雪條
雪條係一種凍甜品。雪條有棍仔插入雪硬咗嘅果汁或者雪糕，畀人拎住嚟食；而扁形嘅棍叫做雪條棍。
歷史
[編輯]根據記載，最早嘅雪條係美國加州三藩市 Frank Epperson發明嘅。1905年，佢想試整一種新嘢飲，所以就用梳打水溝埋唔同味道。佢突然間想試涼浸浸嘅味，就將啲嘢飲入落玻璃管，放咗響後院。又咁啱嗰晚凍到攝氏零度以下，第二日佢返嚟睇，發覺嘢飲結晒冰，而且連埋支搞嘢嘅木棍都黐實埋，佢就索性用支棍起冰拎起。佢形容支嘢係好靚嘅粉紅冰凍波板糖。呢個就係第一支雪條。[1]
整法
[編輯]整雪條，通常係將糖、調味料、香料同埋色素，撈喺水、果汁或者牛奶裏面，壐倒入去柱形盒，插支雪條棍固定。之後將個成個盒放入去雪櫃度雪硬。拎返出來就係雪條喇。整雪條有時加啲紅豆、綠豆等唔同料，等佢多款式。有時重會有朱古力做皮。