武漢肺炎基里巴斯疫情

武漢肺炎基里巴斯疫情係介紹「武漢肺炎」喺基里巴斯嘅爆發情形。截至2022年2月19號，基里巴斯夾埋有2810單確診病例，死咗9個人。

情況

2020年全程零感染

由於武漢肺炎喺2020年1月12號喺中國湖北武漢開始大流行，基里巴斯政府喺同年2月宣佈凡係喺中國湖北武漢過嚟基里巴斯玩啲遊客都要搞連續14日嘅自我隔離。甚至喺同年3月11號禁嗮冚唪唥船隻靠近基里巴斯群島邊嘅淺灘及閂咗邊境。喺2020年是但一日都未發生過單武漢肺炎感染案例。

失守

踏入2021年，基里巴斯一直重保持武漢肺炎零確診個案。直到同年5月18號出現第一單感染個案，患者係巴布亞新畿內亞籍嘅航海家，喺揸船準備離開南達維華貝迪奧港出發返去巴布亞新畿內亞前嘅隔離期間即刻確診；據確診患者透露，佢曾經接觸過臺灣籍嘅海上捕撈人士兼一個月前返到巴布亞新畿內亞，期間重未確診做武漢肺炎。兩日後喺同一部船又確診第二單武漢肺炎感染個案，患者係位漁民。正因爲噉，同日基里巴斯政府宣佈國內全島戒嚴兼宵禁，拒絕任何國內嘅非緊急跨島旅遊及社交活動（包括釣魚），重要求民眾喺宵禁期間喺非緊急情況下唔好離開居住地，違反者將會面臨監禁。兩名患者喺一個禮拜後好返出院。

疫情爆發

雖然2022年1月10號，基里巴斯政府宣佈重新開放出入境，但係淨開放咗南達維華嘅單一出入境港口。幾日後，第一班從斐濟飛到南達維華嘅航班係由耶穌基督後期聖徒教會自發組織搞出。不過，搭乘嗰54位旅客入面，出咗36單感染武漢肺炎個案；而基里巴斯當地嘅護衛亦曾經喺機場接觸過感染武漢肺炎患者而成為無症狀感染人士。正因爲出咗咁多單感染個案，同月19號開始，基里巴斯政府宣佈國內宵禁重嚴格規定當地民眾出街戴口罩。三日後，基里巴斯政府宣佈全國封國4日，重閂埋其它除咗出街買嘢之外嘅其它非必要服務行業。喺封國期間，23～25號當日又再確診夾埋50單（23號廿單，24號七單，25號廿三單）感染個案，總感染數喺26號突破一百大關，重喺兩日後突破咗二百大關。嚟到月底，總感染數去到460單，冇人死亡。

出現死亡個案

踏入2月上旬，基里巴斯當地嘅感染個案重持續上升緊。嚟到4號當日，感染個案突破一千大關；4日後確診咗第一單死亡個案，患者係位80歲嘅老坑婆，從未接種過新冠疫苗。第二日，感染個案突破二千大關，到上旬結束為止，出現咗第二單死亡個案。

喺2月中旬，疫情似乎未出現減退嘅跡象，期間重出多7單死亡個案。