼喺德國北萊茵－西法倫波恩死咗。

2020年4月7號，感染案例爬升到78167單，死亡個案打破一萬大關。期間爆出醫學界嘅醜聞——有科學家重諗住去非洲搞疫苗試驗場，結果俾世界衛生組織同譚德塞鬧，話完全係「冇人性」嘅行為。

表

武漢肺炎法國病例數     死     好返     剩低嘅確診數
日期			夾埋確診
2020-01-24		​ ​ ​ ​	3
2020-01-25~29		​ ​ ​ ​	3 (+0 %)
2020-01-30		​ ​ ​ ​	6
2020-01-31~02-07		​ ​ ​ ​	9 (+0 %)
2020-02-08		​ ​ ​ ​	11
2020-02-12		​ ​ ​ ​	11
2020-02-15		​ ​ ​ ​	11
2020-02-19		​ ​ ​ ​	12
2020-02-25		​ ​ ​ ​	13
2020-02-26		​ ​ ​ ​	18 (+38 %)
2020-02-27		​ ​ ​ ​	38 (+111 %)
2020-02-28		​ ​ ​ ​	57 (+50 %)
2020-02-29		​ ​ ​ ​	100 (+75 %)
2020-03-01		​ ​ ​ ​	130 (+30 %)
2020-03-02		​ ​ ​ ​	191 (+47 %)
2020-03-03		​ ​ ​ ​	212 (+10 %)
2020-03-04		​ ​ ​ ​	285 (+34 %)
2020-03-05		​ ​ ​ ​	423 (+48 %)
2020-03-06		​ ​ ​ ​	613 (+45 %)
2020-03-07		​ ​ ​ ​	949 (+55 %)
2020-03-08		​ ​ ​ ​	1,126 (+19 %)
2020-03-09		​ ​ ​ ​	1,412 (+25 %)
2020-03-10		​ ​ ​ ​	1,784 (+26 %)
2020-03-11		​ ​ ​ ​	2,281 (+28 %)
2020-03-12		​ ​ ​ ​	2,876 (+26 %)
2020-03-13		​ ​ ​ ​	3,661 (+27 %)
2020-03-14		​ ​ ​ ​	4,500 (+23 %)
2020-03-15		​ ​ ​ ​	5,423 (+21 %)
2020-03-16		​ ​ ​ ​	6,633 (+22 %)
2020-03-17		​ ​ ​ ​	7,730 (+17 %)
2020-03-18		​ ​ ​ ​	9,134 (+18 %)
2020-03-19		​ ​ ​ ​	10,995 (+20 %)
2020-03-20		​ ​ ​ ​	12,612 (+15 %)
2020-03-21		​ ​ ​ ​	14,459 (+15 %)
2020-03-22		​ ​ ​ ​	16,689 (+15 %)
2020-03-23		​ ​ ​ ​	19,856 (+19 %)
2020-03-24		​ ​ ​ ​	22,302 (+12 %)
2020-03-25		​ ​ ​ ​	25,233 (+13 %)
2020-03-26		​ ​ ​ ​	29,155 (+16%)
2020-03-27		​ ​ ​ ​	32,964 (+13%)
2020-03-28		​ ​ ​ ​	37,575 (+14 %)
2020-03-29		​ ​ ​ ​	40,174 (+6.9 %)
2020-03-30		​ ​ ​ ​	44,550 (+11 %)
2020-03-31		​ ​ ​ ​	52,128 (+17 %)
2020-04-01		​ ​ ​ ​	56,989 (+9 %)
2020-04-02		​ ​ ​ ​	59,105 (+4 %)
2020-04-03		​ ​ ​ ​	64,338 (+9 %)
2020-04-04		​ ​ ​ ​	68,605 (+7 %)
2020-04-05		​ ​ ​ ​	70,478 (+3 %)
2020-04-06		​ ​ ​ ​	74,390 (+6 %)
2020-04-07		​ ​ ​ ​	78,167 (+5 %)

法國唔同地區嘅確診數（截至2020年3月7號晏晝3點）

區	確診	死	好返
奧文尼－隆河－阿爾卑斯	102		6
布爾岡-法朗殊-康堤	129
大東部	250	2
上法蘭西	173	5
法蘭西島	104	4	5
諾曼第	11	1
新亞奎丹	17		1
布列塔尼	40	1
奧斯坦尼	36
盧華爾河區	18
普羅旺斯－阿爾卑斯－蔚藍海岸	38
中央-盧華爾山谷	16
科西嘉島	5
法國本土夾埋	939	16	12
法屬聖馬丁	2
聖巴多祿繆島	1
法屬圭亞那	5
馬提尼克	2
法國海外省夾埋	10
夾埋	949	16	12

註同攷

註

攷