雪糕

出自維基百科,自由嘅百科全書
士多啤梨雪糕

雪糕粵拼syut3 gou1)係甜品一種,凍食,用造。因爲雪糕凍冰冰,一般畀人認為係啱晒夏季消暑[1]

最簡單嘅雪糕,用常見嘅嘢食,即牛奶乳酪奶油等,同一啲甜品同其他調味料溝成嘅冰涼嘢食。將佢哋溝埋一齊之後,雪到佢溫度好低,要佢保持鬆軟,又唔會變大嚿

工業製成嘅雪糕一般係將溝好嘅雪糕液體注入冰鹽混合物嘅模具之中,冰鹽混合物喺融化嘅過程中,會吸收大量嘅熱,可以好方便嘅將已經整好嘅液體冷凍成雪糕。美國聯邦食品法規定,雪糕嘅成份中奶油至少係重量嘅百分之十。

唔同語言嘅叫法[編輯]

英文叫佢 ice cream國語冰淇淋冰激淋,都係嚟自英文。冰指 ice,淇淋與激淋,係 cream 嘅國語音譯。

味道同款式[編輯]

裝喺膠盒度嘅奶磚

雪糕有純奶味之外,現今雪糕主要味道,有雲呢拿朱古力,第啲口味,有哈密瓜綠茶紅豆芒果士多啤梨椰子豆腐焦糖芝麻菠蘿香芋榴槤oreo 等等。常見嘅配料就有車厘子餅乾、朱古力、提子乾香蕉、榴槤、士多啤梨等等[1]

雪糕放入任何材料嘅容器度都食得。唔同國家,有唔同製法,例如日本會將雪糕包喺糯米粉糰入面,成為雪米糍。最普遍嘅樣式係喺製作過程中,將雪糕同雪條一樣直接用一條木棍或塑膠棍插起,咁樣食會較方便。另一種常見食法係裝喺由威化做成嘅圓錐形雪糕筒度,叫做甜筒;又可以將雪糕放在雪枱,快炒五分鐘,將雪糕由液體炒到變固體,叫做炒雪糕。重有一種食法,就係將雪糕放入兩塊餅乾中間,叫做雪糕三文治

睇埋[編輯]

[編輯]

  1. 1.0 1.1 Weir, Caroline; Weir, Robin (2010). Ice Creams, Sorbets & Gelati:The Definitive Guide.

[編輯]