聯合早報
 | 呢篇文側重咗喺部分見解、事件或爭議。 |
《聯合早報》係星加坡嘅華文報紙，喺當地簡稱為「早報」。佢係喺1983年由《南洋商報》同埋《星洲日報》兩間報館合併而成，而家係新加坡報業控股旗下。
根據官方數字，家下報紙銷售量每日40萬份左右。佢哋除咗喺新加坡發行之外，亦喺中國、香港同汶萊等地少量發行。喺中國，一啲五星級酒店、大商場同埋公共圖書館，都可以閱覽到《聯合早報》[1][2]。近年，佢哋亦有擴展網上媒體業務，主要服務新加坡同中國嘅讀者[1]。
爭議
[編輯]親中立場問題
[編輯]佢哋報導新聞嘅語氣幾迎合中國大陸，所以響大陸受到擁護。不過亦因為咁，佢哋受到一啲反共人士嘅批評。例如，親法輪功嘅《大紀元時報》，就曾經批評《聯合早報》喺中共殘酷鎮壓法輪功嘅問題上，中國新華社遙相呼應，連續不斷咁大量刊登誹謗攻擊法輪功嘅文章，對新加坡公眾造成極為惡劣嘅影響[3]。
另外，喺武漢肺炎疫情期間，台灣政府同世界衛生組織秘書長譚德塞有唔少嘅交鋒，聯合早報就曾經發表文章為譚德塞護航，批評台灣副總統陳建仁同外交部長吳釗燮。事件引起台灣唔少關注，而民進黨立委蔡易餘亦曾經表示經過對《聯合早報》長久嘅觀察，形容佢係一個親中派嘅媒體，亦係中國大外宣嘅一部分[4]。民進黨另一個立委王定宇亦指，該名撰文者庄慧良，過往亦曾經撰寫掩護韓國瑜嘅報導，指呢篇批評台灣嘅文章，根本就係習近平嘅意見[2]。
報導彭帥事件風波
[編輯]喺張高麗涉嫌性侵彭帥事件入面，聯合早報曾經刊登一段彭帥接受嘅訪問，當中彭帥否認自己被性侵[5]，事件引起全球好大關注，但之後BBC 記者馮兆音就揭發，採訪彭帥嘅顧功壘早係 2017 年已經離開《聯合早報》新聞部，轉到銷售部門，而呢份所謂報道，其實係中國官方嘅廣告[6]。
睇埋
[編輯]參考
[編輯]- ↑ 1.0 1.1 〈关于我们 | 早报〉。www.zaobao.com.sg (英文)。喺2021-05-21搵到。
- ↑ 2.0 2.1 〈新加坡媒體控台官員攻擊譚德塞 王定宇揭背景：這是中共習近平意見 | 政治〉。《新頭殼 Newtalk》 (中文)。2020-04-13。喺2021-05-21搵到。
- ↑ 〈評新加坡《聯合早報》的親中立場 - 大紀元〉。《大紀元 www.epochtimes.com》 (繁體中文)。2001-06-14。喺2021-05-21搵到。
- ↑ 三立新聞網 (2020-04-13)。〈星媒護航譚德塞批台亂罵人 遭起底「親中背景」 | 政治 | 三立新聞網 SETN.COM〉。www.setn.com (中文)。喺2021-05-21搵到。
- ↑ 〈彭帥否認說過自己遭性侵 WTA：未能釋除疑慮必須全面調查 | 立場報道 | 立場新聞〉。《立場新聞 Stand News》。原著喺2021-12-24歸檔。喺2021-12-24搵到。
- ↑ 〈BBC 記者：獨家採訪彭帥聯合早報「記者」實為銷售人員 | 立場報道 | 立場新聞〉。《立場新聞 Stand News》。原著喺2021-12-24歸檔。喺2021-12-24搵到。