金正恩

金正恩（粵拼：gam1 zing3 jan1；朝鮮文：김정은／金正恩^{Kim Chŏngŭn}；以前誤譯過做金正銀、金正雲；1984年1月8號—），係朝鮮民主主義人民共和國（北朝鮮）嘅領袖，做緊朝鮮勞動黨總書記、朝鮮勞動黨中央軍事委員會委員長、朝鮮國務委員會委員長、武裝力量最高司令官。有共和國元帥軍銜，係前任最高領導人金正日嘅第三仔。

佢喺大中華地區，有網民同中國大陸人成日幫佢改花名，出名有「金三胖」，佢喺百度百科、新浪微博等大陸網絡因「防火長城」而搜尋唔到^[2]。

2010年9月28號，做咗人民軍大將同埋朝鮮媒體亦第一次正式提起佢，跟住重做埋勞動黨中央委員同中央軍委副委員長。大合照嗰陣坐係金正日嘅左邊第二個位，突顯佢係黨入面嘅地位僅次於當時嘅中央政治局常委。

2010年9月被授予大將軍銜，2012年7月被授予共和國元帥軍銜。

2010年1月，北韓紀錄片見到金正恩倒轉個望遠鏡嚟用，令人懷疑佢係一啲軍事常識都冇^[3]。

食家

睇傾改朝鮮民主主義人民共和國最高領導人
第一代（1948－1994）	金日成（勞動黨總書記、國家主席、軍委委員長、最高司令官；大元帥）
第二代（1994－2011）	金正日（勞動黨總書記、國防委員長、軍委委員長、最高司令官；大元帥）
第三代（2011－）	金正恩（勞動黨總書記、國務委員長、軍委委員長、最高司令官；元帥）
朝鮮最高領導人係世襲終身制，由建國領導人金日成家族統治。