松鼠狗

出自維基百科,自由嘅百科全書
跳去: 定向搵嘢
松鼠狗

松鼠狗,香港以外叫′′′博美犬′′′,英文名Pomeranian,係一種,起源自德國東北部,成身全部或者一部份毛係啡色,有啲似松鼠

原產地係波蘭西北部同德國東北部沿海交界嘅波美拉尼亞。

松鼠狗因為體型細,亦會被分類玩具狗,即係經過精選嘅小型同伴狗或寵物狗。

性格[編輯]

松鼠狗性格活潑佻皮,好聰明,有好奇心同埋強烈嘅霸地盤慾望。

松鼠狗係一種非常容易融入家庭嘅狗種,一般松鼠狗會揀一位家庭成員為領袖。

松鼠狗身型細,唔係理想嘅「看門狗」,但係佢有尖銳嘅吠聲,對陌生人都會係一種警告。 

松鼠狗可以群體生活,對同類好友善,但係若果遇到有攻擊性嘅狗,松鼠狗會不顧一切咁反擊,就算比佢大幾倍嘅狗亦都一樣。

壽命[編輯]

松鼠狗係一種健康嘅狗品種,壽命同其他玩賞狗差唔多,普遍長命嘅可以到12-16歲。