地中海

地中海嘅衛星地圖

地中海係一個北面俾歐洲大陸，南面俾非洲大陸同東面俾亞洲大陸圍住嘅海。由東至西約莫有4000公里，南北最闊嘅地方就大概有1800公里，面積有251.6萬平方公里，係世界上最大嘅內陸海。地中海西邊，經過直布羅陀海峽，同大西洋相連，而東面就通過土耳其海峽同黑海相連。19世紀，埃及嘅蘇彝士運河開通咗，地中海就連接埋落紅海。地中海係世界上最古老嘅海域之一。

得名

地中海，英文名係Mediterranean Sea，嚟自拉丁文嘅mediterraneus，表示喺「陸地嘅中間」（medius表示中間，而terra表示陸地）。呢個名好貼切噉形容地中海嘅地理形勢狀況。

沿岸嘅國

• 歐洲國：（從西至東排）西班牙、法國、摩納哥、意大利、馬耳他、斯洛文尼亞、克羅地亞、波黑、黑山、阿爾巴尼亞、希臘、塞浦路斯。
• 亞洲國家：（從北至南排）土耳其、敘利亞、黎巴嫩、以色列同巴勒斯坦自治政府。
• 非洲國：（從東至西排）埃及、利比亞、突尼西亞、阿爾及利亞、摩洛哥。