珊瑚海
珊瑚海（粵拼：saan1 wu4 hoi2；英文：Coral Sea）係澳洲東北面嘅一個海，東面係溫納圖同法屬新喀里多尼亞；南面係塔斯曼海；西面係澳洲昆士蘭同大堡礁；北面係新畿內亞、所羅門群島同所羅門海。呢個海既係地球入面最大最深嘅海同時，重有啲人叫佢做「鯊魚海」[1][2][3]。
兩個之最
[編輯]所謂「世界上最大嘅海」
[編輯]喺全世界嘅大海入面，面積超過200萬平方公里嘅有8個；超過300萬平方公里嘅有3個；而超過400萬平方公里嘅，凈係得珊瑚海一個；所以話世界上最大嘅海就係佢。而珊瑚海嘅總面積係去到479.1萬平方公里。
所謂「世界上最深嘅海」
[編輯]珊瑚海嘅海底地形方面，大多數都係從西向東傾斜，而平均水深有2394米，大部分地方嘅水深有3000——4000米，而最深度嗰度有9174米咁深。所以佢重係世界上最深嘅海。
氣候
[編輯]由於珊瑚海喺南半球嘅熱帶地區入面，所以全年水溫都超過20℃，如估係最熱嘅月份，一般都超過28℃。
所謂「超多珊瑚礁」
[編輯]由於珊瑚海嘅周圍幾乎冇河流入個海咁滯。所以個海都好清，重鬼咁透明噉，啲人喺海面都可以睇到20米深嗰度有乜嘢，而且水底都夠嗮嘅光線添；加上佢凈係得27——38‰嘅鹽分，所以點解啱珊瑚蟲喺度生活囉。不過啲珊瑚蟲好鍾意喺大陸架同淺灘嗰度快大過，所以就生咗好多珊瑚礁出嚟。不過啲珊瑚礁凈係微微噉出喺睡眠嗰度，重鬼咁七彩添，所以又搞出咗比較靚嘅熱帶景出嚟。
大堡礁
[編輯]内文：大堡礁
世界上最大嘅珊瑚礁——大堡礁就喺呢個海入面。佢嘅礁石周圍嘅海水度飄住好多五顏六色嘅生物映住七彩繽紛嘅珊瑚，變成咗好騎呢嘅童話世界。
所謂「鯊魚海」
[編輯]其實珊瑚礁重幫海洋嘅動植物畀咗優越嘅生活同棲息條件。其中入面有鯊魚、鯡、海龜、海參、珍珠貝等。由於佢入面有好多鯊魚喺度生存，所以又畀人叫做「鯊魚海」[1][2][3]。
有關嘅書
[編輯]- 中国少年儿童百科全书 自然·环境 第209页 浙江教育出版社 ISBN·7-5338-1946-2/G·1942
- 我的第一本探索书：自然奇观 Google 图书结果
攷
[編輯]- 世界上最深的海：珊瑚海又称“鲨鱼海”
- 世界最大的海：珊瑚海 追学网（地理）
- 最深的海——珊瑚海 世界商贸网
- 大堡礁潜水：澳大利亚鱼鹰珊瑚礁珊瑚海。鲨鱼喂食狂潮 优酷网
- 珊瑚海到底是什么样子的 浙江省海洋监测预报中心
註
[編輯]- ↑ 1.0 1.1 Sharks of the Coral Sea CAFNEC
- ↑ 2.0 2.1 Coral Sea a biodiversity hotspot for sharks Australian GEOGRAPHIC
- ↑ 3.0 3.1 4 Nights - Fly Dive Coral Sea 互聯網檔案館嘅歸檔，歸檔日期2015年3月15號，. Mike Ball Dive Expeditions