阿姆斯特丹

阿姆斯特丹 Amsterdam
別名：Amstelredam
國家	荷蘭
省份	北荷蘭省
現任市長	Eberhard van der Laan
面積 －城市面積 －土地面積 －水域面積	219平方公里 166平方公里 53平方公里 (2006年1月1日)
人口 －總人口 －人口密度	743,027 (2006年1月1日) 4,459/平方公里
時區	UTC +1
位置 －經度 －緯度	4°54′E 52°22′N
氣溫 －全年最高 －全年最低	31℃（8月） -3℃（1月）

單車

中央火車站

阿姆斯特丹嘅運河

阿姆斯特丹市景

阿姆斯特丹（荷蘭文：Amsterdam），廣東話叫菴士或者菴士埠，舊時又叫做荷京，係荷蘭嘅首都，以港口、紅燈區、咖啡鋪同運河出名，有「北歐威尼斯」嘅稱呼，人口約74萬。

現代城市

由於古典同現代融合，阿姆斯特丹成為旅遊者嘅聖地、生活嘅樂園同商人嘅寶地。2004年有7百萬遊客嚟過。鋪頭、咖啡廳四圍都係嘅街，繁榮嘅商業貿易同豐富嘅文化資源畀呢處嘅人生機同現代感。單車，有軌電車，地鐵，船，以至溜冰鞋載住啲人過日子。阿姆斯特丹繼續係世界最有嘅競爭力大都市行列之中。

市內交通

以電車同巴士為主，而地下鐵只有兩條線。中央火車站係荷蘭去其他國家嘅重要一站。喺阿姆斯特丹，單車係市民嘅主要交通工具之一。市内嘅路大部分有單車徑。阿姆斯特丹市内有好多運河，就係昔日發達航運嘅見證。阿姆斯特丹主要嘅國際機場係位於市區西南方15公里處嘅史基浦機場（Schiphol）。

運動

阿姆斯特丹1928年搞過第九屆夏季奧林匹克運動會，係到而家唯一荷蘭城市搞過夏季奧運會。

阿姆斯特丹亦係荷蘭甲組足球聯賽球隊阿積士足球會嘅主場城市，主場係阿姆斯特丹球場。阿積士贏過歐洲聯賽冠軍盃、歐洲足協盃、歐洲盃賽冠軍盃同洲際盃足球賽冠軍。

經濟

阿姆斯特丹係荷蘭最主要嘅金融商貿城市。好多荷蘭嘅大型企業同銀行都將佢哋嘅總部開喺阿姆斯特丹，其中包括荷蘭銀行、飛利浦、阿克蘇諾貝爾、ING集團、皇家阿霍德、喜力同埋綠色和平。

阿姆斯特丹嘅阿姆斯特丹證券交易所曾經係世界上最歷史悠久嘅證券交易所，而家已經併入泛歐交易所，註冊總部依然喺阿姆斯特丹，係歐洲最大嘅證券交易所。

教育

阿姆斯特丹有兩間大學：阿姆斯特丹大學同埋阿姆斯特丹自由大學。