武漢肺炎梵蒂岡疫情

武漢肺炎梵蒂岡疫情係介紹「武漢肺炎」喺梵蒂岡嘅爆發情形。截至2022年1月23號，梵蒂岡夾埋有29單確診病例，冇人死亡。

情況

第一波疫情

梵蒂岡喺2020年3月5號確診咗第一單武漢肺炎感染個案，喺梵蒂岡衛生局門診入面確診。患者曾經喺意大利爆發疫情嘅全面封城前，經過梵蒂岡界而入境。19日後，喺聖座嗰邊又有位貨物辦公室嘅打工仔同兩位博物館嘅打工仔確診武漢肺炎，總確診數去到4單；甚至喺四日後喺國境圍墻南邊嘅聖馬大之家，出現多兩位感染武漢肺炎嘅梵蒂岡公民。嗰時淨出咗6單武漢肺炎患者。

踏入4月，2號當日有1位患者確診武漢肺炎，患者係位教廷員工，曾經喺3月中旬返到梵蒂岡時做過為期14日嘅醫學隔離檢查。六日後確診咗第八單武漢肺炎個案，患者係去梵蒂岡睇病人嘅家屬，嗰日重有兩位患者好返出院。同月20號確診咗第9單感染個案，患者係喺同一地方做嘢，未同過任何武漢肺炎患者接觸。八日後確診第10單個案。到月底最後一日確診咗第11單感染個案，患者曾經喺3月上旬返到梵蒂岡時自行隔離咗兩個禮拜。

踏入5月，6號當日確診咗第12單武漢肺炎個案。除咗喺4月8月有兩位患者好返出院之外，其它嗰10位患者都喺晒同年6月6號好返出院。

第二波疫情

2020年9月11號，梵蒂岡確診第13單武漢肺炎感染個案，患者喺梵蒂岡出境，入境意大利羅馬時未發現，直到入境菲律賓時先至被發現而俾梵蒂岡嘅衛生部門重新統計返。嚟到10月12、15號重確診咗夾埋10單感染個案（12號三單，15號7單），患者都係喺瑞士返嚟嘅護衛隊成員。到10月最後一日，感染個案去到27單。踏入2022年，喺1月18號又出兩單感染武漢肺炎個案。