歐羅

出自維基百科,自由嘅百科全書
跳去: 定向搵嘢
歐羅嘅標誌

歐羅ISO 4217代碼EUR)又叫歐元Euro),出世嗰陣時係歐洲聯盟入便十二個國家貨幣、呢十二個國家係奧地利比利時芬蘭法國德國希臘愛爾蘭意大利盧森堡荷蘭葡萄牙同埋西班牙,佢哋就合稱做歐羅區(Eurozone)。到而家已經有更加多嘅國家加入咗歐羅區。

1歐羅=100歐分(cent)。

Euro 2014
Euro coins and banknotes.jpg

特點[編輯]

內文: 歐羅硬幣歐羅紙幣

所有嘅歐羅硬幣正面都係相同嘅,標有硬幣嘅面值,就叫做「共同面(common side)」,而硬幣背面嘅圖案就係由發行國自行設計(national side)。君主立憲制嘅國家通常都會用佢哋君主嘅頭像,其他國家就通常用佢哋國家嘅象徵。所有唔同嘅硬幣都可以喺所有地區使用,好似鑄有西班牙國王頭像嘅硬幣喺出咗西班牙以外嘅其他使用歐羅國家仍然係法定貨幣。歐羅硬幣一共有8種:2歐羅、1歐羅、50歐分、20歐分、10歐分、5歐分、2歐分同埋1歐分。雖然2歐羅同2歐分嘅硬幣一般唔喺芬蘭同荷蘭使用,但仍然係法定貨幣。

每種面額嘅歐羅紙幣嘅設計喺各個國家都係一樣嘅。歐羅紙幣一共係有7種:500歐羅、200歐羅、100歐羅、50歐羅、20歐羅、10歐羅同5歐羅。即使大面額嘅紙幣喺某啲國家並唔發行,但仍然都係法定貨幣。

泛歐自動實時清算系統(Trans-European Automated Real-Time Gross Settlement Express Transfer System,TARGET)係一個喺歐羅發行以前就已經設立嘅歐洲範圍內大額交易清算系統。對於小額支付嘅一般規則係:喺歐羅區之內嘅轉賬視為國內轉賬,歐羅區內信用卡支付同ATM提款嘅費用同國內費用相同,票據支付,例如支票等,亦都係同國內一樣。

使用歐羅嘅國家[編輯]

目前官方使用歐羅嘅國家有奧地利比利時塞浦路斯愛沙尼亞芬蘭法國德國希臘愛爾蘭意大利拉脫維亞盧森堡荷蘭葡萄牙斯洛伐克斯洛文尼亞同埋西班牙。某啲歐羅區國家嘅海外領土,好似係法屬圭亞那留尼汪聖皮埃爾和密克隆群島馬提尼克等等嘅地區都係使用歐羅。

摩納哥以前用法國法郎聖馬力諾梵蒂岡以前用意大利里拉,而兩者已被歐羅替代。根據佢哋同歐盟之間嘅協議,佢哋亦都可以代表歐盟鑄造歐羅硬幣

安道爾以前用嘅法國法郎同西班牙比塞塔黑山科索沃以前用德國馬克,就算佢哋同歐盟之間冇咩法律上嘅協議畀佢哋用歐羅,但目前佢哋亦都將歐羅作為「實際嘅」貨幣。喺2004年10月,安道爾開始同歐盟協商關於允許安道爾好似摩納哥聖馬力諾梵蒂岡一樣鑄造歐羅硬幣嘅協議。

好多以前匯率同歐洲貨幣掛鉤嘅貨幣,比如同葡萄牙埃斯庫多掛鉤嘅佛得角埃斯庫多,目前已經改為同歐羅掛鉤。目前歐羅喺佛得角已經被廣泛接受。而喺2004年11月,佛得角嘅首相喺一個葡萄牙舉行嘅會議上考慮將歐羅作為佛得角嘅正式貨幣。

2002年12月,朝鮮亦都用歐羅代替咗美金成為佢地對外流通同結算嘅主要貨幣,喺大部分黑市同埋以前使用美金嘅商店,歐羅亦已經代替咗美金。

總括嚟講,歐羅已經係31個國家同地區嘅官方貨幣,28個國家同埋地區嘅官方貨幣同埋佢哋嘅匯率同歐羅掛鉤。

出面網頁[編輯]