新加坡親中爭議
有部份香港同台灣嘅人認為，新加坡政府同埋一啲媒體採取親中派嘅立場，特別係喺中國同台灣或者香港嘅矛盾衝突上（例如香港反送中運動），新加坡一啲主要媒體報導嘅觀點，甚至官員發言都傾向中共政府。
部分新加坡被視為立場親中嘅言論做法[編輯]
關於聯合早報[編輯]
聯合早報報導新聞嘅語氣幾迎合中國大陸，不過亦因為咁，佢哋受到一啲反共人士（例如係大紀元[1]同埋台灣民進黨嘅立委[2]）嘅批評。
關於新加坡政府[編輯]
2004年8月，時任新加坡外交部長楊榮文喺聯合國大會上發言支持「一個中國」、「反對台灣獨立」。
新加坡總理李顯龍有啲政策同言論被視為對中國友善。例如，喺全球各地政府都開始對華為有所保留，甚至因為華為嘅違法手段有相應制裁措施嘅時候，佢就曾經喺2020年7月話新加坡唔會排除華為。佢又曾經公開讚揚習近平，亦呼籲過美國唔好同中國衝突[3]，又支持北京未經諮詢或香港人同意，強行落實嘅《港版國安法》[4]。
另外，外交部前常任秘書比拉哈里喺香港反送中運動入面，批評香港年輕嘅示威者，話佢哋「近乎愚蠢到了極點」，仲強調「近乎」，因為呢啲示威者嘅愚蠢行為持續超出佢嘅預期[5]。新加坡總理李顯龍亦曾經話，示威者提出嘅「五大訴求」意義在於羞辱並推翻特區政府[6]。
其他公眾人物[編輯]
新加坡總理夫人何晶被一啲台灣人批評，話佢對台灣唔友善[7]。
外間對新加坡親中立場嘅評論[編輯]
- 對於聯合早報嘅親中立場，有啲人會用『新加坡特別行政區』呢個詞語，揶揄聯合早報喺一啲問題上就好似係中國政府嘅一部分[8][9]。
- 2021年11月，美國總統拜登喺民主高峰會決定請台灣參加，但係冇請到新加坡。時事評論員黃世澤形容，係表明唔信任李顯龍，唔滿意佢同習近平眉來眼去嘅做法，甚至令新加坡變成「坡縣」，猶如中國嘅一部分[10]。
反駁親中指控嘅觀點[編輯]
有啲人並唔認同呢啲指控。例如新加坡草根書室董事林韋地就曾經喺聯合報嘅網上版評論，指台灣人明顯接受有關資訊95%都係來自當地嘅華文媒體，但呢啲媒體喺新加坡或者馬來西亞，都並唔係台灣人想像中咁樣佔嘅多數，甚至係親中媒體同中共外宣對新馬嘅敘述，同現實好大嘅差距[11]。
另外，喺武漢肺炎疫情期間，何晶對台灣捐贈口罩嘅做法，喺社交媒體以「呃...」來回應，部分新加坡網民亦對何晶有所批評[7]。
睇埋[編輯]
參考[編輯]
- ↑ 〈評新加坡《聯合早報》的親中立場 - 大紀元〉. 《大紀元 www.epochtimes.com》 (繁體中文). 2001-06-14. 喺2021-05-21搵到.
- ↑ 三立新聞網 (2020-04-13). 〈星媒護航譚德塞批台亂罵人 遭起底「親中背景」 | 政治 | 三立新聞網 SETN.COM〉. www.setn.com (中文). 喺2021-05-21搵到.
- ↑ 自由時報電子報 (2020-07-29). 〈李顯龍讚習近平「意志堅定」 指新加坡不會排除華為 - 自由財經〉. 《自由時報電子報》. 喺2021-11-05搵到.
- ↑ 歐敬洛 (2020-07-29). 〈【港版國安法】李顯龍呼籲香港冷靜 香港繁榮穩定對新加坡有利〉. 《香港01》 (香港中文). 喺2021-11-05搵到.
- ↑ 新加坡紅螞蟻 (2019-07-16). 〈75%新加坡人支持「反送中」，但務實理性的星國人是否有走上街頭的一天？〉. 《The News Lens 關鍵評論網》 (中文). 喺2021-11-05搵到.
- ↑ 〈李显龙：香港看不到简单出路，反对派诉求是想羞辱与推翻港府〉. china.huanqiu.com. 喺2022-07-18搵到.
- ↑ 7.0 7.1 自由時報電子報 (2020-04-14). 〈總理夫人「呃」引台網友怒火 新加坡鄉民「真實反應」曝光 - 國際〉. 《自由時報電子報》 (中文). 喺2021-11-05搵到.
- ↑ 歐洲動態(番外篇) (2021-08-24). 〈「中華人民共和國新加坡特別行政區」的聯合早報？〉. Medium (英文). 喺2021-11-05搵到.
- ↑ "LIHKG". 《LIHKG 討論區》. 喺2021-11-05搵到.
- ↑ 《Biden民主高峰會決定請台灣，唔請新加坡 黃世澤幾分鐘評論 20211124》 (英文), 喺2021-11-24搵到
- ↑ nereuseng. 〈不懂別亂評！部分台灣網民對新馬的誤解與現實差距 | u 值媒〉. umedia (英文). 喺2021-11-05搵到.