林偉強 (香港)

林偉強
出生日	1949年2月27號  （75歲）
出生地	長洲
職業	太平紳士
[改維基數據]

  提示：呢篇文講嘅唔係林奮強或林新強。

林偉強，SBS，BBS，JP（Daniel LAM Wai-keung，1949年2月27號—），係香港離島區議會前任主席，新界鄉議局副主席，香港立法會前議員。佢喺新界坪洲出世，係新界原居民。

1985年，林偉強參選立法局「新界南（選舉團）」落選。1988年獲港英政府委任做太平紳士。1988年至1991年期間，林獲港英政府委任做立法局議員。1991年，林參選區域市政局選舉落選。1996年，林參選臨時立法會落選。1998年，林聯同其他鄉事派人物參選立法會新界西直選，但都落選。2004年，劉皇發由立法會鄉議局功能組別，改循區議會功能組別出選，將鄉議局議席讓畀林偉強。鄉議局主席劉皇發嘅妹夫薛浩然亦曾經考慮與林角逐該議席，但其後俾劉勸退，以免造成鄉事派內訌。結果，林偉強自動當選立法會鄉議局議席。林偉強同劉皇發、張學明、李國英都係有鄉事背景嘅第三屆立法會議員，合稱「立法會鄉事四子」。

同其他三名有鄉事背景嘅立法會議員唔同，林偉強一直都無政黨背景。自由黨主席田北俊曾邀請林偉強加入該黨，但鄉議局認為立法會鄉議局代表可能同政黨角色有矛盾，所以林偉強至今都無加入任何政黨。

選舉經歷

嚮2012年香港特別行政區行政長官選舉，佢係選舉委員會委員。

喺2016年，佢成為香港特别行政區選舉委員會鄉議局委員。之後，佢有份提名林鄭月娥參與2017年香港行政長官選舉。

喺2021年9月，佢成為香港特别行政區選舉委員會鄉議局界委員。

2022年，佢喺李家超無提政綱嘅情況下，有份提名李家超參與2022年香港行政長官選舉。

屋企

林偉強已經結婚，有一個女林穎妍（Esther），有「離島之花」美譽，個女又有個仔。

個人榮譽

• 太平紳士（1988年）
• 銅紫荊星章（2000年）
• 銅紫荊星章（2006年）

公職

• 香港再出發大聯盟發起人

出面網頁

• 林偉強喺Freebase嘅資料
• 〈香港特別行政區立法會 - 議員資料庫〉 (繁體中文)。香港特別行政區立法會。