冷衫
冷襪
冷手套
冷衫，又叫羊毛衫、羊毛冷衫，係用冷織嘅厚衫，主要用來畀人抵冷，冚住人身同埋臂（有時亦會畀第啲動物着），通常着喺裇衫或T-裇之外。多數冷衫用綿羊毛織，亦有羊駝毛嘅；但而家，綿、合成纖維或者撈埋嘅都有。
冷杉係用手洗，跟住再用除塵轆去保養。
冷衫所以叫冷衫，係因為佢係冷天着嚟保暖嘅衫。冷衫係由毛冷球毛線編織成嘅毛織品。亦有一種講法，「冷」係法文 laine (羊毛)嘅音譯。
冷衫分機織成衣，同人手針織兩大類，尤其係後者，由女友親手編織嘅示愛毛衣，又叫做「溫暖牌」冷衫。
傳說，動物毛線冷衫經水洗會縮水，化學纖維冷衫易走樣。
