冷衫

  提示：呢篇文講嘅唔係冷杉。

冷衫

冷襪

冷手套

冷衫（Laang^5-1saam¹）（注意「冷」嘅變調），又叫羊毛衫（joeng⁴mou⁴ saam¹）、羊毛冷衫（joeng⁴mou⁴ laang^5-1saam¹），係用冷織嘅厚衫，主要用來畀人抵冷，冚住人身同埋臂（有時亦會畀第啲動物着），通常着喺裇衫或T-裇之外。多數冷衫用綿羊毛織，亦有羊駝毛嘅；但而家，綿、合成纖維或者撈埋嘅都有。

冷杉係用手洗，跟住再用除塵轆去保養。

冷衫所以叫冷衫，係因為佢係冷天着嚟保暖嘅衫。冷衫係由毛冷球毛線編織成嘅毛織品。亦有一種講法，「冷」係法文 laine（羊毛；法文讀音：[lɛn]）嘅音譯。

冷衫分機織成衣同人手針織兩大類，尤其係後者，由女友親手編織嘅示愛毛衣，又叫做「溫暖牌」冷衫。

傳說，動物毛線冷衫經水洗會縮水，化學纖維冷衫易走樣。