生命麪包
(由嘉頓生命麵包跳轉過嚟)
想搵性遊戲嘅話，請睇生命麪包 (遊戲)。
生命麪包（英文：Life Bread，又寫做生命麵包）係香港嘉頓出嘅切片方包牌子，1960年開始出產，特點係添加咗額外嘅營養。
款式
[編輯]
| 款式名 | 包裝 | 賣點 |
|---|---|---|
| 生命麪包 | 藍白格仔袋 | 原味，加咗維他命B1、維他命B2、維他命B3、鈣質、鐵質同葉酸 |
| 蜜糖雞蛋生命甜包 | 綠白格仔袋 | 用蜜糖同雞蛋整嘅甜包，加咗奧米加三 |
| 高纖維質生命麥包 | 橙白格仔袋 | 用全麥麵粉整嘅麥包，含高纖維質 |
| 高蛋白質生命麵包 | 淺藍白格仔袋 | 加咗蛋白質同鈣質 |
史
[編輯]1960年代，嘉頓事頭張子芳見到香港好多市民缺乏營養，就請咗專家去研發一種添加咗維他命同礦物質嘅方包，希望食咗嘅人嘅生命可以更加健康，所以就叫佢做「生命麪包」。1970年代，香港發生過幾次重大天災，政府都用咗生命麪包做主要嘅賑災嘢食。
相關事件
[編輯]2019年香港反修例運動入面，喺香港理工大學爆發過衝突，大學出面畀警方重重包圍，入面就有唔少抗爭者留守。有警察就串班抗爭者，話佢哋只可以食冰凍嘅「生命麪包」，自己收工就可以去深圳幫襯海底撈打甂爐同飲啤酒，又話「生命麪包」通常係基層、拾荒者、老人家食，係好可憐嘅事。[1]呢啲言論引起好多香港人好嬲，更有網民發起食「生命麪包」去撐留守理大嘅人[2][3]。
參考
[編輯]- ↑ 警嘲留守者：你食生命麵包 我食海底撈 互聯網檔案館嘅歸檔，歸檔日期2020年3月28號，.，蘋果日報，2019年11月23號
- ↑ 港警「生命麵包」論登微博熱搜 網民：海底撈要付廣告費
- ↑ 〈警開咪嘲留守者要食生命麵包 網民發起「和你食包」〉。原著喺2020年3月28號歸檔。喺2019年11月22號搵到。