「乒乓」跳轉到呢度。想搵同「乒乓」呢兩個字差唔多嘅其他嘢，請睇「
乒乓 (搞清楚)」。
打乒乓波
乒乓波，書面叫乒乓球，又簡稱乒球[1]，響日本同台灣叫桌球，係一種常見嘅運動，因為打波時會有乒乓聲所以有咁嘅名。乒乓波由兩個或者四個人對打，輪流用乒乓波拍將乒乓波打落對手嗰邊乒乓波檯，邊個首先打唔到個波又或者打咗個波出檯嘅就失分。
首先拋波，拋嘅高度一定要過網頂（大概16厘米）。
拋波之後，用波板嘅膠面撞落個波度，令到個波掂到自己檯之後，過網再掂到對面檯就算成功開波。
如果個波過網嘅時候撞到個網，就算係失誤，要重新開過。
