雜貨舖

雜貨舖（粵拼：zaap6 fo3 pou3），又叫士多、辦館，係賣日常糧油食品嘅舖頭，亦有兼賣其他嘢。個名反映舖頭，立立雜雜乜都賣，呢啲係相對專門舖頭而言。舖頭開喺住家、屋邨附近。

香港賣糧油雜貨，多數叫雜貨舖，而賣西貨叫士多同辦館。而廣州地區統一將糧油雜貨同賣西貨地區叫做士多。有啲唔係賣糧油，而賣衫，賣針綫，賣鞋等等日常用品，通常叫百貨。而乜都兼賣，就叫超級市場。

香港隨著舊區發展重建，好多雜貨舖已冇咗，做唔住，俾大型超級市場代替。

貨

賣乜貨並無好嚴格分類，視乎舖頭而定，間間可以唔同，但大致可以咁分：

食油：如花生油、粟米油、芥花籽油、橄欖油、葵花籽油、沙拉油、葡萄籽油
鹽：如粗鹽、海鹽及餐桌鹽等
糖：如砂糖、黃糖、冰糖、黑糖、片糖、紅糖、蔗糖
米：如白米、糙米、紅米、糯米、紫米、小米、麥米、高梁米、圓江米、大黄米、黑香米、糯香糙米
醬：如豉油、蔴油、辣椒醬、甜醬、XO醬、芝麻醬、蝦醬、豆瓣醬、魷魚醬、喼汁、茄汁
急凍肉 : 如雞肉、牛肉、豬肉、羊肉、水餃、燒買、蝦餃、魚蛋、火腿、香腸
調味料：如胡椒粉、五香粉、沙薑粉、咖哩粉、大地魚粉、雞粉、柱侯醬、麵豉醬、蒜粉
罐頭：如午餐肉、回鍋肉、豆豉鯪魚、鳳尾魚、紅燒元蹄、五香肉丁、梅菜扣肉、茄汁豬肉黃豆、鹵豬什、沙甸魚、吞拿魚
麵：如上海麵條、即食麵、通心粉、米粉、粉絲、螺絲粉、意粉、全蛋麪、蝦子麵、魚蓉麵、蜆殼粉
蛋：如雞蛋、竹雞蛋、鹹蛋、皮蛋、鵪鶉蛋、鴨蛋、鵝蛋
其他 : 如腐竹、沙爆豬皮、炸菜、雪菜、大頭菜、腰果、白果、蝦米、乾鴨腎、乾魷魚、大地魚乾、鹹魚、白扁豆、花扁豆、紅豆、綠豆、黑豆、眉豆、·黄豆、冬菇、百合、南杏、北杏、瑤柱、合桃、蜜棗、紅棗、雪耳、花生、竹笙、臘腸、臘鴨、腐乳、南乳、白芝麻、羅漢果、薯粉、葛粉、麵粉、生粉、發粉、食用梳打粉