蔡易餘

蔡易餘（臺灣閩南話：Tshuà I̍k-û；1981年3月14號—）係中華民國民主進步黨政治人，律師出身，喺嘉義縣布袋鎮新塭出世，係民主進步黨前立法委員蔡啟芳個仔。

蔡易餘係台灣第9、10屆立法委員，民主進步黨中央常務執行委員。國立嘉義高級中學畢業、國立臺灣大學法律學系財經法學組畢業。

2012年民主進步黨通過徵召佢做中華民國第八屆立法委員選舉參選人，但當時佢以差距0.61%輸咗畀時任立委翁重鈞。2015年3月27號，民進黨公布嘉義縣海區立委初選民調，蔡易餘獲得40.87%，擊敗前立委林國慶嘅37.89%，獲得提名參選2016年立委選舉。2016年1月16號，蔡易餘以72469票高票當選第九屆立法委員，2016年2月1號正式就職。

政治立場同埋關注嘅議題

睇埋：被視為受到中華人民共和國政府影響嘅非本地媒體一覽

佢會關注中國一啲對外影響力嘅滲透同埋宣傳。例如，佢曾經公開批評新加坡《聯合早報》，形容佢係一個親中派嘅媒體，亦係中國大外宣嘅一部分。佢亦曾經關注滴滴出行喺台灣嘅營運，指後面有中國資金背景，而滴滴出行之前就涉嫌出售車主個人資料，擔心台灣用戶嘅資料會送咗去中國，形容係中資入侵國內運輸業。亦因為咁，佢有時會成為中國內地小粉紅攻擊嘅對象。

佢喺2020年美國總統選舉期間支持當奴侵。