可口可樂（英文：Coca-Cola ），簡稱可樂，係美國廠商可口可樂公司喺世界各地生產嘅汽水。
可口可樂喺1885年由美國人約翰．彭伯頓發明。
據說，可口可樂最初喺20世紀20年代叫「蝌蝌啃蠟」，因為個名好怪，唔好賣，於是可口可樂公司公開登報，懸賞 350 英磅（有一說 30 蚊美金[1]，另有一說係 24 英磅[2]）為徵求譯名，由當時一個叫蔣彝嘅人攞走獎金[3]。有人話佢係秀材，一說話佢係教授。
