白飯魚 (鞋)

出自維基百科,自由嘅百科全書
  呢篇文講一種鞋。想搵種魚嘅話,請睇白飯魚
一對傳統嘅白飯魚
鞋帶嘅白飯魚

白飯魚帆布鞋嘅一種,係香港對白布鞋嘅俗稱,佢形同色似白飯魚,所以有咁嘅名。白飯魚通常喺中國大陸出產,用帆布鞋身橡膠鞋底,底部大部份都係綠色或者黑色。通常包裝上便都寫住網球鞋。因為夠平,唔怕整污糟,所以做三行都會着住來做嘢。另外喺中式喪禮,家屬要全身着白色,所以就會買一對平嘅白飯魚淨係喺喪禮嗰陣着,喪禮完咗之後揼亦都唔會太可惜。

白飯魚係運動鞋,但比其他運動鞋平,所以1970-1980年代唔少人着嚟做運動。由於穿着方便,1980至1990年代唔少香港嘅細路,都會着白飯魚唔着落街玩。

白飯魚曾經係唔少香港中小學體育堂指定嘅運動鞋,但係後嚟物理治療師發現白飯魚結構單薄,除咗唔能夠對腳部提供足夠嘅保護之外,重可能因此引致受傷,要求學校唔好強逼學生着白飯魚,之後大部份學校都改為全白運動鞋。

參攷[編輯]