路透（Reuters）係世界前三大嘅多媒體新聞通訊社，提供各類新聞同金融數據，響 128 個國家運作。路透提供新聞報導畀報刊、電視台... 以又快又準出名。另一方面，路透提供工具同平台，好似股價同外幣匯率，畀交易員分析金融數據同管理交易風險，同時路透嘅系統畀啲客戶喺互聯網做買賣，取代電話或紐約證券交易所嘅交易方法。
路透嘅服務分為四個部份：買賣交易、資產研究管理、企業同媒體，其中超過 90％ 嘅收入嚟自金融服務業：對股票、外幣匯率、債券嘅分析、處理、發送，同埋開發相關產品。
