跳去內容

蘇彝士運河

改拎
座標：30°42′18″N 32°20′39″E / 30.70500°N 32.34417°E / 30.70500; 32.34417
出自維基百科，自由嘅百科全書
蘇彝士運河
蘇彝士運河嘅衛星雲圖
坐標30°42′18″N 32°20′39″E / 30.70500°N 32.34417°E / 30.70500; 32.34417
規格
長度193.3 km（120.1英里）
最大船寬77.5 m（254 ft 3 in）
最大船食水20.1 m（66 ft）
閘數冇
航運機構蘇彝士運河管理局（英文：Suez Canal Authority）
歷史
開工日期1859年4月25號， 165年之前 (1859-04-25)
完工日期1869年11月17號， 154年之前 (1869-11-17)
地理
起點塞得港
終點蘇彝士
美國海軍華盛頓號就嚟要穿越橫跨蘇彝士運河嘅大橋底下

蘇彝士運河（阿拉伯文：قناة السويس‎）又譯蘇伊士運河，係埃及嘅一條運河，接通地中海同埋紅海，係國際船運嘅主要通道之一。

地理

[編輯]

呢條運河響西奈半島西面，橫跨蘇彝士地峽，由喺地中海海岸嘅塞得港，一路去到紅海海岸嘅蘇彝士城（al-Suways），總共嘅長度差唔多有163公里（101英里），係世界上最大嘅冇船閘運河。

作用

[編輯]

呢條運河駁通咗歐洲同亞洲之間嘅南北水運，畀啲貨船唔使兜過非洲南邊嘅好望角，航程慳咗好多。如果由英國嘅倫敦港或者法國嘅馬賽港，去到印度嘅孟買港航行一次，可以分別慳 43% 同埋 56% 嘅時間。喺有蘇彝士運河之前，有時啲人會選擇由船上面落哂貨，經陸路去通過地中海同紅海之間。

史

[編輯]

古代

[編輯]

起運河，史上可追到埃及第十二王朝，法老辛努塞爾特三世（Senusret III，佢嘅名就係「蘇彝士」字眼嘅來源）為咗通過陸行平底船嚟直接貿易，下令挖掘咗一條東西方向嘅運河，駁通紅海同尼羅河。證據顯示，呢條運河至少用到公元前13世紀嘅拉美西斯二世時期，跟住運河荒廢。根據希臘史學家希羅多德著作《歷史》（The Histories of Herodotus）記載，大概喺公元前600年 Necho 二世要求重新再掘過，不過佢冇完成呢個工程。

去到公元前500年，波斯王朝國王大流士一世喺征服埃及之後，完成重建運河嘅大業。大流士喺尼羅河岸邊起咗好多花崗岩石碑嚟紀念佢嘅功績，其中有一塊響離蘇彝士130公里遠（喺 Kabret 鎮附近），叫做大流士碑銘（Darius the Great's Suez Inscriptions），入面寫住：

『 大流士王話：我係波斯人。由波斯開始，我成功征服咗埃及。我命令咗開一條由喺埃及走嘅尼羅河，去到喺波斯走嘅大海（即係紅海）嘅運河。當呢條河好似我要求咁起好之後，啲船亦以我所願，由埃及一路行到去波斯。

(Saith King Darius: I am a Persian. Setting out from Persia, I conquered Egypt. I ordered this canal dug from the river called the Nile that flows in Egypt, to the sea that begins in Persia. When the canal had been dug as I ordered, ships went from Egypt through this canal to Persia, even as I intended）[1].

』

呢條運河喺公元前250年左右，畀托勒密二世重新攞到。喺跟住嘅一千年，佢畀人不停咁改進、摧毀、同重建，直到最尾過公元八世紀，畀亞剌伯帝國阿拔斯王朝嘅哈里發曼蘇爾（al-Mansur）廢棄。

部分由考古學證實到，呢條運河開始開放嘅時間有：

  • 辛努塞爾特三世時期，約公元前1874年。
  • Sity 一世時期，公元前1310年
  • 尼科（Nkhaw）時期，公元前610年
  • 大流士時期，公元前510年
  • 托勒密二世時期，公元前285年
  • 羅馬帝國圖拉真國王時期，公元前117年
  • 阿拉伯埃米爾時期，公元後640年。跟著開放咗150年。
1881年嘅蘇彝士運河圖畫

近代重建

[編輯]

千幾年之後，18世紀尾拿破侖佔領埃及，嚟得切計劃開條運河，駁通地中海同紅海。只不過因為法國人測量出錯，計到紅海嘅海平面高過地中海，意思即係條運河冇船閘唔得，所以拿破侖索性就放棄咗佢嘅計劃，跟住仲喺同英國勢力對抗嘅時候離開埋埃及。

喺1854年到1856年，法國駐埃及領事斐迪南·德·雷賽布（Ferdinand Marie de Lesseps，1805-1894）子爵，攞咗奧斯曼帝國埃及總督帕夏塞伊德（Said Pasha）嘅特別許可。雷賽布係1830年代好出名嘅法國外交家之一。帕夏授權成立一間公司，跟住澳洲工程師Alois Negrelli制定嘅計劃，開一條開放式嘅運河，畀全世界嘅船艇都用得。有關土地嘅租賃，公司可以由運河通航開始，營運99年。蘇彝士運河公司（Compagnie Universelle du Canal Maritime de Suez）喺1858年12月15號正式成立。

挖運河要穿過沙漠，唔少埃及人要挨住11年，有部分嘅地盤工人甚至畀人鞭笞。工程克服咗好多技術、政治、同經費上嘅問題。最尾嘅花費去到一千八百六十萬鎊，多過初頭預算兩倍。一八六九年十一月十七號，運河通航，呢一日就定做通航紀念日。

19世紀第一次通過運河嘅情形之一

對運河嘅爭奪

[編輯]

運河卽影響世界貿易。咁啱六個月前，美國大陸鐵路網完工，啲人東西環遊世界，時間短到創新紀錄。運河亦幫咗歐洲各國，喺非洲殖民。一八七〇年到一九三〇年間，蘇彝士運河公司，純利三十五億法郎，大部分英法兩國所得。一八七五年外債，迫使 Isma'il 帕夏（Sa'id 帕夏嘅繼任者），賣咗國有運河股份畀英國。一八八二年英國騎兵入埃及到並保護運河之後，一八八八年君士坦丁堡大會，公告運河為大英帝國保護下嘅中立區。喺一九三六年英埃條約入便，英國堅持保留控制權，控制運河。

第二次世界大戰，一九四一年二月，德國駐北非遠征軍司令隆美爾，指揮攻擊埃及嘅，准備奪取蘇彝士運河。並試圖向蘇彝士運河擲炸彈。英國魔術師賈斯帕馬斯克林身為特戰人員成為英軍中尉，主持用探照燈同錫片反射器，造成光幕，干擾德軍飛機師晚黑視野，再加上日頭防空炮火，令到轟炸蘇彝士運河，無咁精確，保護咗運河好多。

一九五一年埃及推翻咗當年英埃條約，新政府要求英國撤軍。一九五四年英國同意放棄，一九五六年六月，最後一批英軍撤離埃及。

因為埃及尋求攞到蘇聯軍備，英國同美國撤除咗對建設阿斯旺大壩嘅援助，喺呢件嘢之後納賽爾（Gamal Abdel Nasser）總統宣布運河國有化。呢啲導致咗英、法、以色列嘅入侵，發生咗一個星期嘅1956年蘇彝士戰爭（睇第二次中東戰爭）。沈船同破壞令咗運河閂咗，直至1957年四月喺聯合國幫手之下先清理完。仲整咗一支聯合國部隊，嚟維持運河同西奈半島嘅和平。

喺1967年六日戰爭後，運河再次閂門至八年後嘅1975年6月5號。佢間喺1973年嘅猶太贖罪日戰爭入便，運河成為埃及軍隊入去西奈半島以色列控制區嘅通道，跟住以色列軍隊用運河去西便。1974年起一支聯合國維同部隊入駐西奈半島。

NASA所拍攝嘅蘇彝士運河衛星照片

古代嘅運河

[編輯]
法老嘅運河

古埃及有條由尼羅河連接到紅海嘅東西走向嘅淡水運河，人哋叫佢做「法老嘅運河」[2][3][4]。 而家都仲有條類似路線嘅灌溉水道由開羅市去到蘇伊士市。

有人話呢條運河係喺塞索斯特里斯二世[5]或者拉美西斯二世[2][3][4]嗰陣開始開挖嘅一條小運河，又或者係[2][3] 喺尼科二世時代起頭，喺大流士一世嗰陣完工嘅運河[2][3][4]。

公元前兩千年

[編輯]

埃及第十二王朝嘅法老塞索斯特里斯二世同塞索斯特里斯三世等傳說中嘅塞索斯特里斯，喺公元前1897年到公元前1839年之間開始建造一條連接尼羅河同紅海嘅運河[5][註 1]。當時嘅紅海比而家北移咗，而家嘅大苦湖[2][3]同提姆薩湖（英文版）都仲係海域嚟[6][7]。

亞里士多德喺佢嘅《氣象學》入面咁寫：

佢哋嘅其中一個國王嘗試開一條運河（因為如果成個地區都可以通航嘅話，對佢哋會有好大嘅好處；據話係塞索斯特里斯第一個去試）。但佢發現海面比陸地高。所以佢喺第一時間，之後大流士都係，停咗開運河嘅工程，以免海水同河水混埋一齊，搞壞咗條水。[8]。


斯特拉波寫低咗塞索斯特里斯開始建造運河嘅事。蓋烏斯·普林尼·塞庫恩杜斯喺《博物志》入面寫到，埃及王塞索斯特里斯用一條船舶運河將紅海嘅港口同尼羅河三角洲連接埋一齊，條運河長60英里。之後波斯帝國嘅王大流士都有同樣嘅想法，而托勒密二世更係起咗一條長100英里、闊100英尺、深30英尺，去到大苦湖嘅運河[9]。

喺19世紀尾，法國嘅地理學家發現咗一條古代運河，呢條運河由提姆薩湖東邊開始，經過大苦湖北端附近，連接住南北[10]。同之前講嗰條運河唔同，呢條運河係畀喺紅海岸航行嘅船喺提姆薩湖附近直接北上用嘅[7][10]。到咗20世紀，人哋發現咗由提姆薩湖去到巴拉湖（即而家嘅巴拉繞道附近）嘅延長工程遺跡[11]。根據運河沿岸嘅古代遺跡推斷，呢條運河係由埃及中王國以後嘅[11]。但冇人知道呢條運河係咪同塞索斯特里斯時代嘅古代運河一樣，都唔知佢係咪向東嘅壕溝。

公元前1470年哈特謝普蘇特在位期間去彭特遠征嘅故事，畫喺浮雕上面。浮雕顯示遠征軍由彭特返嚟嘅時候係坐船嘅。有人就話，當時紅海同尼羅河之間應該有一條航道[12][13][註 2]。從呢幅浮雕可以想像到，運河一直存在到拉美西斯二世喺位嘅公元前13世紀左右[2][14][15][16]

尼科二世、大流士一世同埃及托勒密王朝嘅運河

[編輯]

東西連接嘅運河遺跡係連接住古埃及嘅布巴斯提斯、阿瓦里斯（佩爾·拉美西斯，Template:Lang-en-short）同比松（英文版）。呢個遺跡係1799年拿破侖·波拿巴帶住一班工程師同地圖製作員發現嘅[3][17][18][19]。呢啲發現後尾收錄喺《埃及誌（英文版）》入面。

希臘嘅希羅多德寫嘅《歷史》話[20]，大約喺公元前600年，尼科二世開始起一條由布巴斯提斯同比松（希流波里）東西貫通、經過瓦迪杜米拉特嘅運河[3]，之後仲將佢延長到希流波里灣（英文版）同紅海[2]。但有人話佢嘅工程冇完成到[2][3]。

希羅多德話，雖然個數字唔係好可信，但呢個工程死咗120,000個人[註 3]。蓋烏斯·普林尼·塞庫恩杜斯就話，尼科二世整擴條運河57英里[3]，呢個長度就係由布巴斯提斯經山谷去到大苦湖嘅距離[3]。希羅多德講嘅距離係超過1,000體育場（超過114英里），呢個就係當時連接尼羅河同紅海嘅完整距離[3]。

尼科二世死咗之後，個工程就停咗。希羅多德話係因為有個神諭警告話，如果條運河完成咗會對其他國家有利[3][註 4]。其實係因為同尼布甲尼撒二世打仗，所以唔可以繼續起運河。

尼科二世嘅運河最後係畀征服咗古埃及嘅波斯國王大流士一世完成嘅。嗰陣時，喺希流波里灣同紅海之間，即係大苦湖正南面嘅位置[3][7]，有個叫沙魯夫（Shaluf[3]、Chalouf[21]、Shaloof[7]）嘅城鎮附近有條天然嘅[3]水道[2]。但呢條水道畀泥沙[3]塞住咗[2]，所以大流士一世就搞咗個疏浚工程，等船可以通過[3]。根據希羅多德嘅記載，起好嘅運河闊到可以畀兩隻三排槳戰船並排划槳通過，全程需要四日先到得。大流士一世為咗紀念呢個工程，喺尼羅河岸邊豎立咗好多花崗岩造嘅石碑，包括蘇伊士市以北幾英里嘅卡布雷特（Kabret）附近。呢啲《大流士蘇伊士銘文（英文版）》寫住：

神聖嘅國王大流士：作為波斯嘅王，朕由祖國出發征服咗埃及。朕命令由流經埃及嘅尼羅河起一條運河，去到波斯領土邊緣嘅海。呢條運河開通之後，就如朕所願，由埃及通到波斯嘅海路就連接起嚟[21]。


條運河係連接到尼羅河嘅布巴斯提斯。根據比松嘅紀念柱銘文，大約喺公元前270年或者之後嘅一年，托勒密二世[22]喺紅海嘅希流波里灣嘅阿爾西諾厄（英文版）[3]裝咗個有閘門嘅水閘，等海水唔會流入運河，可以保持淡水，就咁重開咗條運河[3]。

紅海嘅海退同尼羅河流域面積嘅縮小

[編輯]

歷史學家研究發現，紅海嘅海岸線慢慢退後，幾個世紀之後就退到提姆薩湖[6][7]同大苦湖[2][3]嘅位置以南好遠，去到而家嘅位置。仲有，尼羅河沉積嘅泥嘅存在，都令到運河經過嘅國家好難維修同保養。到咗托勒密二世之後大約100年，即係克婁巴特拉七世嘅時代，因為尼羅河三角洲嘅佩魯西姆支流淤塞咗[2][3]，所有東西向嘅運河都冇得再通航[2][3]。

蘇伊士灣北端嘅地形圖，1856年整嘅。上面仲有去舊開羅嘅路線。

舊開羅到紅海嘅路

[編輯]

到咗8世紀，有條運河連接住舊開羅同紅海[2][3]。但係邊個起嘅就有幾個講法，可能係圖拉真、阿姆爾·伊本·阿斯或者歐麥爾·伊本·哈塔卜[2][3]。呢條運河係由尼羅河邊嘅舊開羅[3]連到而家蘇伊士附近嘅位置[2][23]。地理學家迪奎勒報告過，8世紀初英國嘅僧侶菲德利斯去聖地朝聖嘅時候，佢講過自己喺路上由尼羅河坐船去到紅海[24]。

767年，阿拔斯王朝嘅哈里發曼蘇爾為咗對抗阿拉伯半島嘅敵對勢力，封咗條運河[2][3]。大約1000年左右，有人話哈基姆修葺過舊開羅同紅海之間嘅運河，但係好快又畀沙埋咗[2][3]。不過仲有啲結構保留住，每年尼羅河水浸嘅時候就會注滿水[2][3]。

拿破崙發現古運河

[編輯]

拿破崙·波拿巴好熱衷於發掘運河嘅遺跡，喺1798年下半年派咗一班考古學家、科學家、地圖學家同工程師去調查[25]。調查結果收錄喺《埃及誌》入面，裏面仲有幅詳細嘅地圖，解釋佢哋點樣發現一條由紅海向北延伸，然後向西轉去尼羅河嘅古代運河[25][26]。

為咗干擾由英國控制嘅印度貿易[27]，拿破崙認真考慮過起一條連接地中海同紅海嘅現代化南北運河。但係預先調查嘅時候發現紅海嘅水位比地中海高10米（33英尺），如果要用閘嚟起運河嘅話會好貴同要好長時間，所以呢個計劃就告吹咗。不過呢個調查結果係錯嘅，因為戰爭期間冇辦法做好測量，所以計算錯誤就越積越多[28][29]。

雖然而家都唔係好清楚，但係由布巴斯提斯去到紅海嘅古代運河路線，喺1861年左右仲有啲地方有水[3]。


現狀

[編輯]

因為查實並冇海平面差異或需要翻過山脈，蘇彝士運河上冇船閘。運河深度約 22.5 米，水面闊度從南面 280 米 到北面 345 米，航道浮標間平均闊度約 135米。家下至少畀 210,000 噸排水量嘅船載貨通過，最大食水深度可達 62 英尺（19米）。喺運河多個通航區域皆有一條航道標志。

蘇彝士運河長 163公里一般係指南入口到塞得港燈塔嘅內陸段，若果由南段嘅等候區域到北面嘅航道浮標就係大概 190 公里。包括兩部分：大苦湖（Great Bitter Lake）嘅南側段同北側段。載人嘅油輪限速為 13 公里每小時，貨艙船為 14 公里每小時，通過運河嘅全程要 11 至 16 小時。

蘇彝士運河係埃及嘅重要外匯收入來源，每年約 25,000 艘船隻通過蘇彝士運河，佔世界海運貿易嘅一成四。運河管理局統計報告顯示，自 1975 年 6 月重新啓用到2000年6月嘅25年裏面，徵收嘅船隻過境費去到 300 億美元。亞歐之間除咗石油以外嘅一般貨物海運，八成經過蘇彝士運河。之不過，因為中東地區嘅大量輸油管道及公路同鐵路嘅競爭，運油船減少，蘇彝士運河面對嘅危險亦減細，近年過境費亦有所下調。埃及政府計劃喺 2010 年將運河最大允許食水深度加到去 72 英尺（22 米），以允許超級油輪通過。家下，超級油輪需要落一部份貨物，由運河特有啲細船運過，跟住喺出口處重新裝貨。

運河中有一支挖泥船隊，負責疏通工程，一支救護拖輪船隊負責救護同救火，整咗一套通訊同航行監控系統，提供導航服務，重喺塞得港同陶菲克港擁有兩個船廠。運河西岸全程有一條鐵路平行延伸。

兩岸嘅連接

[編輯]

由北到南：

  • 1980年10月25號運河下一條公路隧道通車，響蘇彝士以北17公里，往返運河兩岸所需時間縮短咗好多。
  • 喺卡塔爾拉（El Qantara）有一條高架固定公路橋。
  • 2001年伊斯梅利亞北面廿公里起咗 El Ferdan 鐵路橋，係世界上最長「孔距」嘅閉合橋，佢「孔距」為 340 米。先前嘅橋喺 1967 年阿拉伯-以色列沖突時整爛咗。
  • Ahmed Hamdi 隧道響大苦水湖南面[30]，建過1983年。因為滲水問題，1992-1995年喺舊隧道內建設咗一條新嘅水密隧道。

睇埋

[編輯]

註

[編輯]
  1. ↑ 詹姆斯·亨利·布雷斯特德（英文版）認為，喺山谷入面開始嘅古代運河建設工程，係塞索斯特里斯三世嘅事業。J. H. Breasted、《 Ancient Records of Egypt》、第1章、第642-648頁、1906年、芝加哥
  2. ↑ 最近Wadi Gawasis嘅發掘顯示，古埃及嘅海運係以紅海沿岸嘅港口做起點，冇用過運河。
  3. ↑ W. W. How同J. Wells寫嘅《A Commentary on Herodotus》關於呢一點咁講：「12萬呢個數字肯定誇張咗。穆罕默德·阿里起嗰條由尼羅河通到亞歷山大嘅馬哈穆迪耶運河，都係死咗1萬人。」
  4. ↑ 希羅多德話：「啲預言話尼科二世係為啲蠻夷人勞心勞力，所以呢個工程就暫停咗。對於埃及人嚟講，所有講其他語言嘅人都係蠻夷人。」

攷

[編輯]
  1. ↑ Velāyati, Rahim (2010-02-20). "How Darius Build the Suez Canal? Its Political-Economic Impact in Achaemenid Period". Journal of Archaeological Studies. 1 (2): 177–201. ISSN 2251-9297.
  2. ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 2.13 2.14 2.15 2.16 2.17 2.18 『大英百科全書』、11th edition, s.v. "Suez Canal" 互聯網檔案館嘅歸檔，歸檔日期2011年7月21日，.。喺2008年8月8號訪問過。
  3. ↑ 3.00 3.01 3.02 3.03 3.04 3.05 3.06 3.07 3.08 3.09 3.10 3.11 3.12 3.13 3.14 3.15 3.16 3.17 3.18 3.19 3.20 3.21 3.22 3.23 3.24 3.25 3.26 3.27 3.28 Rappoport, S. (Doctor of Philosophy, Basel)。《History of Egypt》（冇日期，大約係20世紀初期）、第12冊、Part B、第V章：「The Waterways of Egypt」，第248-257頁。倫敦：The Grolier Society。
  4. ↑ 4.0 4.1 4.2 Hassan, F. A. & Tassie, G. J. "KAFR HASSAN DAWOOD On-Line, Site location and history" (英文). Egyptian Cultural Heritage Organization. 原著喺2005-04-16歸檔. 喺2010-08-28搵到.{{cite web}}: CS1 maint: multiple names: 作者名單 (link)
  5. ↑ 5.0 5.1 Silverman, David P《Ancient Egypt》Oxford University Press（2003年6月5日）ISBN 978-0195219524 第29頁
  6. ↑ 6.0 6.1 《The Columbia Encyclopedia》第六版
  7. ↑ 7.0 7.1 7.2 7.3 7.4 愛德華·納維爾（英文版）、「Map of the Wadi Tumilat (plate image)」《The Store-City of Pithom and the Route of the Exodus》Trubner and Company、1885年、倫敦
  8. ↑ 亞里士多德。"Meteorology（1.15）" (英文)。阿德萊德大學。原著喺2018-10-11歸檔。喺2010-08-28搵到。
  9. ↑ The Elder Pliny and John Healey. "Natural History（6.33.165）ISBN 978-0-14-044413-1 第70頁" (英文) (第Reprint edition（2004年2月5日）版). Penguin Classics. 喺2010-08-28搵到.
  10. ↑ 10.0 10.1 《Carte hydrographique de l'Basse Egypte et d'une partie de l'Isthme de Suez》（1855、1882）。第87卷、第803頁。巴黎。[1] 互聯網檔案館嘅歸檔，歸檔日期2009年2月13號，.。
  11. ↑ 11.0 11.1 Shea, William H. 「A Date for the Recently Discovered Eastern Canal of Egypt」，喺《Bulletin of the American Schools of Oriental Research》，第226期（1977年4月），第31-38頁。
  12. ↑ Sanford，第72頁
  13. ↑ Garrison，第36頁
  14. ↑ Richard S Hess. "Rev. of 《Israel in Egypt: The Evidence for the Authenticity of the Exodus Tradition》" (英文). James K. Hoffmeier。《The Denver Journal》1（1998年1月1日）. 原著喺2005年4月29日歸檔. 喺2008-05-14搵到.
  15. ↑ Fekri A Hassan. "Kafr Hassan Dawood On-line" (英文). Kafr Hassan Dawood On-line. 原著喺2010-01-15歸檔. 喺2010-08-28搵到.
  16. ↑ Martínez Babon, Javier. "Consideraciones sobre la Marinay la Guerra durante el Egipto Faraónico" (西班牙文). 原著喺2012-02-01歸檔. 喺2010-08-28搵到. {{cite web}}: Unknown parameter |dead-url-date= ignored (help); Unknown parameter |dead-url= ignored (|url-status= suggested) (help)
  17. ↑ 《Descriptions de l'Égypte》，第11卷（État Moderne），包括《Mémoire sur la communication de la mer des Indes à la Méditerranée par la mer Rouge et l'Isthme de Sueys》，作者係M. J.M. Le Père，總工程師，帝國橋樑同公路團嘅分部督察，埃及研究所成員，第21-186頁
  18. ↑ Montet, Pierre。《Everyday Life In The Days Of Ramesses The Great》（1981年），第184頁。費城：賓夕法尼亞大學出版社。
  19. ↑ Silver, Morris。《Ancient Economies II》（1998年4月6日），「5c. Evidence for Earlier Canals」。ANCIENT ECONOMIES II，2008年8月8日瀏覽。紐約市立大學經濟系。
  20. ↑ 希羅多德《歷史》，ii.158。
  21. ↑ 21.0 21.1 Jona Lendering. "Darius' Suez Inscriptions" (英文). LIVIUS Articles on Ancient History. 原著喺2010-03-27歸檔. 喺2010-08-28搵到.
  22. ↑ F. W. Walbank，《The Hellenistic World》1981:202。
  23. ↑ 奧古斯特·海因里希·彼得曼（英文版）《Karte Der Bai Von Súes》（1856）。Nach der Engl. Aufnahme v. Comm. Mansell。[2]
  24. ↑ 芭芭拉·塔克曼《Bible and Sword: How the British came to Palestine》MacMillan，倫敦（1987）ISBN 0-333-33414-0
  25. ↑ 25.0 25.1 "The Search for the Ancient Suez Canal" (英文). 堪薩斯城: Linda Hall Library. 喺2010-08-28搵到.
  26. ↑ 《Descriptions de l'Égypte》，第11卷（État Moderne），包括《Mémoire sur la communication de la mer des Indes à la Méditerranée par la mer Rouge et l'Isthme de Sueys》，作者係M. J.M. Le Père，總工程師，帝國橋樑同公路團嘅分部督察，埃及研究所成員，第21-186頁
  27. ↑ 牟田口義郎。〈表紙說明 地中海嘅水邊9〉。地中海學會月報 248。原著喺2009-02-01歸檔。喺2010-08-28搵到。
  28. ↑ 〈海運雜學講座310 蘇伊士運河：令拿破崙放棄運河建設嘅工程師哋嘅測量錯誤〉。日本船主協會。原著喺2012-12-14歸檔。喺2010-08-28搵到。
  29. ↑ Wilson，《The Suez Canal》
  30. ↑ "Rehabilitation of the Ahmed Hamdi Tunnel under the Suez Canal". www.nccnet.co.jp. 喺2021-03-29搵到.

出面網頁

[編輯]
維基同享有多媒體嘅嘢：
Suez Canal
維基文庫有原文：
由「https://zh-yue.wikipedia.org/w/index.php?title=蘇彝士運河&oldid=2204152」收