譚德塞
_(cropped).jpg)
譚德塞（粵拼：taam⁴ dak¹ coi³；1965年3月3號—）係非洲埃塞俄比亞嘅學者，曾經係立場偏左嘅政治組織埃塞俄比亞人民革命民主陣線嘅成員。2017年開始做世界衞生組織（世衞）總幹事。
2020年全球爆發武漢肺炎疫情，譚德塞同埋世衞被指應對疫情反應慢、太遲將疫情訂為國際關注公共衛生緊急事件同埋大流行，同埋太偏向中國大陸，而受到一啲政府人員同埋公共衞生專家批評，美國總統當勞侵更加話美國政府會停止資助世衞。譚德塞又指喺疫情期間俾台灣人種族歧視，更加認定唔係世衞成員嘅中華民國嘅外交部本身係知情[1]。中華民國外交部否認，法務部調查局話係中國大陸人嫁禍台灣。
參考
[編輯]- ↑ 〈晚報：蔡英文邀譚德塞來訪，了解台灣舉國防疫努力、人民所受不公待遇〉。端傳媒。2020-04-09。原著喺2020-04-17歸檔。喺2020-04-19搵到。
出面網頁
[編輯]- 譚德塞 - 世界衞生組織
 |